ສະຫະພັນບານເຕະນານາຊາດ ( ຟີຟາ ) ໄດ້ຕົກລົງແຕ່ງຕັ້ງ ກຳມະການຕັດສິນ ແລະ ຜູ້ຊ່ວຍກໍາມະການຕັດສິນບານເຕະ ຟີຟາ 2021 ແລະ ກຳມະການຕັດສິນຟຸດຊໍ ຟີຟາ 2021 ເຊິ່ງໃນນັ້ນ ກໍາມະການລາວ ຕິດ 11 ທ່ານ ພິເສດໄປກວ່ານັ້ນມີ ກຳມະການຕັດສິນຍິງ ຟີຟາ ຄົນທຳອິດທີ່ສອບເສັງຜ່ານ ຕາມການລາຍງານຂອງ ສະຫະພັນບານເຕະແຫ່ງຊາດລາວ.
ເພຈ໌ບຸກທາງການຂອງ ສະຫະພັນບານເຕະແຫ່ງຊາດລາວ ລາຍງານເມື່ອວັນທີ 11 ມັງກອນ 2021 ວ່າ: ກໍາມະການບານເຕະລາວ ແລະ ກໍາມະການ ຟຸດຊໍ ລາວ ໄດ້ຮັບການແຕ່ງຕັ້ງເປັນກໍາມະການລະດັບຟີຟາ ປະຈໍາປີ 2021 ຈໍານວນ 11 ທ່ານດັ່ງນີ້:
ກຳມະການຕັດສິນ (ຊາຍ) ຟີຟາ ຈຳນວນ 3 ທ່ານ
- ທ່ານ ໄຊປະເສີດ ພົງສະນິດ
- ທ່ານ ສວຍ ວົງຄຳ
- ທ່ານ ຄຳສິງ ໄຊຍະວົງສີ
ກຳມະການ ຟີຟາ (ຍິງ) ຈຳນວນ 1 ທ່ານ: ທ່ານ ນາງ ແກ້ວມະນີ ແພງເມືອງຄູນ
ຜູ້ຊ່ວຍກຳມະການຕັດສິນ (ຊາຍ) ຟີຟາ ຈຳນວນ 5 ທ່ານ
- ທ່ານ ສົມພາວັນ ຫຼວງລາດ
- ທ່ານ ພອນສຸກສັນ ເຕໂຊ
- ທ່ານ ກິຫລ້າ ລາດຊະວົງ
- ທ່ານ ບຸນພັນ ສີສຸວັນ
- ທ່ານ ບຸນອູ້ມ ລາດຊະວົງ
ຜູ້ຊ່ວຍກຳມະການ (ຍິງ) ຟີຟາ ຈຳນວນ 1 ທ່ານ
- ທ່ານ ນາງ ພຸດສະຫວັນ ຈັນທະວົງ
ກຳມະການຟຸດຊໍ ຟີຟາ ຈຳນວນ 1 ທ່ານ:
- ທ່ານ ຄຳປະສົງ ໄຊຍະວົງສີ
ຮຽບຮຽງຈາກ: ສະຫະພັນບານເຕະແຫ່ງຊາດລາວ