ຕົ້ມເຄັມໝູສາມຊັ້ນ ອາຫານທີ່ກິນໄດ້ທັງເດັກນ້ອຍ ແລະ ຜູ້ໃຫຍ່ - Laoedaily

ຕົ້ມເຄັມໝູສາມຊັ້ນ ອາຫານທີ່ກິນໄດ້ທັງເດັກນ້ອຍ ແລະ ຜູ້ໃຫຍ່

ຕົ້ມເຄັມໝູສາມຊັ້ນສູດນີ້ແບບບ້ານໆແທ້ໆ ເປັນເມນູທີ່ກິນໄດ້ທັງຄອບຄົວດ້ວຍລົດຊາດເຄັມໆ ຫວານໆ ນົວໆ ກິນກັບເຂົ້າຈ້າວຮ້ອນໆຮັບຮອງວ່າຈົນລືມຢ້ານຕຸ້ຍແນ່ນອນ.

ເຄື່ອງປຸງ

-ໝູສາມຊັ້ນ 400 ກຣາມ, ລ້າງແລ້ວຊອຍເປັນຕ່ອນນ້ອຍພໍຄຳ

-ນ້ຳມັນພືດ 1 ບ່ວງແກງ

-ນ້ຳຕານ 1 ຖ້ວຍນ້ອຍ

-ກະທຽມ 4 ກີບ ແກະເປືອກ ແລະ ທຸບ

-ຫອມບົ່ວແດງ 4 ຫົວ ແກະເປືອກ ແລະ ທຸບ

-ຂີງສົດ 1 ຫົວ ຊອຍບາງ

-ເກືອ 1 ບ່ວງກາເຟ

-ພິກໄທດຳປົ່ນ 1/2 ບ່ວງກາເຟ

-ນ້ຳປາ 1 ບ່ວງແກງ

-ສະອິວດຳ 1 ບ່ວງແກງ

-ແປ້ງນົວ 1/2 ບ່ວງກາເຟ, ບໍ່ໃສ່ກະໄດ້

-ນ້ຳ 2 ລິດ

ວິທີເຮັດ

ຂັ້ນຕອນທີ 1 ເອົານ້ຳມັນໃສ່ໝໍ້ ໃສ່ນ້ຳຕານຂົ້ວຈົນນ້ຳຕານເຫຼືອງ ( ໃຊ້ໄຟອ່ອນ ).

ຂັ້ນຕອນທີ 2 ຫຼັງຈາກນັ້ນໃສ່ຫອມບົ່ວແດງ ແລະ ກະທຽມທຸບ ແລ້ວຂົ້ວໃສ່ນໍ້າມັນຈົນເຫຼືອງ ໃສ່ຂີງ ຕາມດ້ວຍໝູ, ພິກໄທ, ເກືອ ແລະ ນ້ຳປາ ແລ້ວໃສ່ນ້ຳ.

ຂັ້ນຕອນທີ 3 ໃສ່ສະອິວດຳ, ໄຂ່ໄກ່ ( ໃຊ້ໄຟປານກາງ ) ຕົ້ມປະມານ 45 – 60 ນາທີ ຫຼື ຈົນກວ່ານ້ຳໃນໝໍ້ຈະເຫຼືອ 1/3 ຂອງນ້ຳທີ່ໃສ່ໄປທຳອິດ, ກ່ອນຈະປິດໄຟໃສ່ແປ້ງນົວ ແລ້ວຊີມລົດຊາດສາມາດປຸງຕື່ມຕາມໃຈມັກແລ້ວປິດໄຟ ພ້ອມເສີບໄດ້ເລີຍ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ