2 ລໍ້ພາລຸຍສູ່ດິນແດນຜົ້ງສາລີ ຊົມວິຖີຊີວິດ ແລະ ຄວາມງາມທະເລໝອກ - Laoedaily

2 ລໍ້ພາລຸຍສູ່ດິນແດນຜົ້ງສາລີ ຊົມວິຖີຊີວິດ ແລະ ຄວາມງາມທະເລໝອກ

ຫຼາຍຄົນມັກຕັ້ງຄຳຖາມຢາກໄປທ່ຽວແຕ່ບໍ່ມີເວລາ, ມີເວລາແຕ່ບໍ່ມີງົບໄປ ຫຼື ຮ້ອຍເລື່ອງພັນເຫດຜົນ ເຮັດໃຫ້ບໍ່ສາມາດກ້າວຂາອອກໄປປະເຊີນໂລກກວ້າງອັນສວຍງາມທີ່ລໍຖ້າຢູ່ຂ້າງໜ້າໄດ້.

ຫຼາຍປີຜ່ານມາ ມີຫຼາຍຄົນຫັນມາໃຊ້ລົດຈັກເດີນທາງໄປເລາະທ່ອງທ່ຽວເມືອງລາວ ເນື່ອງຈາກເປັນການທ່ອງທ່ຽວທີ່ປະຢັດ ມີຄວາມສະດວກໃນການເຂົ້າເຖິງສະຖານທີ່ທ່ອງທ່ຽວຕ່າງໆ ທັງສາມາດຈອດແວ່ຖ່າຍຮູບຕາມຈຸດຕ່າງໆໄດ້ດີ.

ໜຶ່ງໃນນັ້ນກໍມີທີມງານ 2 ລໍ້ວິຖີຊີວິດລາວ ທີ່ໄດ້ອອກທຣິບທ່ອງທ່ຽວເມືອງລາວມາຫຼາຍປີ ເຊິ່ງຫຼາຍຄົນເລີ່ມຈາກການເດີນທາງໄປຄົນດຽວ ກ່ອນທີ່ຈະມີການຮວມຕົວກັນເມື່ອສີ່ຫ້າປີຜ່ານມາ ເພື່ອພ້ອມກັນກ້າວໄປສູ່ເປົ້າໝາຍທີ່ວາງໄວ້ດ້ວຍກັນ ນັ້ນຄືການເຜີຍແຜ່ ຄວາມງົດງາມຂອງເມືອງລາວໃຫ້ຄົນລາວເອງ ແລະ ຕ່າງປະເທດໄດ້ເຫັນ ແລະ ຮັບຮູ້ຫຼາຍຂຶ້ນ.

ในภาพอาจจะมี รถจักรยานยนต์, ท้องฟ้า, สถานที่กลางแจ้ง และธรรมชาติ, ข้อความพูดว่า "noy images"

ໃນຊຸມປີຜ່ານມາທີມງານ 2 ລໍ້ວິຖີຊີວິດລາວ ກໍອອກທຣິບອີກຄັ້ງໂດຍມີປາຍທາງໄກສຸດຈາກນະຄອນຫຼວງວຽງຈັນ – ຜົ້ງສາລີ ລວມໄລຍະທາງໄປກັບຫຼາຍກວ່າ 2.000 ກິໂລແມັດ ກັບການໃຊ້ເວລາ 10 ມື້ 9 ຄືນ ຜ່ານ 5 ແຂວງ.

ເພື່ອເປັນສ່ວນໜຶ່ງໃນການໂຄສະນາ ສົ່ງເສີມລາວທ່ຽວລາວ ຜູ້ຂຽນຂໍນຳເອົາເຫດການດັ່ງກ່າວມາເລົ່າຄືນແບບຫຍໍ້ໆໃຫ້ເຫັນພາບນຳກັນອີກຄັ້ງ.

ການເດີນທາງມື້ທີ 1 ( ນະຄອນຫຼວງວຽງຈັນ – ຫີນເຫີບ – ເມືອງເຟືອງ – ປາກລາຍ ) ມີຈຸດຖ່າຍຮູບສໍາຄັນທີ່ເມືອງເຟືອງດິນແດນຜາທໍ່ໜໍ່ຄໍາ ແລະ ວັດສິນໄຊ ບ້ານໂນນຫີນແຫ່.

ในภาพอาจจะมี ภูเขา, ท้องฟ้า, สถานที่กลางแจ้ง และธรรมชาติ

ການເດີນທາງມື້ທີ 2 ( ປາກລາຍ – ໄຊຍະບູລີ – ໄຊສະຖານ ) ຖືໄປຈຸດສຳຄັນຂອງການອອກທຣິບຄັ້ງນີ້ ນັ້ນເມືອງໄຊສະຖານ ເຊິ່ງຕັ້ງຢູ່ຫ່າງອອກໄປຈາກເທສະບານ ແຂວງໄຊຍະບູລີ ທາງທິດຕາເວັນຕົກ ປະມານ 60 ກິໂລແມັດ ດິນແດນທີ່ຖືກຂະໜານນາມເປັນເມືອງແຫ່ງສາຍພູ ແລະ ທະເລໝອກ.

ການເດີນທາງມື້ທີ 3 ( ໄຊສະຖານ – ຫົງສາ – ປາກແບງ ) ຫຼັງຈາກອີ່ມໃຈໄດ້ພາບທີ່ໄຊສະຖານແລ້ວ ກໍແມ່ນການເດີນທາງທີ່ກັນດານອີກມື້ ຈາກໄຊສະຖານສູ່ປາກແບງ ແຂວງອຸດົມໄຊ ໂດຍໃຊ້ເສັ້ນທາງລັດຈາກໄຊສະຖານສູ່ຫົງສາ ເຊິ່ງເປັນໄລຍະທາງທີ່ສັ້ນເພື່ອໄປຮອດປາກແບງໃຫ້ໄວ ຖ້າອອກທາງໄຊຍະບູລີຄືນຈະມີໄລຍະທາງທີ່ໄກຫຼາຍສົມຄວນ.

ເສັ້ນທາງນີ້ມີທັງຫຼົງທາງເກືອບອອກສູ່ຊາຍແດນປະເທດໄທ, ນັ່ງລົດຈົນກົ້ນດ້ານ, ລົດຢາງຮົ່ວ… ຫຼັງຈາກຜ່ານ ຄວາມກັນດານກວ່າ 4 ຊົ່ວໂມງ ໃນໄລຍະທາງປະມານ 60 ກິໂລ ກໍມາຮອດຫົງສາ. ຈາກນັ້ນ, ກໍແມ່ນທາງປູຢາງຍາວຢຽດໄປຈົນຮອດປາກແບງ.

ປາກແບ່ງຄືດິນແດນທີ່ງົດງາມ ແລະ ສະຫງົບງຽບເໝາະແກ່ການພັກຜ່ອນຢ່ອນໃຈ ກາຍເປັນມົນສະເໜ່ດຶງດູດຜູ້ຢ້ຽມຢາມ. ປາກແບ່ງຄືຈຸດແວ່ພັກຂອງນັກທ່ອງທ່ຽວທີ່ລ່ອງເຮືອຈາກຫຼວງພະບາງ ຫາ ຫ້ວຍຊາຍ ຖືເປັນຈຸດໝາຍປາກທາງທີ່ທ່ານຄວນໄປຍາມໃນລະດູທ່ອງທ່ຽວປີນີ້.

ການເດີນທາງມື້ທີ 4 ( ປາກແບງ – ເມືອງໄຊ – ນາໝໍ້ )

ກ່ອນເຖິງທີ່ພັກທີ່ນາໝໍ້ ພວກເຮົາກໍແວ່ຖ່າຍຮູບທີ່ເທສະບານແຂວງອຸດົມໄຊ ໂດຍສະເພາະແມ່ນຂຶ້ນພູທາດ; ພູທາດ ເປັນສູນລວມທາງດ້ານຈິດໃຈຂອງຊາວເມືອງ ແລະ ເປັນຈຸດຊົມວິວສຳຄັນຂອງເມືອງໄຊ ທີ່ໃຜມາຮອດກໍຕ້ອງຂຶ້ນມາຖ່າຍຮູບຢູ່ທີ່ນີ້, ໃນນັ້ນກໍລວມເຖິງທີມງານ 2 ລໍ້ວິຖີຊີວິດລາວທີ່ທຸກຄົນເດີນທາງມາຮອດອຸດົມໄຊ ກໍຕ້ອງຂຶ້ນມາທີ່ນີ້.

ในภาพอาจจะมี หนึ่งคนขึ้นไป, รถจักรยานยนต์, จักรยาน, ต้นไม้, สถานที่กลางแจ้ง, ธรรมชาติ และน้ำ, ข้อความพูดว่า "noy mages"

ການເດີນທາງມື້ທີ 5 ( ນາໝໍ້ – ບຸນໃຕ້ – ບຸນເໜືອ – ຜົ້ງສາລີ )

ການເດີນທາງສູ່ຜົ້ງສາລີ ແມ່ນເລືອກເສັ້ນທາງຈາກເມືອງນາໝໍ້ ແຂວງອຸດົມໄຊ ຫາ ເມືອງບຸນໃຕ້ ເຂົ້າສູ່ບຸນເໜືອ ແລະ ເຂົ້າສູ່ເທສະບານແຂວງຜົ້ງສາລີ ເຊິ່ງເປັນການກັບມາເສັ້ນທາງນີ້ອີກຄັ້ງຫຼັງຈາກເຄີຍມາເມື່ອ 2 ປີກ່ອນ ໂດຍຫວັງກັບມາເກັບພາບຕາມເສັ້ນທາງນີ້ໃຫ້ໄດ້ຫຼາຍທີ່ສຸດ ເພາະ 2 ປີກ່ອນນັ້ນບໍ່ມີໂອກາດໄດ້ຖ່າຍຮູບຫຼາຍປານໃດ.

ในภาพอาจจะมี หนึ่งคนขึ้นไป, ผู้คนกำลังนั่ง, หมวก และสถานที่กลางแจ้ง, ข้อความพูดว่า "- noy images"

.

ในภาพอาจจะมี 4 คน, ผู้คนกำลังเต้นรำ, ผู้คนอยู่บนเวที, ผู้คนกำลังยืน, ท้องฟ้า และสถานที่กลางแจ้ง

ເສັ້ນທາງນີ້ຖືວ່າກັນດານທີ່ສຸດ ເພາະຕ້ອງໄດ້ຜ່ານເສັ້ນທາງລະຫວ່າງບ້ານ ຫາ ບ້ານ, ຜ່ານສວນປະຊາຊົນ ໄດ້ຫາມລົດຈັກຂ້າມຫ້ວຍນໍ້າ, ແຕ່ຈຸດສຳຄັນທີ່ເປັນມົນສະເໜ່ຂອງເສັ້ນທາງນີ້ ແມ່ນບ້ານທີ່ຕັ້ງຢູ່ຊາຍແດນລາວ – ຈີນ ຂຶ້ນກັບເມືອງນາໝໍ້ ແຂວງອຸດົມໄຊ ຍັງຄົງຮັກສາວິຖີຊີວິດດັ້ງເດີມໄວ້ໄດ້ຫຼາຍທີ່ສຸດແຫ່ງໜຶ່ງຂອງເມືອງລາວ. ນອກຈາກນັ້ນ, ຕະຫຼອດເສັ້ນທາງຈາກຈຸດຊາຍແດນເລາະລຽບກ່ອນເຖິງເມືອງບຸນໃຕ້ ແມ່ນເຕັມໄປດ້ວຍວິຖີຊີວິດຊົນເຜົ່າທີ່ຫາເບິ່ງໃນທີ່ອື່ນໆໄດ້ຍາກ.

ການເດີນທາງທີ່ທໍລະຫົດຕັ້ງແຕ່ 8 ໂມງເຊົ້າ ໃນທີ່ສຸດພວກເຮົາກໍມາຮອດດິນແດນຜົ້ງສາລີ ໃນເວລາເກືອບທ່ຽງຄືນ ໃນມື້ທີ 5 ຂອງການເດີນທາງ.

ในภาพอาจจะมี ภูเขา, ท้องฟ้า, เมฆ, สถานที่กลางแจ้ง, ธรรมชาติ และน้ำ

ຜົ້ງສາລີ ໃນວັນທີ່ທີມງານເຮົາມາຮອດເປັນໄລຍະທີ່ມີເທສະການດື່ມນໍ້າຊາ ຕົວເມືອງຜົ້ງສາລີຈຶ່ງມີສີສັນເປັນພິເສດ ແລະ ກໍຖືວ່າເປັນວັນທີ່ໂຊກດີທີ່ສຸດຂອງທີມງານພວກເຮົາ ເພາະນອກຈາກໄດ້ຮູບງາມຕົວເມືອງຜົ້ງສາລີ, ທະເລໝອກ ແລະ ສວນຊາແລ້ວ ຍັງໄດ້ຮູບພາບສີສັນບັນດາເຜົ່າຂອງແຂວງຜົ້ງສາລີນໍາ.

 

ດ້ວຍມົນສະເໜ່ອັນງົດງາມຂອງຜົ້ງສາລີ ໄດ້ມັດໃຈທີມງານພວກເຮົາໃຫ້ນອນຢູ່ທີ່ນີ້ 2 ຄືນ ຈຶ່ງໄດ້ອອກເດີນທາງໄປຍັງເປົ້າໝາຍຕໍ່ໄປນັ້ນກໍຄືໜອງຂຽວ ເມືອງງອຍ ແຂວງຫຼວງພະບາງ ແລ້ວກໍລົງສູ່ວັງວຽງ ແລະ ນະຄອນຫຼວງວຽງຈັນ ເປັນອັນວ່າຈົບການເດີນທາງ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ