ຮຽນເວົ້າພາສາອັງກິດແນວໃດໃຫ້ໄດ້ໄວ? - Lanxang Media SOLE CO.,LTD

ຮຽນເວົ້າພາສາອັງກິດແນວໃດໃຫ້ໄດ້ໄວ?

ການທີ່ເຮົາຈະຮຽນຮູ້ພາສາອັງກິດໃຫ້ໄດ້ໄວນັ້ນ ຈະຕ້ອງເລີ່ມຕົ້ນດ້ວຍການເປີດໃຈວາງເປົ້າໝາຍໃນການຮຽນໄວ້ຢ່າງຊັດເຈນ. ຈາກນັ້ນ, ໃຫ້ຄ່ອຍໆໃສ່ໃຈນຳເນື້ອຫາ, ຄຳສັບຕ່າງໆ ລວມເຖິງການຝຶກຝົນ, ເວົ້າ, ອ່ານ, ຂຽນຟັງຢ່າງສະໝໍ່າສະເໝີ.

ມື້ນີ້ຜູ້ຂຽນຈະນຳເອົາ 5 ເຕັກນິກໃນການຝຶກພາສາອັງກິດທີ່ຈະຊ່ວຍໃຫ້ເຂົ້າໃຈ, ເກັ່ງ ແລະ ໄດ້ຮັບຜົນສຳເລັດ.

1. ພາສາອັງກິດຢູ່ອ້ອມຮອບຕົວເຮົາ

ບໍ່ວ່າຈະເປັນການຟັງເພງ, ເບິ່ງຮູບເງົາ ເຮົາກໍສາມາດໃຊ້ເວລານັ້ນເປັນຕົວຊ່ວຍໃນການຝຶກພາສາອັງກິດຂອງເຮົາໄດ້ ຫຼື ຖ້າບໍ່ມີເວລາຟັງຈະເປີດປະໄວ້ໃຫ້ມີສຽງເພງ ຫຼື ສຽງຄົນເວົ້າພາສາອັງກິດຢູ່ຕະຫຼອດກໍສາມາດເຮັດໄດ້ ແລ້ວປ່ອຍສະໝອງຄ່ອຍໆຈື່ຈຳເອົາສຳນຽງ, ຈັງຫວະການເວົ້າ ແລະ ຝຶກໄປເທື່ອລະໜ້ອຍ.

ในภาพอาจจะมี หนึ่งคนขึ้นไป, ผู้คนกำลังนั่ง, รองเท้า, เด็ก และสถานที่กลางแจ้ง

2. ຝຶກເວົ້າກັບຫຼາຍຄົນ

ຢາກເວົ້າພາສາອັງກິດເກັ່ງ ເຮົາກໍຕ້ອງຝຶກເວົ້າ ເພື່ອສ້າງຄວາມໝັ້ນໃຈໃຫ້ກັບຕົວເອງ, ການທີ່ເຮົາຈະໄດ້ເວົ້າກັບຄົນຕ່າງປະເທດນັ້ນສາມາດເຮັດໄດ້ຫຼາຍວິທີ ໂດຍສະເພາະໃນຍຸກປັດຈຸບັນຍິ່ງເປັນການງ່າຍ ໂດຍຮຽນທາງອອນລາຍ ແລະ ເວົ້າກັບຄົນຕ່າງປະເທດໃນສະຖານທີ່ທ່ອງທ່ຽວຕ່າງໆ ນີ້ກໍຈະສາມາດຊ່ວຍເຮົາຝຶກເວົ້າພາສາອັງກິດໄດ້.

3. ອ່ານທຸກຢ່າງທີ່ເປັນພາສາອັງກິດ

ບໍ່ຈຳກັດວ່າຕ້ອງອ່ານປຶ້ມເທົ່ານັ້ນ ຕ້ອງອ່ານໜັງສືພິມ, ເວັບໄຊ, ສື່ມີເດຍຕ່າງໆ ກໍສາມາດຊ່ວຍເຮົາຝຶກພາສາອັງກິດໄດ້ ມີແຕ່ຄວາມພະຍາຍາມໃນການຮຽນຮູ້ຄຳສັບຕ່າງໆໃໝ່ໆຢູ່ເລື້ອຍໆ ເພາະຄຳສັບນັ້ນອາດຈະມີຄຳສັບທີ່ເຮົາຄຸ້ນເຄີຍ, ຄຳສັບທີ່ເຮົາຮູ້ຄວາມໝາຍຢູ່ແລ້ວ ແຕ່ມາໃຊ້ໃນ ຄວາມໝາຍທີ່ແຕກຕ່າງກັນໄປ.

ในภาพอาจจะมี 10 คน, ผู้คนกำลังนั่ง

4. ຝຶກການສົນທະນາ, ເວົ້າໃຊ້ໃນຊີວິດປະຈຳວັນ

ສາມາດຝຶກໃຊ້ໃນຊີວິດປະຈຳວັນ, ການສອບຖາມ, ຊື້ສິ່ງຂອງ ຫຼື ສັ່ງອາຫານ ຖ້າເຮົາຕ້ອງສື່ສານທຸກຢ່າງເປັນພາສາອັງກິດ ເຮົາຈະຕ້ອງເວົ້າແນວໃດ ເຊິ່ງຖ້າເຮົາຄິດບໍ່ອອກໃຫ້ກັບມາອ່ານຈາກປຶ້ມ ຫຼື ແຫຼ່ງຂໍ້ມູນຕ່າງໆທີ່ເປັນພາສາອັງກິດ ວ່າບົດສົນທະນາໃນສະຖານະການໃຊ້ເປັນແນວໃດ ແລະ ການເວົ້າແນວໃດ ວິທີນີ້ຈະຊ່ວຍໃຫ້ເຮົາຈື່ຈຳ ແລະ ເຂົ້າໃຈປະໂຫຍກສົນທະນາໄດ້ໃນການເວົ້າ.

5. ໃຫ້ກຳລັງໃຈຕົນເອງວ່າເຮົາສາມາດເວົ້າໄດ້

ການຮຽນພາສາອັງກິດ ເຖິງຈະບໍ່ແມ່ນເລື່ອງຍາກ ແຕ່ກໍບໍ່ແມ່ນເລື່ອງງ່າຍໃນການທີ່ຮຽນຮູ້ຕ້ອງໃຊ້ຄວາມຕັ້ງໃຈ, ຄວາມເອົາໃຈໃສ່ ແລະ ຝຶກຝົນຢູ່ເລື້ອຍໆ ເມື່ອຮູ້ສຶກວ່າຮຽນ ແລະ ເວົ້າບໍ່ໄດ້, ບໍ່ເຂົ້າໃຈ, ໃຫ້ປ່ຽນວິທີການຮຽນໃໝ່ດ້ວຍການຮຽນນຳຄູ – ອາຈານ ແລະ ຕັ້ງກຸ່ມຮຽນນຳໝູ່, ດັ່ງນັ້ນຈົ່ງເຕືອນສະຕິຕົນເອງຢູ່ສະເໝີວ່າເຮົາສາມາດເຮັດໄດ້, ເກັ່ງໄດ້ ແລະ ພ້ອມທີ່ຈະຝຶກຝົນໄດ້.