ອິນເດຍ ມີຜູ້ຕິດເຊື້ອໂຄວິດສະສົມຫຼາຍກວ່າ 25 ລ້ານຄົນ ເສຍຊີວິດກວ່າ 4 ພັນຄົນຕໍ່ມື້

2419

ສະຖິຕິຜູ້ຕິດເຊື້ອໂຄວິດ-19 ສະສົມໃນປະເທດອິນເດຍເພີ່ມຂຶ້ນຫຼາຍກວ່າ 25 ລ້ານຄົນ ໂດຍພົບຜູ້ຕິດເຊື້ອຫຼາຍກວ່າ 1 ລ້ານຄົນ ໃນໄລຍະ ບໍ່ຮອດ 1 ອາທິດ. ຂະນະທີ່ ຈຳນວນຜູ້ເສຍຊີວິດປະຈຳວັນຫຼາຍກວ່າ 4 ພັນຄົນ.

ສຳນັກຂ່າວຕ່າງປະເທດລາຍງານຈາກນະຄອນຫຼວງນິວເດລີ ປະເທດອິນເດຍ ເມື່ອວັນອັງຄານ ທີ 18 ພຶດສະພາ ວ່າ ກະຊວງສາທາລະນະສຸກຂອງອິນເດຍ ລາຍງານພົບຜູ້ຕິດເຊື້ອໃໝ່ 263.533 ຄົນ ໃນຮອບ 24 ຊົ່ວໂມງ ຜ່ານມາ ຖືວ່າເປັນມື້ທີສອງຕິດຕໍ່ກັນແລ້ວທີ່ປະເທດອິນເດຍຢືນຢັນພົບຜູ້ຕິດເຊື້ອບໍ່ຮອດ 300.000 ຄົນ ແຕ່ສະຖິຕິຜູ້ຕິດເຊື້ອສະສົມເພີ່ມຂຶ້ນເປັນຢ່າງໜ້ອຍ 25.228.996 ຄົນ.

May be an image of one or more people

ຂະນະທີ່ ຈຳນວນຜູ້ເສຍຊີວິດຍັງສູງ 4.329 ຄົນ ໃນຮອບ 1 ວັນຜ່ານມາ. ເປັນສະຖິຕິປະຈຳວັນສູງທີ່ສຸດ.

May be an image of fire and outdoors

ປັດຈຸບັນປະເທດອິນເດຍມີສະຖິຕິເສຍຊີວິດສະສົມໂຄວິດຢ່າງໜ້ອຍ 278.719 ຄົນ, ປິ່ນປົວເຊົາ 21.596.512 ຄົນ ແລະ ຍັງເຫຼືອຜູ້ປິ່ນປົວໃນລະບົບຢ່າງໜ້ອຍ 3.353.765 ຄົນ.