ສຳນັກຂ່າວບີບີຊີ ລາຍງານເມື່ອວັນທີ 18 ພຶດສະພາວ່າ ທາງການແອັດສະປາຍໄດ້ສົ່ງທະຫານ 200 ຄົນ ແລະ ຕຳຫຼວດອີກ 200 ຄົນ ໄປຊ່ວຍເຫຼືອເຂດປົກຄອງຕົນເອງເຊລຕາ ທີ່ຕັ້ງຢູ່ທາງທິດເໜືອຂອງທະວີບອາຟຣິກກາ ຕິດກັບຊາຍແດນໂມຣັອກໂກ, ຫຼັງຈາກມີຜູ້ອົບພະຍັກຊາວໂມຣັອກໂກປະມານ 8 ພັນຄົນ ເຊິ່ງໃນນັ້ນມີເດັກນ້ອຍອາຍຸຕ່ຳກວ່າ 18 ປີ ປະມານ 1.500 ຄົນໄດ້ພາກັນລອຍນ້ຳເຂົ້າມາເຂດຊາຍແດນເຊລຕາ.
ລາຍງານລະບຸວ່າ: ຜູ້ອົບພະຍົກເຫຼົ່ານີ້ ໄດ້ໃຊ້ອຸປະກອນລອຍນ້ຳອ້ອມຮົ້ວກັ້ນຊາຍແດນທີ່ເປັນແຄມທະເລ ເຂົ້າມາຍັງແອັດສະປາຍ ແຕ່ຜູ້ອົບພະຍົກຈຳນວນໜຶ່ງ ຖືກເຈົ້າໜ້າທີ່ສົ່ງກັບປະເທດແລ້ວ.
ເຂດປົກຄອງຕົນເອງເຊລຕາ ມີປະຊາກອນປະມານ 80 ພັນຄົນ ຕັ້ງຢູ່ທາງທິດເໜືອຂອງໂມຣັອກໂກ ຂັ້ນດ້ວຍຊ່ອງແຄບ ຢີຣອລຕາ ເປັນເຂດທີ່ຜູ້ອົບພະຍົກຊາວໂມຣັອກໂກມັກລັກລອບເຂົ້າມາ ເພື່ອຈະເດີນທາງໄປຫາວຽກເຮັດງານທຳໃນທະວີບເອີຣົບ.