ຫອຍແຄງ ເປັນວັດຖຸດິບທີ່ຫາໄດ້ຢູ່ໃນທະເລ ແຕ່ເປັນວັດຖຸດິບທີ່ບ້ານເຮົາກໍໃຫ້ຄວາມນິຍົມ ເພາະດ້ວຍລົດຊາດທີ່ເຄັມນົວ ແມ່ນເປັນລົດຊາດທີ່ຖືກປາກຄົນລາວເຮົາ ສ່ວນຫຼາຍຄົນຈະມັກນຳເອົາຫອຍແຄງມາລວກພັນກິນກັບຜັກ ແຕ່ວ່າມື້ນີ້ຜູ້ຂຽນມີອີກໜຶ່ງເມນູທີ່ນຳເອົາຫອຍແຄງມາເຮັດກໍແຊບບໍ່ແພ້ກັນ ມາຝາກທຸກຄົນໄປເຮັດກິນລອງເບິ່ງ ພ້ອມແລ້ວເຮົາໄປເຮັດກິນກັນເລີຍ.
ວັດຖຸດິບ ແລະ ເຄື່ອງປຸງ
ຫອຍແຄງ 1/2 ກິໂລ
ນ້ຳມັນພືດ 1 ບ່ວງແກງ
ກະທຽມສົດ 6 ກີບ
ໝາກເຜັດແຫ້ງ 2 ໜ່ວຍ ( ຕຳແຫຼກ )
ເຜັດດິບ 5 ໜ່ວຍ ( ຊອຍສະຫຼຽງ ໃສ່ຕາມໃຈ )
ພິກເຜົາ 3 ບ່ວງແກງ
ໃບຂີ້ຫູດ 5 ໃບ
ຜັກບົວລະພາ 1/2 ຖ້ວຍນ້ອຍ
ນ້ຳ 1 ບ່ວງແກງ ( ໃສ່ຕອນຂົ້ວ )
ນ້ຳ 1 ລິດ ( ລວກຫອຍ )
ວິທີເຮັດ
1 ຕົ້ມນ້ຳໃຫ້ຮ້ອນ, ລວກຫອຍແຄງ ປະມານ 1 ຫາ 2 ນາທີ ແລ້ວນຳໄປແກະປະໄວ້
2 ຄ້າງໝໍ້ກະທະໃສ່ນ້ຳມັນຂົ້ວກະທຽມໃຫ້ຫອມ ແລ້ວໃສ່ໝາກເຜັດຕຳລົງໄປ, ຈາກນັ້ນໃສ່ພິກເຜົາຂົ້ວໃຫ້ຫອມ.
3 ໃສ່ຫອຍແຄງລົງໄປຂົ້ວ, ນ້ຳມັນຫອຍຂົ້ວໃຫ້ເຂົ້າກັນ ໃສ່ນ້ຳບ່ວງ 1.
4 ສຸດທ້າຍໃສ່ໃບຂີ້ຫູດ ແລະ ບົວລະພາ ຄົນໜ້ອຍໜຶ່ງແລ້ວປິດໄຟ ຕັກໃສ່ຈານເສີບ.
ທີ່ມາ: https://www.zap.la
