10 ພຶດສະພາ 2021 ລາວ ມີຜູ້ຕິດເຊື້ອໂຄວິດ 25 ຄົນ ແຂວງບໍ່ແກ້ວ ຍັງມີຕົວເລກຫຼາຍກວ່າໝູ່

238

ສປປ ລາວ ກວດພົບຜູ້ຕິດເຊື້ອໂຄວິດ-19 ອີກ 25 ຄົນ; ໃນນີ້ຢູ່ນະຄອນຫຼວງວຽງຈັນ 6 ຄົນ, ຈຳປາສັກ 1 ຄົນ, ຢູ່ສະຫວັນນະເຂດ 3 ຄົນ ແລະ ແຂວງບໍ່ແກ້ວ 15 ຄົນ; ເຮັດໃຫ້ຕົວເລກຜູ້ຕິດເຊື້ອສະສົມທົ່ວປະເທດມີ 1.327 ຄົນ.

ໃນວັນທີ 10 ພຶດສະພາ ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ໄດ້ຖະແຫຼງຂ່າວປະຈຳວັນ ທີ່ກະຊວງສາທາລະນະສຸກ.

May be an image of one or more people, people sitting and text
ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ກ່າວວ່າ: ການເຝົ້າລະວັງໃນວັນທີ 10 ພຶດສະພາ 2021 ລາວ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ຢູ່ໃນລາວ ຜ່ານການກວດຕົວຢ່າງພົບວ່າ ມີຜູ້ຕິດເຊື້ອເພີ່ມ 25 ຄົນ ໃນນີ້ນະຄອນຫຼວງວຽງຈັນ6 ຄົນ, ບໍ່ແກ້ວ 15 ຄົນ, ສະຫວັນນະເຂດ 3 ຄົນ ແລະ ແຂວງຈຳປາສັກຈຳນວນ 1 ຄົນ. ເຮັດໃຫ້ຕົວເລກຜູ້ຕິດເຊື້ອສະສົມທັງໝົດໃນທົ່ວປະເທດມີຈຳນວນ 1.327 ຄົນ.

Slide
Slide
Slide

ໃນຈຳນວນຜູ້ຕິດເຊື້ອທັງໝົດ ແມ່ນໄດ້ຮັບການປິ່ນປົວຫາຍດີ ອີກ 6 ຄົນ  (ນະຄອນຫຼວງ 5 ຄົນ ແລະ ແຂວງບໍ່ແກ້ວ 1 ຄົນ)ລວມການປິ່ນປົວດີສະສົມ 238 ຄົນ, ຍັງນອນຕິດຕາມປິ່ນປົວຢູ່ສະຖານທີ່ຄະນະສະເພາະກິດກຳນົດໄວ້ໃນຕ່ລະແຂວງ ຈຳນວນ 1.088 ຄົນ.

ຮຽກຮ້ອງມາຍັງບັນດາພໍ່ແມ່ປະຊາຊົນ ຕ້ອງໄດ້ປັບປ່ຽນວິຖີຊີວິດໃໝ່ ເພື່ອໃຫ້ພວກເຮົາສາມາດຢັບຢັ້ງການແຜ່ລະບາດບໍ່ໃຫ້ແຜ່ເປັນວົງກວ້າງເຊັ່ນ: ໃຊ້ຜ້າອັດປາກ-ດັງເວລາອອກເຮືອນທຸກຄັ້ງ, ຮັກສາໄລຍະຫ່າງທັງຄົນຢູ່ຫ້ອງການ, ໝັ່ນລ້າງມື ພ້ອມພົກເຈວຂ້າເຊື້ອຕະຫຼອດເວລາ, ຫຼີກລ່ຽງໃນການໄປບ່ອນແອອັດ ແລະ ບໍ່ໃຫ້ມີງານສັງສັນ ເຖິງວ່າທ່ານຈະມີຜູ້ເຖົ້າຢູ່ເຮືອນຂໍໃຫ້ຮັກສາໄລຍະຫ່າງກັບເພິ່ນ ເພາະເຮົາອາດເອົາເຊື້ອໄປຕິດໃສ່ເພິ່ນແບບບໍ່ຮູ້ຕົວເພາະຜູ້ເຖົ້າເພິ່ນມີພະຍາດປະຈຳຕົວຢູ່ແລ້ວ ຍິ່ງຈະເຮັດໃຫ້ເພິ່ນມີຄວາມສ່ຽງສູງທີ່ເປັນອັນຕະລາຍ, ຫາກທ່ານມີຄວາມຈຳເປັນໄປອອກຕະຫຼາດ ໃຫ້ຂຽນເປັນລາຍການໄວ້ ແລ້ວໄປຊື້ໃຫ້ໃຊ້ເວລາຊື້ຢູ່ຫັນບໍ່ໃຫ້ເກີນ 15 ນາທີ.

ຂໍໃຫ້ບັນດາທ່ານຮີບຮ້ອນໄປຮັບ ຫຼື ສັກວັກແຊັງ(ຫລືວັກຊີນ)ປ້ອງກັນໂຄວິດ-19 ຕາມສະຖານທີ່ຕ່າງໆ, ຫາກພົນລະເມືອງລາວເຮົາໄດ້ຮັບວັກແຊັງ ເຖິງ 50-70 % ເຮົາກໍຈະມີພູມຄຸ້ມກັນລວມໝູ່.

ສະໜັບສະໜູນຂ່າວໂດຍ: