ຫົວໜ້າການເມືອງທະຫານແຂວງບໍ່ແກ້ວ ລົງກວດກາຊຸກຍູ້ວຽກງານຕ້ານ ແລະ ສະກັດກັ້ນ ພະຍາດໂຄວິດ-19

178

ສະຫາຍ ພັນເອກ ບຸນມີ ພາມີໄຊ ຄະນະປະຈໍາພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງບໍ່ແກ້ວ ແລະ ສະຫາຍ ພັນໂທ ຈັນພອນເພັດ ຄຳສີ ຮອງຫົວໜ້າກອງບັນຊາການ ປກສ ແຂວງ ພ້ອມດ້ວຍຄະນະ ໄດ້ລົງຕິດຕາມກວດກາກຳລັງອ້າຍນ້ອງ 2 ກຳງລັງ ທະຫານ-ຕຳຫຼວດ, ກອງຫຼອນບ້ານ, ແພດ ທີ່ປະຕິບັດໜ້າທີ່ ຢູ່ຈຸດຍາມດ່ານກວດກາ ຄົນເຂົ້າ-ອອກເມືອງ ເພື່ອປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ພາຍໃນເມືອງຫ້ວຍຊາຍຢ່າງເຂັ້ມງວດເມື່ອວັນທີ28 ເມສາ ຜ່ານມາ.

ການລົງຢ້ຽມຢາມ ແລະ ຕິດຕາມກວດກາບັນດາດ່ານຄົນເຂົ້າ-ອອກເມືອງຄັ້ງນີ້ປະກອບມີທັງໝົດ 5 ຈຸດ: ດ່ານກວດກາປ່າອ້ອຍ, ດ່ານໂມ້ຫີນ, ກອງຮ້ອຍທະຫານຊາຍແດນ 123, ກຸ່ມບ້ານຫ້ວຍຊາຍນ້ອຍ, ກຸ່ມບ້ານຄົກຫຼວງ ແລະ ດ່ານກວດກາປາກທາ.

Slider

ສະຫາຍໄດ້ກ່າວສະແດງຄວາມຊົມເຊີຍຕໍ່ 2 ກຳລັງ ປກຊ-ປກສ ພະນັກງານ ອຳນາດການປົກຄອງບ້ານທຸກຂັ້ນທີ່ໄດ້ເອົາໃຈໃສ່ຕໍ່ໜ້າທີ່ຂອງຕົນຕາມຂັ້ນເທິງມອບໝາຍໃຫ້ ພ້ອມທັງເນັ້ນໜັກໃຫ້ທຸກພາກສ່ວນ ທີ່ປະຈໍາຢູ່ບັນດາ ປ້ອມ ຈຸດ ດ່ານ ກວດກາ ປ້ອງກັນຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ທີ່ກຳລັງແຜ່ລະບາດເປັນວົງກວ້າງພາຍໃນປະເທດເຮົາ ເວົ້າລວມເວົ້າສະເພາະເມືອງຫ້ວຍຊາຍ ແຂວງບໍ່ແກ້ວ ໃຫ້ຫຼຸດລົງເປັນກ້າວໆ, ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ສືບຕໍ່ເອົາໃຈໃສ່ເຮັດໜ້າທີ່ ປ້ອງກັນຄວບຄຸມມາດຕະການຕ່າງໆຢ່າງເຂັ້ມງວດຈົນກ່ວາຈະມີຄໍາສັ່ງປ່ຽນແປງ. ພ້ອມດຽວກັນນັ້ນຄະນະນຳລົງຊຸກຍູ້ໃນຄັ້ງນີ້ຍັງໄດ້ມອຍວັດຖຸປັດໃຈໃຫ້ກັບບັນດາຈຸດປ້ອມນຳອີກ.

ມາຮອດວັນທີ 29 ເມສາ 2021  ມີກໍລະນີຕິດເຊື້ອໂຄວິດທັງໝົດ 24 ຄົນ.

.

ໂດຍ: ວໍລະສິດ ພິດສະຫາຍ, ໜັງສືພິມບໍ່ແກ້ວ