ປະກາດແຕ່ງຕັ້ງຫົວໜ້າອົງການໄອຍະການປະຊາຊົນແຂວງສາລະວັນ ຜູ້ໃໝ່ - Laoedaily

ປະກາດແຕ່ງຕັ້ງຫົວໜ້າອົງການໄອຍະການປະຊາຊົນແຂວງສາລະວັນ ຜູ້ໃໝ່

ແຂວງ​ສາ​ລະ​ວັນ​ໄດ້​ຈັດພິທີປະກາດແຕ່ງຕັ້ງ ທ່ານ ວິໄລ ສີລາດວງໃຈ ກຳມະການພັກແຂວງ ປະທານສານປະຊາຊົນແຂວງສາລະວັນຜູ້ເກົ່າ ໄປຮັບໜ້າທີ່ໃໝ່ເປັນຫົວໜ້າອົງການໄອຍະການປະຊາຊົນ ແຂວງສາລະວັນຜູ້ໃໝ່.

ວັນທີ 22 ກຸມພາ 2021 ໄດ້ມີພິທີປະກາດແຕ່ງຕັ້ງທ່ານ ວິໄລ ສີລາດວງໃຈ ກໍາມະການພັກແຂວງ ປະທານສານປະຊາຊົນແຂວງສາລະວັນຜູ້ເກົ່າ, ມາຮັບໜ້າທີ່ເປັນຫົວໜ້າອົງການໄອຍະການປະຊາຊົນແຂວງສາລະວັນຜູ້ໃໝ່.


ພິທີປະກາດແຕ່ງຕັ້ງຄັ້ງນີ້ ແມ່ນປະຕິບັດຂໍ້ຕົກລົງຂອງອົງການໄອຍະການປະຊາຊົນສູງສຸດ ເລກທີ 093 ລົງວັນທີ 16 ເດຶອນ ກຸມພາ 2021 ວ່າດ້ວຍການຮັບເອົາ ແລະ ແຕ່ງຕັ້ງຫົວໜ້າອົງການໄອຍະການປະຊາຊົນແຂວງສາລະວັນຜູ້ໃໝ່ ເພື່ອເປັນການປັບປຸງກົງຈັກການຈັດຕັ້ງໃຫ້ຖືກຕ້ອງສອດຄ່ອງແທດເໝາະກັບໜ້າທີ່ວຽກງານໃນໄລຍະໃຫມ່, ກັບຄົນກັບວຽກຕາມແນວທາງຂອງພັກ-ລັດວາງອອກໃຫ້ມີຄວາມໜັກແໜ້ນເຂັ້ມແຂງ.


ພິທີ່ດັ່ງກ່າວໂດຍພາຍໃຕ້ເຂົ້າຮ່ວມຂອງທ່ານ ຄໍາສານ ສຸວົງ ເລຂາຄະນະພັກ ຫົວໜ້າອົງການໄອຍະການປະຊາຊົນສູງສຸດ, ທ່ານ ສີເຮັງ ຫອມສົມບັດ ຮອງເລຂາພັກແຂວງສາລະວັນ ຜູ້ຊີ້ນໍາວຽກງານປົກປ້ອງກົດໝາຍຂັ້ນແຂວງ, ມີບັນດາທ່ານຈາກພະແນກການອ້ອມຂ້າງແຂວງ, ພະນັກງານການນຳ ແລະວິຊາການໃນກຸ່ມປົກປ້ອງກົດໝາຍເຂົ້າຮ່ວມ.

ພາບ-ຂ່າວ: ສິດຕາ ເພັດວົງສາ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ