ສະໂມສອນ ໂຣມາ ໃນ ເຊຣີອາ ອີຕາລີ ປະກາດແຕ່ງຕັ້ງ ໂຈເຊ ມູຣິນໂຢ ຮັບໜ້າທີ່ຜູ້ຈັດການທີມ ໃນລະດູການໜ້າ ເຊັນສັນຍາຈົນເຖິງປີ 2024 ແທນທີ່ ເປົາໂລ ຟອນເຊກ້າ ຫຼັງຈົບລະດູການນີ້ທັນທີ.
ກ່ອນໜ້ານີ້ ມູຣິນໂຢ ກໍຮັບໜ້າທີ່ເປັນຄໍລຳນິສ ຂຽນບົດວິເຄາະທັດສະນະສ່ວນຕົວກ່ຽວກັບການແຂ່ງຂັນເຕະບານ ຢູໂຣ 2020 ທີ່ເລື່ອນມາແຂ່ງຂັນໃນປີນີ້ ລົງໜັງສືພິມ ເດີ ຊັນ ແລະ ຮັບໜ້າທີ່ເປັນຄອມເມັນເທເຕີ ນັກວິເຄາະ-ວິຈານ ການແຂ່ງຂັນເຕະບານ ຢູໂຣ 2020 ຜ່ານສື່ Sunday Times ແລະ ວິທະຍຸ talkSPORT.
ສໍາລັບ ມູຣິນໂຢ ຫາກໍແຍກທາງກັບ ທ໊ອດແນມ ຮ໊ອດສະເປີ ທີມໃນພຣີເມຍລີກ ອັງກິດ ເມື່ອ 2-3 ອາທິດ ທີ່ຜ່ານມາ. ຢ່າງໃດກໍຕາມ ມູຣິນໂຢ ເຄີຍມີປະສົບການຍິ່ງໃຫຍ່ໃນລີກສູງສຸດຂອງປະເທດອິຕາລີ ໃນການຄຸມທີມ ອິນເຕີ ມິລານ ລະຫວ່າງປີ 2008-2010 ແລະ ປະສົບຜົນສໍາເລັດມາແລ້ວ.