ເບນເຊມາ ຍິງປະຕູໃຫ້ ມາດຣິດ ໄລ່ຕີສະເໝີ ເຊລຊີ 1-1 ລູ້ນຕໍ່ນັດທີ2 ວັນທີ5ພຶດສະພາ

135

ການແຂ່ງຂັນບານເຕະ ຢູຟາ ແຊັມປ້ຽນລີກ ຮອບ 4 ທີມສຸດທ້າຍນັດທໍາອິດ ເມື່ອວັນທີ 27 ເມສາ 2021ເຊລຊີໄດ້ເຮກ່ອນ ຈາກການຍິງຂອງຄຣິສຕຽນ ພູລິຊິຊ, ກ່ອນທີ່ຄາຣິມ ເບນເຊມາ ກອງໜ້າຂອງ ຣີລ ມາດຣິດ ຍິງປະຕູໄລ່ຕີສະເໝີ ເຊລຊີ 1-1 ເຮັດໃຫ້ຕ້ອງລຸ້ນຕໍ່ນັດທີ2 ໃນວັນທີ5 ພຶດສະພາ

 

ນັດດັ່ງກ່າວ ເຊລຊີ ໄດ້ປະຕູຈາກ ຄຣິສຕຽນ ພູລິຊິຊ ໃນນາທີໆ 14 ກ່ອນທີ່ ເບນເຊມາ ຈະຍິງປະຕູໃຫ້ ຣີິລ ມາດຣິດ ຕີສະເໝີ 1-1 ນາທີໆ 29 ໄລຍະເວລາທີ່ເຫຼືອຍິງປະຕູເພີ່ມບໍ່ໄດ້ ຈົບການແຂ່ງຂັນສະເໝີກັນ 1-1 ຕ້ອງໄປຕັດສິນກັນໃນນັດທີ 2.

.

Slider

ປະຕູດັ່ງກ່າວເປັນປະຕູທີ 71 ຂອງ ເບນເຊມາ ໃນການແຂ່ງຂັນ ຢູຟາ ແຊັມປ້ຽນລີກ ( ບໍ່ນັບຮອບຄັດເລືອກ ) ເຮັດໃຫ້ລາວກາຍເປັນນັກເຕະອັນດັບ 4 ຂອງລາຍການນີ້ເທົ່າກັບ ຣາອູລ ກອນຊາເລຍ ອະດີດກອງໜ້າຂອງ ຣີລ ມາດຣິດ.

ສໍາລັບ ສະຖິຕິການຍິງປະຕູໃນ ຢູຟາ ແຊັມປ້ຽນລີກ ( ບໍ່ນັບຮອບຄັດເລືອກ ) ອັນດັບ 1 ເປັນຂອງ ຄຣິສເຕຍໂນ ໂຣນັລໂດ ຈາກຢູເວນຮຕຸສ ຍິງໄປທັງໝົດ 134 ປະຕູ, ອັນດັບ 2 ລິໂອເນລ ເມສຊີ ຈາກບາເຊໂລນາ ຍິງໄປ 120 ປະຕູ ແລະ ອັນດັ3 ໂຣເບິດ ເລວານດອຟສະກີ ຈາກບາເຢິນມິວນິກ ຍິງໄປ 73 ປະຕູ.