ຮອງເຈົ້າແຂວງສາລະວັນ ລົງກວດກາຄວາມພ້ອມໂຮງໝໍແຂວງຮອງຮັບຜູ້ຕິດເຊື້ອວິດ-19

79

ທ່ານ ດຣ ວັນທອງ ບຸນວິໄລ ຜູ້ອຳນວຍການໂຮງໝໍແຂວງ ໄດ້ລາຍງານຕໍ່ທ່ານສົມໃຈ ອຸ່ນຈິດ ຮອງເຈົ້າແຂວງສາລະວັນ ປະທານຄະນະກຳມະການ ແລະຄວບຄຸມພະຍາດຕິດຕໍ່ຂັ້ນແຂວງ ວັນທີ 20 ເມສາ 2021 ເນື່ອງໃນໂອກາດທີ່ໄດ້ລົງໄປຢ້ຽມຢາມພົບປະພະນັກງານແພດໝໍຢູ່ໂຮງໝໍແຂວງສາລະວັນ.


ທ່ານ ດຣ ວັນທອງ ບຸນວິໄລ ກ່າວວ່າ: ປັດຈຸບັນນີ້ໂຮງໝໍແຂວງສາລະວັນ ຈະສາມາດຮອງຮັບກໍລະນີຫາກມີຜູ້ຕິດເຊື້ອພະຍາດໂຄວິດ 19 ທັງໝົດ 100 ກວ່າຕຽງ, ມີຫ້ອງໄອຊິຢູ 16 ຫ້ອງ, ຫ້ອງນອນລວມ 82 ຫ້ອງ, ຫ້ອງແຍກປ່ຽວມີ 13 ຫ້ອງ, ມີອຸປະກອນການເພດ ເພື່ອຮັບໃຊ້ເຂົ້າໃນການປິ່ນປົວຄົນເຈັບປະກອບມີເຄື່ອງຫາຍໃຈທຽມ 5 ເຄື່ອງ, ບັ້ງອົກຊີ 90 ກວ່າບັ້ງ, ຫົວອົກຊີ 50 ກວ່າຫົວ, ມີຊຸດປ້ອງກັນເພດ PPE 70 ກວ່າຊຸດ ແລະມີການຈັດແບ່ງທິມງານເພດໝໍເຟົ້າລະວັງ ແລະະພາຫານະຮັບໄຊ້ຕະຫຼອດ 24 ຊົວໂມງ. ປັດຈຸບັນແມ່ນມີຜູ້ຕິດໂຄວິດແລ້ວ 1 ຄົນ ຊື່ ທ້າວ ນຽມ ບ້ານ ນາເຕີຍ ເມືອງຄົງເຊໂດນ ຜູ້ກ່ຽວກຳລັງນອນປິນປົວຢູ່ໂຮງໝໍແຂວງສາລະວັນ


ໂອກາດດຽວກັນນັ້ນທ່ານ ສົມໃຈ ອຸ່ນຈິດ ຮອງເຈົ້າແຂວງ ປະທານຄະນະກຳມະການ ແລະຄອບຄຸ້ມພະຍາດຕິດຕໍ່ຂັ້ນແຂວງ ໄດ້ມີຄຳເຫັນໂອ້ລົມ ແລະເນັ້ນບາງບັນຫາທີ່ສຳຄັນຕໍ່ທີມງານເພດໝໍຈົ່ງພ້ອມກັນຈັດຕັ້ງປະຕິບັດຕາມໜ້າທີ່ຂອງຕົນທີ່ການຈັດຕັ້ງມອບໝາຍໃຫ້ໂດຍສະເພາະກໍແມ່ນສຸມໃສ່ກຽມຮັບມືທີ່ອາດຈະມີການລະບາດຂອງພະຍາດໂຄວິດ 19 ໃຫ້ຖ່ວງທັນກັບສະພາບການ ແລະຮັບປະກັນຄວາມປອດໄຟສູງ.


ພາບ-ຂ່າວ: ສິດຕາ ເພັດວົງສາ

Slider