ມື້ນີ້ລາຄານ້ຳມັນມີການເໜັງຕີງອີກຮອບ ຈະສິ້ນເປືອງເງິນໃນຖົງໄປອີກ 223 ກີບ ສຳລັບຜູ້ທີ່ມີພາຫະນະທີ່ນຳໃຊ້ນ້ຳມັນແອັດຊັງພິເສດ ເນື່ອງຈາກການປ່ຽນແປງຂອງລາຄາໃນຕະຫຼາດໂລກ ເຊິ່ງປະເທດເຮົານຳເຂົ້າຢ່່າງດຽວຈຳເປັນຕ້ອງທຳໃຈເມື່ອສິນຄ້າປັບຂຶ້ນລາຄາ.
ອີງຕາມແຈ້ງການຂອງ ກະຊວງອຸດສະຫະກຳ ແລະ ການຄ້າ ສະບັບເລກທີ 0354/ອຄ.ກຄພນ ລົງວັນທີ 12ພຶດສະພາ2021 ການປັບລາຄານ້ຳມັນຄັ້ງນີ້ແມ່ນ ຍັງຮັກສາລາຄາຂາຍຍ່ອຍ ນ້ຳມັນແອັດຊັງທຳມະດາ ແລະ ນ້ຳມັນກະຊວນ. ສ່ວນນ້ຳມັນແອັດຊັງພິເສດແມ່ນປັບຂີ້້ນ 223 ກີບຕໍ່ລິດ ເລີ່ມປະຕິບັດ ວັນທີ 13 ພຶດສະພາ2021 ເວລາ 06 ໂມງເຊົ້າເປັນຕົ້ນໄປ.
ແນວໃດກໍ່ຕາມຂໍ້ດີຂອງຫຼາຍຄົນໃນຕອນນີ້ຄືຍັງຢູ່ໄລຍະລັອກດາວ ແລະ ການປັບຂຶ້ນລາຄານ້ຳມັນກໍ່ບໍ່ກວມເອົານ້ຳມັນກາຊວນ ແລະແອັດຊັງທຳມະດາທີ່ຄົນສ່ວນໃຫຍ່ຊົມໃຊ້ ໂດຍສະເພາະຊາວໄຮ່ຊາວສວນ ແລະຜູ້ມີລາຍໄດ້ຕ່ຳ.
