ແຂວງອັດຕະປື ສໍາເລັດການສອບເສັງນັກຮຽນເກັ່ງ ແລະ ຖາມ-ຕອບ ວິທະຍາສາດ - Lanxang Media SOLE CO.,LTD

ແຂວງອັດຕະປື ສໍາເລັດການສອບເສັງນັກຮຽນເກັ່ງ ແລະ ຖາມ-ຕອບ ວິທະຍາສາດ

ບັ້ນສອບເສັງນັກຮຽນເກັ່ງ ຊັ້ນ ປໍ5,ມໍ4,ມໍ7 ແລະ ຖາມ-ຕອບຄຳຖາມ ວິທະຍາສາດ ທົ່ວແຂວງອັດຕະປື ປະຈຳສົກປີ 2020-2021 ໄດ້ສໍາເລັດລົງດ້ວຍຜົນສໍາເລັດ ພາຍຫຼັງທີ່ໄດ້ດໍາເນີນມາເປັນເວລາ 2 ວັນແຕ່ວັນທີ 2 ຫາ 3 ມີນາ 2021 ນີ້ທີ່ຫໍປະຊຸມໃຫຍ່ຂອງແຂວງ,ໂດຍພາຍໃຕ້ການເປັນປະທານຂອງທ່ານ ອຸດົມສີນ ສີຊານົນ ຫົວໜ້າພະແນກສຶກສາທິການ ແລະ ກິລາ ແຂວງອັດຕະປື,ພ້ອມດ້ວຍບັນດາອານຸກຳມະການສອບເສັງ, ຄູ-ອານຈານ ແລະ ນັກຮຽນທີ່ເປັນຕົວແທນຂອງບັນດາໝວດໂຮງຮຽນຕ່າງໆທົ່ວແຂວງ ເຂົ້າຮ່ວມ.


ເຊິ່ງການສອບເສັງນັກຮຽນເກັ່ງທົ່ວແຂວງອັດຕະປື ຄັ້ງນີ້ ມີນັກຮຽນທີ່ເປັນຕົວແທນມາຈາກໝວດໂຮງຮຽນ ທົ່ວແຂວງ ເຂົ້າຮ່ວມທັງໝົດ 165 ຄົນ,ຍິງ 92 ຄົນ,ໃນນີ້ ຊັ້ນ ປໍ5 ມີ 45 ຄົນ,ຊັ້ນ ມໍ4 ມີ 60 ຄົນ ແລະ ຊັ້ນ ມໍ7 ມີ 60 ຄົນ,ມີ 5 ວິຊາຫຼັກໃນການສອບເສັງ ຄື: ວິຊາຄະນິດສາດ, ພາສາລາວ-ວັນນະຄະດີ, ເຄມີສາດ ແລະ ວິຊາໂລກອອ້ມຕົວ, ຜົນການສອບເສັງມີຄື: ຜົນການສອບເສັງ ຊັ້ນ ປ.5 ວິຊາ ພາສາລາວ ທີ 1: ນາງ ນ້ຳເພັດ ສີສະເເຫວງສຸກ, ຄະແນນເສັງໄດ້ 7, ໂຮງຮຽນປະຖົມ ວຽງສະຫວັນ, ວິຊາ ຄະນິດສາດ ທີ 1: ບໍ່ມີ, ມີແຕ່ທີ 2: ທ້າວ ສຸລະໄຊ ວໍລະລາດ, ຄະແນນເສັງໄດ້ 6, ໂຮງຮຽນ ວຽງສະຫວັນ.

ວິຊາໂລກອ້ອມຕົວ: ທີ 1 ແລະ ທີແມ່ນບໍ່ມີ ຍ້ອນຄະແນນບໍ່ເຖິງເກນ; ສ່ວນຜົນການສອບເສັງຊັ້ນ ມ4, ວິຊາ ພາສາລາວ-ວັນນະຄະດີທີ 1: ນາງ ໜູນ້ອຍ ສຸລິນ,ໂຮງຮຽນ ມສ ໂພນໄຊ,ຄະແນນ ເສັງໄດ້ 7,5; ວິຊາ ເຄມີສາດທີ 1 : ນາງ ທິດາຮັກ ວິລະວົງ ໂຮງຮຽນ ມສ ຈັນທາ ,ຄະແນນເສັງໄດ້ ຄະແນນ 7,5; ວິຊາ ຟີຊິສາດທີ 1: ທ້າວ ບັນຊາ ເທບສຸວັນ ໂຮງຮຽນ ທິບພະເນດ ຄະແນນເສັງໄດ້ 9; ວິຊາພາສາ ອັງກິດທີ 1: ນາງ ພອນພະສິດ ສີຈັນທະປະດິດ,ໂຮງຮຽນ ມສ ຈັນທາ ຄະແນນເສັງໄດ້ 7,ວິຊາ ຄະນິດສາດທີ 1: ທ້າວ ບຸນທັນ,ໂຮງຮຽນ ມສ ຈັນທາ,ຄະແນນ 8,ສ່ວນຜົນການສອບເສັງ ຊັ້ນມ7,ວິຊາ ຄະນິດສາດ ທີ 1: ນາງ ຈັນດາລາ ພົມມະຈັນ, ໂຮງຮຽນ ມສ ຈັນທາ ຄະແນນເສັງໄດ້ 8,5,ວິຊາ ພາສາລາວ-ວັນນະຄະດີທີ 1: ນາງ ຄຳເພັດ ແກ້ວບຸນໄຊ, ໂຮງຮຽນ ມສ ສົງວັດຫຼວງ ຄະແນນໄດ້ 7.

ວິຊາ ເຄມີສາດ ທີ 1: ນາງ ພຸດມີໄຊ ສີສຸວົງ,ໂຮງຮຽນ ມສ ຈັນທາ ຄະແນນເສັງໄດ້ 8,25,ວິຊາ ຟີຊິກສາດ ທີ 1: ນາງ ເຈລິນາ ນໍລະສິງ ໂຮງຮຽນ ມສ ຈັນທາ, ຄະແນນເສັງໄດ້ 10,ວິຊາ ພາສາອັງກິດທີ 1: ທ້າວ ນຸດໄຊ ໄຊຍະແຕງ ໂຮງຮຽນ ມສ ຈະເລີນສຸກ, ຄະແນນເສັງໄດ້ 8,5,ສ່ວນຜົນການແຂ່ງຂັນ ຕອບຄໍາຖາມ ວິທະຍາສາດ: ອັນດັບທີ 1: ແມ່ນເມືອງສາມັກຄີໄຊ,ຄະແນນໄດ້ 11.ອັນດັບທີ 2:ເມືອງ ໄຊເສດຖາ,ຄະແນນໄດ້ 10 ແລະ ອັນດັບທີ 3 ເມືອງສະໜາມໄຊ ຄະແນນໄດ້ 9.ໃນພິທີຍັງມອບລາງວັນໃຫ້ຜູ້ທີ່ສອບເສັງໄດ້ຜົນງານດີເດັ່ນໃນແຕ່ລະຊັ້ນຮຽນຢ່າງສົມກຽດ ນໍາອີກ.ຂ່າວ: ພົມວິຫານ