ເປັນຂ່າວທີ່ບໍ່ຢາກໄດ້ຍິນປານໃດ ສຳລັບກໍລະນີຕິດໂຄວິດທີ່ນັບມື້ເພີ່ມຂຶ້ນ ເຊິ່ງມື້ນີ້ທຳລາຍສະຖິຕິສູງກວ່າເກົ່າທຽບໃສ່ມື້ວານນີ້ ຜູ້ຕິດເຊື້ອເພີ່ມຂຶ້ນເຖິງ 88 ຄົນ ລວມເປັນ 247 ຄົນ.
ຕາມຖະແຫຼງຂ່າວຂອງຄະນະສະເພາະກິດມື້ວັນທີ 24 ເມສາ 2021 ໃຫ້ຮູ້ວ່າ ໄດ້ເກັບຕົວຢ່າງມາກວດວິເຄາະທັງໝົດ 3.012 ຄົນ ຜົນກວດວິເຄາະທັງໝົດ ແມ່ນພົບຜູ້ຕິດເຊື້ອໃໝ່ 88 ຄົນ, ໃນນັ້ນ ຈາກນະຄອນຫຼວງວຽງຈັນ 84 ຄົນ, ແຂວງບໍ່ແກ້ວ 2 ຄົນ, ແຂວງຈຳປາສັກ 2 ຄົນ.
ສັງລວມການເກັບຕົວຢ່າງກວດວິເຄາະ ນັບແຕ່ເດືອນມັງກອນ 2020 ຮອດປະຈຸບັນ ມີທັງໝົດ 153.075 ຕົວຢ່າງ, ໃນນັ້ນ ກວດພົບເຊື້ອສະສົມ 247 ຄົນ( ໃນນີ້ປິ່ນປົວດີ49 ຄົນ, ກຳລັງນອນປິ່ນປົວ198ຄົນ). ຜູ້ຕິດເຊື້ອນອນໃນ8 ແຂວງຄື:ນະຄອນຫຼວງວຽງຈັນ 179 ຄົນ(ໃໝ່84ຄົນ), ຈຳປາສັກ 7 ຄົນ(ໃໝ່2ຄົນ), ສະຫວັນນະເຂດ3 ຄົນ, ບໍ່ແກ້ວ5 ຄົນ(ໃໝ່2ຄົນ), ບໍລິຄຳໄຊ1 ຄົນ, ຄຳມ່ວນ1 ຄົນ, ສາລະວັນ1 ຄົນ ແລະ ແຂວງວຽງຈັນ 1 ຄົນ.
ເຈົ້າໜ້າທີ່ສະເພາະກິດຮຽກຮ້ອງປະຊາຊົນໃຫ້ຄວາມຮ່ວມມືຈຳກັດບໍລິເວນຈົນເອງໃຫ້ດີຂຶ້ນກວ່າເກົ່າ ບໍ່ໃຫ້ເຄື່ອນໄຫວໄປ-ມາຕາມປົກກະຕິ ເພື່ອຫຼຸດຜ່ອນຄວາມແອອັດຂອງຜູ້ຄົນ ແລະຫຼຸດຜ່ອນການຕິດເຊື້ອລົງ.
ທີ່ສຳຄັນບໍ່ໃຫ້ມີການເດີນທາງເຂົ້າ-ອອກນະຄອນຫຼວງວຽງຈັນ ບໍ່ໃຫ້ມີການລັກເອົາເຊື້ອເຂົ້າມາເພີ່ມ, ບໍ່ໃຫ້ມີຜູ້ມາເອົາເຊື້ອອອກໄປ ເພື່ອຄວາມປອດໄພຂອງປະຊາຊົນຢູ່ນອກນະຄອນຫຼວງວຽງຈັນ.
