ອິອອນ ສົ່ງເສີມການໃຊ້ບັດສະມາຊິກ ເພື່ອໃຫ້ລູກຄ້າປະຢັດລາຍຈ່າຍ - Laoedaily

ອິອອນ ສົ່ງເສີມການໃຊ້ບັດສະມາຊິກ ເພື່ອໃຫ້ລູກຄ້າປະຢັດລາຍຈ່າຍ

ໃນປີ 2020 ທີ່ຜ່ານມາ ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈໍາກັດ ໄດ້ມີການ ສົ່ງເສີມໃຫ້ລູກຄ້ານໍາໃຊ້ບັດສະມາຊິກອິອອນເພື່ອເປັນສ່ວນຫຼຸດໃນການຊົມໃຊ້ສິນຄ້າ ແລະ ບໍລິການອື່ນໆ ເຊິ່ງມີຜົນຕອບຮັບທີ່ດີ. ໃນປີ 2021 ນີ້ທາງອິອອນຍັງສືບຕໍ່ການສົ່ງເສີມການໃຊ້ ບັດສະມາຊິກເພື່ອໃຫ້ລູກຄ້າປະຢັດຄ່າໃຊ້ຈ່າຍຢ່າງຕໍ່ເນື່ອງ ແລະ ດ້ວຍຜົນກະທົບຂອງໂຄວິດ-19 ທາງອິອອນໄດ້ເບິ່ງເຫັນຜົນກະທົບທີ່ເກີດຂຶ້ນຈຶ່ງເຫັນວ່າ ການມີບັດສ່ວນຫຼຸດຈະສາມາດປະຢັດລາຍ ຈ່າຍບາງສ່ວນໄດ້.


ທ່ານນາງ ສຸພັດຕຣາ ຣັກຂຸມແກ້ວ ກໍາມະການບໍລິຫານ ສົ່ງເສີມທຸລະກິດ ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈໍາກັດ ກ່າວວ່າ: ທາງເຮົາແນເຫັນຄວາມສໍາຄັນຂອງລູກຄ້າທຸກໆທ່ານທີ່ ໃຊ້ບໍລິການນໍາພວກເຮົາ ເຊິ່ງເຮົາມີການສົ່ງເສີມໃຫ້ລູກຄ້າຫັນມານໍາໃຊ້ບັດໃຫ້ເປັນປະໂຫຍດ ພຽງແຕ່ ລູກຄ້າສະແດງບັດສະມາຊິກອິອອນໃຫ້ກັບທາງຮ້ານຄ້າພັນທະມິດ ໂດຍບໍ່ຕ້ອງອາຍທີ່ຈະໃຊ້ ກໍສາມາດ ເຮັດໃຫ້ລູກຄ້າປະຢັດຄ່າໃຊ້ຈ່າຍ ແລະ ມີເງິນເກັບໃນອະນາຄົດ, ບັດສະມາຊິກອິອອນເປັນຫຼາຍກວ່າບັດ ໃຊ້ຮັບເງື່ອນໄຂພິເສດເມື່ອຜ່ອນສິນຄ້າ ແຕ່ຍັງສາມາດນໍາໃຊ້ເພື່ອຮັບສ່ວນຫຼຸດໃນຫຼາຍໆບໍລິການເຊັ່ນ: ຮ້ານເສື້ອຜ້າ, ຮ້ານອາຫານ ຫຼື ຄາເຟ່, ຮ້ານຂາຍເຄື່ອງທີ່ລະນຶກ, ຮ້ານເສີມຄວາມງາມ ແລະ ອື່ນໆ.


ພ້ອມດຽວກັນນີ້ທິດທາງການດໍາເນີນທຸລະກິດອີອອນໃນປີ 2021 ຍັງມີແຜນການຂະຫຍາຍ ຮ້ານຄ້າທີ່ຮ່ວມລາຍການເພື່ອເຮັດໃຫ້ລູກຄ້າສາມາດໃຊ້ສ່ວນຫຼຸດສິນຄ້າ ແລະ ບໍລິການອື່ນໆ ເພື່ອຕອບ ສະຫນອງຄວາມຕ້ອງການຂອງລູກຄ້າ, ນອກຈາກນີ້ທາງອິອອນຍັງຂະຫຍາຍການບໍລິການຜ່ອນສິນຄ້າທີ່ຫຼາກຫຼາຍຂຶ້ນອີກເຊັ່ນ: ລົດໃຫຍ່, ລົດຈັກ, ຄໍາ, ໂທລະສັບ, ເຄື່ອງໃຊ້ໄຟຟ້າ, ເຟີນິເຈີ, ສິນຄ້າ ແບຣເນມ, ເຄື່ອງຈັກ, ອຸປະກອນກິລາ ແລະ ອື່ນໆ.


ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈໍາກັດ (Aeon Leasing Service (Lao) Company Limited ) ໄດ້ຮັບອະນຸຍາດຈົດທະບຽນໃນປະເທດລາວ ແລະ ເລີ່ມດໍາເນີນທຸລະກິດຕັ້ງ ແຕ່ວັນທີ 18 ຕຸລາ 2013 ລົງທຶນໂດຍ ບໍລິສັດ ອິອອນ ທະນະສິນຊັບ (ປະເທດໄທ) ຈໍາກັດ (ມະຫາຊົນ) ແລະ ກຸ່ມບໍລິສັດໃນເຄືອອິອອນ.


ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈໍາກັດ ດໍາເນີນທຸລະກິດ ໂດຍການໃຫ້ບໍລິການ ທາງການ ເງິນສິນເຊື່ອລາຍຍ່ອຍແກ່ລູກຄ້າ ປະຊາຊົນຜູ້ທີ່ຕ້ອງການໃຊ້ບໍລິການສິນເຊື່ອໃນການຜ່ອນສິນຄ້າ ຈາກ ກຸມຮ້ານຄ້າຕົວແທນຫຼາຍປະເພດເຊັ່ນ: ກຸ່ມສິນຄ້າ ເຄື່ອງໃຊ້ໄຟຟ້າ, ຄອມພິວເຕີ, ໂນ້ດບຸກ, ໂທລະສັບ ມືຖື, ເຄື່ອງໃຊ້ສໍານັກງານ, ເຟີນິເຈີ, ລົດຖີບ, ລົດຈັກ, ລົດໃຫຍ່ ແລະ ຄໍາ. ລວມເຖິງບໍລິການສິນເຊື່ອ ສິນຄ້າປະເພດໃໝ່ທີ່ຈະຂະຫຍາຍເພີ່ມໃນອະນາຄົດ ປະຈຸບັນພວກເຮົາມີຮ້ານຄ້າ ແລະ ຄູ່ຮ່ວມທາງທຸລະກິດຫຼາຍກວ່າ 300 ຮ້ານຄ້າ ແລະ ຈໍານວນລູກຄ້າແມ່ນນັບມື້ນັບເພີ່ມຂຶ້ນເລື້ອຍໆ.

ອີອອນລາວໃຫ້ບໍລິການສິນເຊື່ອ ໃນພື້ນທີ່ເຂດນະຄອນຫຼວງວຽງຈັນ, ແຂວງວຽງຈັນ ແລະ ພື້ນທີ່ເຂດປາກເຊ ແລະ ຍັງມີແຜນຂະຫຍາຍ ຢ່າງຕໍ່ເນື່ອງໃນອະນາຄົດອັນໃກ້ນີ້.

 

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ