ແມນເຊັສເຕີ ຊິຕີ້ ສ້າງສະຖິຕິຊະນະຕໍ່ເນື່ອງໃນທຸກລາຍການເປັນນັດທີ 21 ລຽນຕິດ ຕາມຫຼັງສະຖິຕິ 5 ລີກສູງສຸງໃນເອີຣົບຂອງ ບາເຢິນ ມິວນິກ ທີ່ເຄີຍເຮັດເອົາໄວ້ໃນການຊະນະ 23 ນັດຕິດຕໍ່ກັນ ຫຼັງຈາກທີ່ເອົາຊະນະ ວູຟແຮມຕັນ 4-1 ໃນການແຂ່ງຂັນບານເຕະ ພຣີເມຍລີກ ອັງກິດ ເມື່ອວັນທີ 2 ມີນາ 2021.
ຈາກສະຖິຕິດັ່ງກ່າວເຮັດໃຫ້ ແມນເຊັສເຕີ ຊິຕີ ມີໂອກາດເປັນແຊັມສູງທີ່ສຸດມີ 65 ຄະແນນຈາກ 27 ນັດໂດຍໜີຫ່າງອັນດັບ 2 ແມນເຊັສເຕີ ຢູໄນເຕັດ ໄປເຖິງ 15 ຄະແນນ ພ້ອມນັ້ນຍັງເຮັດໃຫ້ ແມນເຊັສເຕີ ຊິຕີ້ ຍັງຢູ່ໃນເສັ້ນທາງທີ່ລຸ້ນທໍາລາຍສະຖິຕິຊະນະລຽນຕິດສູງສຸດຂອງ ບາເຢິນ ມິວນິກ ທີ່ຊະນະ 23 ນັດລຽນຕິດ ເນື່ອງຈາກຍັງເຫຼືອການແຂ່ງຂັນອີກຫຼາຍນັດ ໂດຍສະເພາະແມ່ນນັດຕໍ່ໄປຈະພົບກັບ ແມນເຊັສເຕີ ຢູໄນເຕັດ ໃນການແຂ່ງຂັນພຣີເມຍລີກ ເວລາ 23:30 ໂມງຂອງວັນອາທິດທີ 7 ມີນາ 2021.
ຂະນະທີ່ ເວັບໄຊທ໌ ສະແຕດສ໌ ເພີຟອມ ໄດ້ນໍາເອົາ ເອໄອ ຫຼື ປັນຍາປະດິດ ມາວິເຄາະແຊັມ ພຣີເມຍລີກ ລະດູການນີ້ ປາກົດວ່າ: ແມນເຊັສເຕີ ຊິຕີ້ ມີໂອກາດເປັນແຊັມເຖິງ 99,9 % ແລະ ຈະມີຄະແນນລວມຫຼັງຈົບລະດູການນີ້ເຖິງ 90 ຄະແນນຈາກ 38 ນັດ. ຂະນະທີ່ ແມນເຊັສເຕີ ຢູໄນເຕັດ ເປັນອີກທີມທີ່ຍິງມີຫວັງໃນການລຸ້ນແຊັມ ແຕ່ມີໂອກາດພຽງ 0,1% ຕາມການວິດເຄາະຂອງ ເອໄອ.