ການ​ນຳ​ເມືອງ​ທ່າ​ປາງ​ທອງລົງຢ້ຽມຢາມ ແລະ ໃຫ້​ກຳ​ລັງ​ໃຈ​ຜູ້​ຖືກ​ເຄາະ​ຮ້າຍຈາກອຸບັດເຫດລົດ​ປີ້ນ

88

​ໃນ​ວັນ​ທີ 18 ມັງ​ກອນ 2021 ໄດ້​ມີອຸ​ປະ​ຕິ​ເຫດລົດ​ໃຫຍ່​ປີ້ນ ຢູ່​ທາງ​ເລກ​ທີ 2, 6313 ຢູ່​ເຂດ​ບ້ານ​ນາ​ຫ້ວຍ​ໄລ່ ( ຫ້ວຍ​ລະ​ຄຶ ) ປະ​ເພດຫລົດ​ຍີ່​ຫໍ້ ເຊິ່ງ​ມີ​ຜູ້​ໂດຍ​ສານ​ທັງ​ໝົດ 40 ຄົນ ຍິງ 28 ຄົນ ໃນ​ນັ້ນ​ມີ ເດັກ​ນ້ອຍ 14 ຄົນ ຍິງ 8 ຄົນ.

ເມືອເຫັນ​ເປັນ​ດັ່ງ​ນັ້ນ ​ ​ພາກ​ສ່ວນ​ກ່ຽວ​ຂ້ອງ ຈຶ່ງ​​ລົງໃຫ້​ການ​ຊ່ວຍ​ເຫຼືອ​ໂດຍ​ດ່ວນ ແລະ ນຳ​ສົ່ງ​ໂຮງ​ໝໍ ​ຈາກນັ້ນທາງ​ການ​ນຳ​ເມືອງ​ທ່າ​ປາງ​ທອງ ເຊິ່ງ​ນຳ​ໂດຍ ທ່ານ ຄຳ​ປະ​ສົງ​ ຂົງ​ຄຳ ກຳ​ມະ​ການ​ພັກ​ແຂວງ ເລ​ຂາ​ພັກ​ເມືອງ ເຈົ້າ​ເມືອງ​ທ່າ​ປາງ​ທອງ​ ກໍ​ໄດ້​ຢ້ຽມ​ຢາມ ແລະ ​ລົງ​ຕິດ​ຕາມ​ສະ​ພາບ​ການ​ດັ່ງ​ກ່າວ ຢູ່​ໂຮງ​ໝໍ​ຂອງ​ເມືອງ ແລະ​ ໄດ້​ເອົາ​ເຄື່ອງ​ຊ່ວຍ​ເຫຼືອຈຳ​ນວນໜຶ່ງ​ເພື່ອ​ບັນ​ເທົາ​ທຸກ​ໃຫ້​ຜູ້​ປະ​ສົບ​ອຸ​ບັດ​ເຫດ.

ຈາກ​ເຫດ​ການ​ດັ່ງ​ກ່າວ​ເຮັດ​ໃຫ້​ມີ​ຜູ້​ບາດ​ເຈັບ​ທັງ​ໝົດ 38 ຄົນ ຍິງ 27 ຄົນ ບາດ​ເຈັບ​ເລັກ​ໜ່ອຍ 21 ຄົນ ຍິງ 12 ຄົນ ໃນນັ້ນເດັກ​ນ້ອຍ 8 ຄົນ ຍິງ 3 ຄົນ, ​ບາດເຈັບສົມ​ຄວນ ປິ່ນ​ປົ​ວ​ຢູ່​ໂຮງ​ໝໍ​ເມືອງ 10 ຄົນ ຍິງ 9 ຄົນ ເດັກ​ນ້ອຍ 5 ຄົນ​ຍິງ 4 ຄົນ, ບ​າດ​ເຈັບ​ສາ​ຫັດ ແລະ ນຳ​ສົ່ງ​ໂຮງ​ໝໍ​ແຂວງ 7 ຄົນເສຍ​ຊີ​ວິດ 2 ຄົນຊາຍ ເດັກ​ນ້ອຍ 1 ຄົນ.

ຕາມ​ການ​ສືບ​ສ່​ວນ-ສອບ​ສວນ​ຂອງ​ເຈົ້າ​ໜ້າທີ່ ເຊິ່ງ​ລົດ​ດັ່ງ​ກ່າວ​ແມ່ນ​ມາ​ຈາກ​ ບ້ານ​ແດນ​ສະ​ຕຶງ ຈະ​ມຸ້ງ​ໜ້າໄປພ​ຣະ​ທາດ​ໂຜ່ນ ເມືອງ​ໄຊ​ພູ​ທອງ ແຂວງ​ສະ​ຫວັນນະເຂດ ເພື່ອ​ຈະ​ໄປ​ກາບ​ໄຫວ້ບູ​ຊາ ເມື່ອ​ເດີນ​ທາງ​ມາ​ຮອດ​ຈຸດ​ເກີດ​ເຫດ ຈຶ່ງເຮັດໃຫ້​ລົດ​ເສຍຫຼັກ​ປີ້ນ​ລົງ​ກະ​ທັນ​ຫັນ ເຮັດ​ໃຫ້​ຜູ້​ໂດຍ​ສານ​ບາດ​ເສຍ​ຫັດ ແລະ ເສຍ​ຊີ​ວິດ.