ເຈົ້ານະຄອນໄກສອນ ພົມວິຫານ ລົງຕິດຕາມການປະຕິບັດວຽກຂອງຄະນະສະເພາະກິດ ຢູ່ 3 ກຸ່ມບ້ານ

141

ເມື່ອມໍ່ໆມານີ້ ທ່ານ ປະສົງສິນ ຈະເລີນສຸກ ເຈົ້ານະຄອນໄກສອນ ພົມວິຫານ ພ້ອມດ້ວຍຄະນະສະເພາະກິດຂັ້ນນະຄອນ ໄດ້ລົງຕິດຕາມ ແລະຊຸກຍູ້ການຈັດຕັ້ງ ປະຕິບັດວຽກງານຕ້ານ ແລະສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່3 ກຸ່ມບ້ານໃນນະຄອນ.


ໂອກາດນີ້, ທ່ານ ຄຳຕັນ ອິນທະຈັກ ນາຍບ້ານອຸດົມວິໄລ ຕາງໜ້າກຸ່ມບ້ານພັດທະນາທີ 4 ໄດ້ລາຍງານຜົນການຈັດຕັ້ງປະຕິບັດຄຳສັ່ງເລກທີ211/ຈນ.ກສ, ວ່າດ້ວຍການເພີມທະວີການປ້ອງກັນ, ຄວບຄຸມ ແລະແກ້ໄຂການລະ ບາດຂອງພະຍາດໂຄວິດ 19 ເຊິ່ງກຸ່ມບ້ານພັດທະນາທີ 4 ແມ່ນກຸ່ມບ້ານໜຶ່ງຂອງນະຄອນ ປະກອບ 5 ບ້ານຄື: ບ້ານໂພນສະຫວ່າງເໜືອ, ບ້ານໂພນສະຫວ່າງໃຕ້, ບ້ານອຸດົມວິໄລ, ບ້ານໜອງເດີ່ນ ແລະບ້ານໜອງຜື ມີພົນລະເມືອງ19.695 ຄົນ, ຍິງ10.113 ຄົນ.

ຜ່ານມາ, ທາງຄະນະສະກິດກຸ່ມບ້ານທີ 4 ແມ່ນໄດ້ເອົາໃຈໃສ່ປະຕິບັດຕາມຄຳສັ່ງຂອງເຈົ້ານະຄອນ ກໍ່ຄືຄະນະສະເພາະກິດຂັ້ນຕ່າງໆວາງອອກຢ່າງເຂັ້ມງວດ ຈາກນັ້ນ, ທ່ານ ປະສົງສິນ ຈະເລີນສຸກ ກໍ່ໄດ້ຮຽກຮ້ອງໃຫ້ທຸກຄົນ ຈົ່ງມີສະຕິ ແລະພ້ອມກັນປະຕິບັດຕາມຄຳສັ່ງຂອງຄະນະສະເພາະກິດວາງອອກຢ່າງເຂັ້ມງວດ ເພື່ອບໍ່ໃຫ້ການເກີດລະບາດຂອງພະຍາດໂຄວິດ-19 ໃນຊຸມຊົນ, ສືບຕໍ່ເຝົ້າລະວັງ ໂຄສະນາໃຫ້ປະຊາຊົນຮັບຮູ້ເຊື່ອມຊຶມ ແລະເປັນເຈົ້າການ ບໍ່ຝ່າຝືນຕໍ່ຄຳສັ່ງ ພ້ອມນີ້, ເຈົ້າໜ້າທີ່ ປກຊ-ປກສ ກໍ່ຕ້ອງເປັນເຈົ້າການໃນການຮັກສາຄວາມສະຫງົບປອດໄພຂອງປະຊາຊົນ.

Slide
Slide
Slide

ຕໍ່ຈາກນັ້ນ, ທ່ານເຈົ້ານະຄອນ ໄກສອນ ພົມວິຫານ ກໍ່ໄດ້ສືບຕໍ່ລົງເຄື່ອນໄຫວວຽກງານຢູ່ກຸ່ມບ້ານພັດທະທີ 5 ແລະກຸ່ມພັດທະນາທີ 6 ໃນນີ້ ທ່ານໄດ້ເນັ້ນໜັກໃຫ້ຄະນະພັກ-ອຳນາດການປົກຄອງບ້ານແຕ່ລະບ້ານ ໃຫ້ເອົາໃຈໃສ່ຄຳສັ່ງເລກທີ15/ນຍ, ຄຳສັ່ງທ່ານເຈົ້າແຂວງ 0775, 0770, 211/ຈນ.ກສ ແລະຄຳສັ່ງຄະນະສະເພາະກິດຂັ້ນສູນກາງ, ຂັ້ນແຂວງ ແລະຂັ້ນນະຄອນໃຫ້ປະຕິບັດເຂັ້ມງວດຂຶ້ນກວ່າເກົ່າອີກ.

ໂອກາດນີ້, ທ່ານເຈົ້ານະຄອນ ໄກສອນ ພົມວິຫານ ໄດ້ນຳເອົານ້ຳດື່ມ, ຜ້າປິດປາກ ແລະເຈວລ້າງມືຈໍານວນໜຶ່ງມາມອບໃຫ້ແກ່ທັງ 3 ກຸ່ມບ້ານ ເພື່ອນຳໄປໃຊ້ເຂົ້າໃນວຽກງານປ້ອງກັນ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ-9 ອີກດ້ວຍ.