ສຳລັບຜູ້ທີ່ມັກອອກກຳລັງກາຍນອກເຮືອນ ເພື່ອປ້ອງກັນຄວາມສ່ຽງໃນການຕິດເຊື້ອ ໂຄວິດ-19 ແລະ ຊ່ວຍຫລຸດການແຜ່ກະຈາຍຂອງເຊື້ອໄວຣັດໂຄວິດ-19 ການກຽມຕົວ ຢ່າງຖືກວິທີເປັນເລື່ອງສໍາຄັນເພື່ອຈະໄດ້ອອກກໍາລັງກາຍໄດ້ແບບສະບາຍໃຈຫ່າງໄກໂລກ
8 ເທັກນິກການອອກກໍາລັງກາຍນອກບ້ານຫ່າງໄກໂຄວິດ-19 ສາມາດເຮັດໄດ້ດັ່ງນີ້:
- ຫຼີກລ່ຽງສະຖານທີ່ມີຄົນຫຼາຍ ຮັກສາໄລຍະຫ່າງໃຫ້ຫລາຍທີ່ສຸດຢ່າງຫນ້ອຍ 2 ແມັດ ເນື່ອງຈາກມີຄົນໄອ-ຈາມ ລະອອງອາດໄປໄດ້ໄກກວ່າປົກກະຕິຈາກຄວາມໄວໃນການແລ່ນ ແລະ ລົມພັດ
- ຍົກເວັ້ນການຈັບກຸ່ມສົນທະນາ ຫລື ລວມກຸ່ມອອກກຳລັງກາຍ ແລະ ບໍ່ຖົ່ມນໍ້າລາຍ ຫລື ສັ່ງຂີ້ມູກລົງພື້ນ
- ຫາກມີອາການໄຂ້, ໄອ ບໍ່ສະບາຍຄວນພັກການອອກກຳລັງກາຍ ແລະ ງົດອອກກຳລັງກາຍນອກບ້ານ
- ຄວນໃສ່ຫນ້າກາກຜ້າ ຫລື ຫນ້າກາກອະນາໄມ ຂະນະເດີນທາງໄປອອກກຳລັງກາຍ
- ຂະນະອອກກຳລັງກາຍ ຫມັ່ນປະເມີນຕົນເອງ ເລືອກຊະນິດການອອກກຳລັງກາຍ ແລະ ຫນ້າກາກໃຫ້ເຫມາະສົມໂດຍບໍ່ອອກກຳລັງກາຍຫັກໂຫມຈົນເກີນໄປ
- ຫາກອອກກຳລັງກາຍໃນສະຖານທີ່ທີ່ຄົນບໍ່ຫລາຍ ບໍ່ແນະນຳໃຫ້ໃສ່ຫນ້າກາກຂະນະອອກກຳລັງກາຍ ໂດຍສະເພາະຜູ້ທີ່ບໍ່ໄດ້ອອກກຳລັງກາຍເປັນປະຈຳ, ຜູ້ສູງອາຍຸ ຫລື ຜູ້ທີ່ມີໂລກປະຈຳຕົວ
- ເລືອກໃຊ້ຜ້າຄຸມບໍລິເວນປາກ ແລະ ດັງ ແທນການໃສ່ຫນ້າກາກໄດ້ຊ່ວຍໃຫ້ຫາຍໃຈໄດ້ສະດວກກວ່າ ສາມາດຫຼຸດໄລຍະທາງການກະຈາຍຂອງລະອອງຝຸ່ນໄດ້ສ່ວນຫນຶ່ງຫາກຜູ້ໃສ່ ໄອ ຈາມ ແຕ່ປະສິດທິພາບການປ້ອງກັນຈະບໍ່ທຽບເທົ່າຫນ້າກາກອະນາໄມ ແລະ ຫາກໃສ່ຄຸມຢູ່ຕະຫລອດກໍເຮັດໃຫ້ເກີດຄວາມຮ້ອນ ແລະ ອຶດອັດໄດ້ເຊັ່ນກັນ
- ຮັກສາສຸຂະອະນາໄມຕະຫລອດເວລາ ຫມັ່ນລ້າງມື ບໍ່ເອົາມືໄປສຳຜັດໃບຫນ້າ
ຈາກເຫດການໂຄວິດ-19 ທຸກຄົນຕ້ອງຮຽນຮູ້ທີ່ຈະປັບຕົວ ແລະ ດໍາລົງຊີວິດແບບໃຫມ່ ທີ່ສໍາຄັນຢ່າລືມປະເມີນຕົນເອງຢູ່ສະເຫມີ ເພື່ອຈະໄດ້ກັບມາອອກກຳລັງກາຍໄດ້ຢ່າງມີປະສິດທິພາບ, ປາສະຈາກໂລກ ເພາະການອອກຳລັງກາຍຊ່ວຍສ້າງພູມຕ້ານທານໃຫ້ຮ່າງກາມີສຸຂະພາບແຂງແຮງໃນໄລຍະຍາວ ແລະ ຍັງຊ່ວຍຫຼຸດຄວາມຕຶງຄຽດໄດ້ເຊັ່ນກັນຄຽງຄູ່ກັບບໍລິຖພກອາຫານທີ່ດີຕໍ່ສຸຂະພາບ.
