ເປີດໂຄງການປ່ຽນພລາສຕິກປັນຄວາມຮູ້ໃຫ້ນ້ອງ - Lanxang Media SOLE CO.,LTD

ເປີດໂຄງການປ່ຽນພລາສຕິກປັນຄວາມຮູ້ໃຫ້ນ້ອງ

ສູນການຄ້າວຽງຈັນເຊັນເຕີຮ່ວມກັບບໍລິສັດ ປານຄໍາ ຈໍາປາ ຈໍາກັດ, ບໍລິສັດບິກບລູລາວຈໍາກັດ ແລະ ບໍລິສັດວົງພານິດ ຮ່ວມກັນຈັດໂຄງການ Vientiane Center Recycling Box ປ່ຽນ ພລາສຕິກປັນຄວາມຮູ້ໃຫ້ນ້ອງ ຕັ້ງເປົ້າ ຜະລິດປຶ້ມຈາກພລາສຕິກໃຫ້ໄດ້ 1.000ຫົວ.

ພິທີຖະແຫລ່ງຂ່າວເປີດໂຄງການມືຂຶ້ນວັນທີ 28ທັນວາ 2020ທີ່ສູນການຄ້າວຽງຈັນເຊັນເຕີ ເຂົ້າຮ່ວມຂອງທ່ານ ຊຸນ ເຟີຍຫູ ປະທານສູນການຄ້າວຽງຈັນເຊັນເຕີ, ມີຜູ້ອໍານວຍການບໍລິສັດທີ່ຮ່ວມໂຄງການ ພ້ອມດ້ວຍສື່ມວນຊົນທຸກຂະແຫນງການເຂົ້າຮ່ວມ.

Image may contain: 9 people, people standing, people dancing and people on stage

ທ່ານ ຊຸນ ເຟີຍຫູ ກ່າວວ່າ: ໂຄງການປ່ຽນພລາສຕິກ ປັນຄວາມຮູ້ໃຫ້ນ້ອງ ແມ່ນການຮັບບໍລິຈາກ ພລາສະຕິກເພື່ອນໍາໄປຫັນເປັນທຶນແລະ ນໍາໄປຜະລິດປຶ້ມອ່ານ ເພື່ອມອບໃຫ້ນ້ອງໆ ໂຮງຮຽນຫ່າງໄກສອກຫລີກ ຕັ້ງເປົ້າໄວ້ຢ່າງຫນ້ອຍ 1.000 ຫົວ; ໂຄງການເປີດຮັບບໍລິຈາກ ພລາສຕິກ ວັນທີ 29ທັນວາ 2020 ຈົນເຖິງວັນທີ 2ທັນວາ 2021 ເຊິ່ງຮັບບໍລິຈາກ 3ປະເພດຄື: ພລາສຕິກໃສ , ພລາສຕິກຂຸ້ນ ແລະ ກະປ໋ອງ ໂດຍມີຈຸດບໍລິຈາກຄື: 1. ພາຍໃນສູນການຄ້າວຽງຈັນເຊັນເຕີ; 2. ບໍລິສັດບິກບລູລາວຈໍາກັດ ແລະ ບໍລິສັດວົງພານິດເປັນຜູ້ຮັບຊື້ພລາສຕິກທັງຫມົດ 3. ບໍລິສັດປານຄໍາ ຈໍາປາຈໍາກັດເປັນຜູ້ຮັບຜະລິດປຶ້ມອ່ານ ໂດຍແມ່ນ ພະແນກ ສຶກສາທິການ ແລະ ກິລານະຄອນຫລວງວຽງຈັນ ເປັນກຽດຕ່າງຫນ້າຮັບມອບ ໃຫ້ບັນດາໂຮງຮຽນທີ່ຫ່າງໄກສອກຫລີກໃນນະຄອນຫລວງວຽງຈັນ ເພື່ອເປັນການສືບສານ ແລະ ປະຕິບັດໂຄງການ ວຽງຈັນສະອາດ ຊ່ວຍຫລຸດຜ່ອນການນໍາໃຊ້ຖົງຢາງພລາສຕິກ ສູນການຄ້າວຽງຈັນເຊັນເຕີ້ ໃນທຸກໆວັນພຸດ ເລີ່ມແຕ່ ວັນທີ 6ມັງກອນ 2021 ຈະມີການປຸກລະດົມໃຫ້ລູກຄ້າ ຖືຖົງຜ້າມາຊອບປີ້ງ ໂດຍລູກຄ້າຈະໄດ້ຄະແນນຄູນສອງ (ສໍາລັບສະມາຊິກບັດ V-Card ສູນການຄ້າວຽງຈັນເຊັນເຕີ) ຂ່າວພຸດຕີ້ -ພາບ ສຸກສະຫວັນ