ຖົ່ວລັນເຕົ໋າ ມີປະໂຫຍດຫຼາຍ ເປັນແຫຼ່ງອາຫານລ້ຳຄ່າທີ່ບໍ່ຄວນພາດ - Laoedaily

ຖົ່ວລັນເຕົ໋າ ມີປະໂຫຍດຫຼາຍ ເປັນແຫຼ່ງອາຫານລ້ຳຄ່າທີ່ບໍ່ຄວນພາດ

ຫຼາຍຄົນຍັງບໍ່ຮູ້ວ່າຖົ່ວລັນເຕົ໋າ ທີ່ເຄີຍໄດ້ກິນນັ້ນຈະມີປະໂຫຍດມະຫາສານຕໍ່ຮ່າງກາຍຫຼາຍ ເຊິ່ງລັກສະນະຂອງຖົ່ວລັນເຕົ໋າແມ່ນເປັນໝາກຖົ່ວສີຂຽວອ່ອນສວຍງາມໜ້າກິນ ສາມາດນຳມາປະກອບເມນູອາຫານກິນໄດ້ຕັ້ງແຕ່ໝາກອ່ອນໝົດທັງໝາກ ຫຼື ຈະເອົາແຕ່ເມັດມາກິນຢ່າງດຽວກໍໄດ້ເຊັ່ນກັນ.

ສຳລັບຖົ່ວລັນເຕົ໋າເປັນພືດຜັກທີ່ອຸດົມໄປດ້ວຍຄຸນຄ່າທາງໂພຊະນາການສູງ ດ້ວຍເຫດນີ້ເຮົາຈຶ່ງນຳເອົາຄຸນປະໂຫຍດຂອງຖົ່ວລັນເຕົ໋າມາຝາກ ຖົ່ວລັນເຕົ໋າມີດີຕໍ່ສຸຂະພາບຮ່າງກາຍແນວໃດ ເຮົາມາເບິ່ງພ້ອມກັນເລີຍ.

  1. ຫຼຸດນ້ຳໜັກ

ການກິນອາຫານຫຼຸດນ້ຳໜັກນັ້ນບໍ່ແມ່ນເລື່ອງຍາກ ເພາະຫຼັກໆເຮົາຈະຕ້ອງເລືອກກິນຜັກທີ່ໃຫ້ເສັ້ນໃຍ ແລະ ໂປຣ ຕິນສູງ ແລະ ຖົ່ວລັນເຕົ໋າກໍເປັນອາຫານຈາກທຳມະຊາດທີ່ອຸດົມໄປດ້ວຍໂປຣຕິນປະລິມານສູງ ມີໄຟເບີທີ່ຈະເຮັດໃຫ້ອີ່ມດົນຂຶ້ນ ຊ່ວຍຫຼຸດອາການຫິວ ກິນຈຸບຈິບໃນລະຫວ່າງວັນໄດ້ເປັນຢ່າງດີ ອີກທັງຍັງມີໄຂມັນຕ່ຳ ຈຶ່ງເໝາະຢ່າງຍິ່ງສຳລັບຄົນທີ່ຢູ່ໃນໄລຍະຫຼຸດນ້ຳໜັກ.

  1. ແກ້ບັນຫາທ້ອງຜູກ

ຜັກທຸກຊະນິດເປັນແຫຼ່ງຂອງໄຟເບີເກືອບຈະທັງໝົດ ເຊິ່ງຖົ່ວລັນເຕົ໋ານີ້ກໍມີໄຟເບີສູງທີ່ຈະຊ່ວຍກະຕຸ້ນລະບົບຂັບຖ່າຍໃຫ້ເຮັດວຽກໄດ້ດີຂຶ້ນ ແລະ ຍັງເຮັດໃຫ້ລະບົບການເຮັດວຽກຂອງລຳໄສ້ເປັນໄປຢ່າງປົກກະຕິ, ໃຜທີ່ມີບັນຫາອາການທ້ອງຜູກເປັນປະຈຳ ກິນຖົ່ວລັນເຕົ໋າແລ້ວອາການດີຂຶ້ນແນ່ນອນ.

  1. ເປັນແຫຼ່ງສານຕ້ານອະນຸມູນອິດສະຫຼະ

ຢ່າງທີ່ເຮົາຮູ້ກັນດີແລ້ວວ່າ ສານຕ້ານອະນຸມູນອິດສະຫຼະມີຄວາມສຳຄັນຕໍ່ສຸຂະພາບຮ່າງກາຍຂອງເຮົາແນວໃດ ເຊິ່ງຖົ່ວລັນເຕົ໋າກໍເປັນແຫຼ່ງອາຫານທີ່ອຸດົມດ້ວຍສານຕ້ານອະນຸມູນອິດສະຫຼະສູງ ບໍ່ວ່າຈະເປັນສານຟຣາໂວນອຍ, ແຄໂຣທີນອຍ, ກົດຟິໂນລິກ ແລະ ໂພລິຟິນອລ ໂດຍຈະໃຊ້ປ້ອງກັນບໍ່ໃຫ້ຖືກທຳລາຍຈົນໄດ້ຮັບຄວາມເສຍຫາຍ ແລະ ຍັງຊ່ວຍຢັບຢັ້ງການເກີດຮ່ອງຮອຍກ່ອນໄວ. ນອກຈາກນີ້, ຍັງເປັນແຫຼ່ງຂອງວິຕາມິນຊີ, ອີ ແລະ ສັງກະສີນຳອີກ.

  1. ຄວບຄຸມລະດັບນ້ຳຕານໃນເລືອດ

ອາຫານທີ່ມີໄຟເບີກໍນັບວ່າເປັນອີກຕົວຊ່ວຍໜຶ່ງທີ່ຈະເຮັດໃຫ້ອາການຂອງພະຍາດເບົາຫວານຫຼຸດຄວາມຮຸນແຮງລົງໄດ້ ແລະ ໃນຖົ່ວລັນເຕົ໋າກໍເປັນແຫຼ່ງຂອງໄຟເບີຢ່າງທີ່ບໍ່ເຮັດໃຫ້ຕ້ອງຜິດຫວັງ ເພາະໄຟເບີຈະເຮັດໃຫ້ນ້ຳຕານຖືກຍ່ອຍຊ້າຂຶ້ນ ເຮັດໃຫ້ການດູດຊຶມນ້ຳຕານເປັນໄປຢ່າງຊ້າໆ.

ນອກຈາກນີ້, ສານຕ້ານອະນຸມູນອິດສະຫຼະທີ່ພົບເຫັນໃນຖົ່ວລັນເຕົ໋າກໍຍັງມີບົດບາດໃນການປ້ອງກັນພາວະດື້ອິນຊູລີນ ອັນເປັນສາເຫດໃນການເກີດພະຍາດເບົາຫວານຊະນິດທີ 2 ແລະ ເຖິງແມ່ນວ່າໃນຖົ່ວລັນເຕົ໋າຈະມີນ້ຳຕານ ແຕ່ກໍເປັນນ້ຳຕານທີ່ດີຕໍ່ສຸຂະພາບຢ່າງຍິ່ງເຊັ່ນກັນ ຮັບຮອງວ່າບໍ່ທຳລາຍສຸຂະພາບຄົນເຈັບທີ່ເຈັບປ່ວຍເປັນເບົາຫວານຢ່າງແນ່ນອນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ