ໂຕມິວ ບໍລິຈາກເລືອດຊ່ວຍເຫຼືອສັງຄົມພ້ອມລະດົມໃຫ້ຫຼາຍຄົນມີສ່ວນຮ່ວມ

485

ພັດທະນາ ຄິດາພອນ (ໂຕມິວ) Miss Grand Laos 2020 ເຊິ່ງເມື່ອບໍ່ດົນມານີ້ ໄດ້ເປັນຕົວແທນຂອງປະເທດລາວ ເຂົ້າຮ່ວມປະກວດ Miss Grand international ທີ່ປະເທດໄທ ເຊິ່ງໄດ້ສ້າງຄວາມຮືຮາ ແລະ ໄດ້ຮັບຄວາມສົນໃຈຈາກສື່ ແລະ ແຟນໆນາງງາມເປັນຈຳນວນຫຼວງຫຼາຍ ໃນການປະກວດ ຮອບຊຸດປະຈຳຊາດ ກັບຊຸດປາກັດລາວ


ໃນວັນທີ 7 ພຶດສະພາ 2021 ນີ້ ໂຕມີວ ສາວງາມທີ່ງາມທັງກາຍ ແລະ ຈິດໃຈໄດ້ເດີນທາງໄປບໍລິຈາກເລືອດທີ່ສູນບໍລິຈາກເລືອດອົງການກາແດງລາວ ໂດຍ ໂຕມີວ ໄດ້ໂພສຜ່ານເພສບຸກສ່ວນຕົວ ເພື່ອເຊີນຊວນໃຫ້ທຸກຄົນທີ່ມີຮ່າງກາຍແຂງແຮງ ແລະ ບໍ່ຢູ່ໃນກຸ່ມສ່ຽງ ໄປຮ່ວມບໍລິຈາກເລືອດ ດ້ວຍແຄັບຊັນວ່າ: ໂພດສນີ້ ມີວ ຢາກຊວນທຸກຄົນໃຜທີ່ບໍ່ແມ່ນກຸ່ມສ່ຽງ,ໝັ້ນໃຈວ່າໂຕເອງສຸຂະພາບແຂງແຮງມາຮ່ວມບໍລິຈາກເລືອດນຳກັນເພາະຊ່ວງນີ້ແມ່ນເພິ່ນຕ້ອງການເລືອດຫລາຍ

ໃຜທີ່ມີຄວາມພ້ອມທີ່ຈະບໍລິຈາກແມ່ນສາມາດເຂົ້າໄປບໍລິຈາກທີ່ອົງການກາແດງລາວເປີດທຸກມື້ 8:00-18:00 ໂມງທຸກຄັ້ງທີ່ໄປຢ່າລື່ມໃສ່ຜ້າອັດປາກ ແລະ ລ້າງມືຕະຫລອດເດີ.

Slide
Slide
Slide

ມີວ ເຊື່ອວ່າການເປັນຜູ້ໃຫ້ ຍິ່ງໃຫຍ່ສະເຫມີ ຍິ່ງເປັນການໃຫ້ຊີວິດຄົນ ສິ່ງນັ້ນເປັນສິ່ງທີ່ປະເສີດ ແລະ ຫນ້າພູມໃຈຫລາຍ