4ພຶດສະພາ ມີຜູ້ຕິດເຊື້ອເພີ່ມ60ຄົນ, ຈຳປາສັກຫຼາຍສຸດ 30 ຄົນ

129

ຄະນະສະເພາະກິດຖະແຫຼງຂ່າວປະຈຳວັນທີ 4 ພຶດສະພາ 2021 ຢັ້ງຢຶນຜົນກວດໃນວັນທີ 3 ພຶດສະພາ ສປປລາວ ພົບຜູ້ຕິດເຊື້ອໂຄວິດໃໝ່60ຄົນ.

ທ່ານດຣ. ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຖະແຫຼງຂ່າວປະຈຳວັນທີ 4 ພຶດສະພາວ່າ: ໃນວັນທີ3 ພຶດສະພາໄດ້ເກັບຕົວຢ່າງມາກວດ1.463 ຕົວຢ່າງ ພົບຜູ້ຕິດເຊື້ອ60 ຄົນ; ໃນນີ້ນະຄອນຫຼວງວຽງຈັນ 8 ຄົນ, ແຂວງຈໍາປາສັກ 30 ຄົນ, ແຂວງບໍ່ແກ້ວ 20 ຄົນ, ແຂວງສະຫວັນນະເຂດ 1 ຄົນ ແລະ ແຂວງວຽງຈັນ 1 ຄົນ.

Slider

ຈາກຕົວເລກດັ່ງກ່າວ ເຮັດໃຫ້ຍອດຜູ້ຕິດເຊື້ອສະສົມຢູ່ສປປລາວ ມີ1.026ຄົນ, ປິ່ນປົວດີສະສົມ60 ຄົນ, ກຳລັງນອນຕິດຕາມປິ່ນປົວ 966 ຄົນ, ບໍ່ມີຜູ້ເສຍຊີວິດ. ມີລາຍລະອຽດດັ່ງນີ້:

ນະຄອນຫຼວງວຽງຈັນ 606 ຄົນ (ໃໝ່ 8), ແຂວງຈຳປາສັກ 151 ຄົນ (ໃໝ່ 30)ສຳລັບຄົນເຈັບແຂວງເຊກອງ ແມ່ນນອນ
ປິ່ນປົວຢູ່ແຂວງຈຳປາສັກ, ແຂວງບໍ່ແກ້ວ 118 ຄົນ (ໃໝ່ 20), ແຂວງສະຫວັນນະເຂດ 32 ຄົນ (ໃໝ່ 1), ແຂວງຫຼວງພະບາງ 13 ຄົນ, ແຂວງວຽງຈັນ 14 ຄົນ (ໃໝ່ 1).


ແຂວງສາລະວັນ 7 ຄົນ, ແຂວງຫຼວງນ້ຳທາ 6 ຄົນ, ແຂວງອຸດົມໄຊ 8 ຄົນ, ແຂວງຜົ້ງສາລີ 3 ຄົນ, ແຂວງໄຊຍະບູລີ 3 ຄົນ, ແຂວງບໍລິຄຳໄຊ 3 ຄົນ, ແຂວງຄຳມ່ວນ 1 ຄົນ, ແຂວງຊຽງຂວາງ 1 ຄົນ. ຄົນເຈັບທຸກຄົນ ແມ່ນມີສຸຂະພາບຮ່າງກາຍ ແລະ ສຸຂະພາບຈິດ ສົມບຸນ ປົກກະຕິ ແລະ ທຸກຄົນແຂງແຮງດີ.

ສຳລັບຄົນເຈັບກໍລະນີໃໝ່ 8 ຄົນ ທີ່ພົບຢູ່ນະຄອນຫຼວງວຽງຈັນ ລ້ວນແລ້ວແຕ່ ເປັນຜູ້ສຳຜັດໃກ້ຊິດ ກັບຜູ້ຕິດເຊື້ອ ທີ່ກ່ຽວພັນກັບກໍລະນີທີ 59. ສ່ວນ ກໍໍລະນີຕິດເຊື້ອໃໝ່ ຢູ່ແຂວງ ຈຳປາສັກ, ບໍ່ແກ້ວ, ສະຫວັນນະເຂດ ແລະ ແຂວງວຽງຈັນ ນັ້ນ ລ້ວນແລ້ວແຕ່ມີປະຫວັດສຳຜັດກັບກໍລະນີຕິດເຊື້ອເກົ່າ ຢູ່ໃນແຂວງຂອງເຂົ້າເຈົ້າຄືກັນ.

ຕໍ່ໜ້າກັບສະພາບວິກິດການລະບາດພະຍາດພາຍໃນປະເທດເຮົານີ້ ຂ້າພະເຈົ້າຂໍການຮ່ວມມີມາຍັງທຸກທ່ານ ແລະ ທຸກພາກສ່ວນໃນສັງຄົມ ຈົ່ງໄດ້ສືບຕໍ່ຮ່ວມແຮງຮ່ວມໃຈກັນໃນປະຕິບັດມາດຕະການທີ່ຄະນະສະເພາະກິດວາງອອກຢ່າງເຂັ້ມງວດເພື່ອສະກັດກັ້ນການລະບາດຂອງ ພະຍາດ COVID-19 ບໍ່ໃຫ້ແຜ່ຂະຫຍາຍຈົນເຖິງລະດັບທີ່ບໍ່ສາມາດຄວບຄຸມໃດຄືກັບບາງປະເທດໃນໂລກ.

ວີດີໂອຖະແຫຼງຂ່າວ