ຈຳປາສັກ-ອຸບົນຣາຊະທານີ ຫາລືເພື່ອວາງມາດຕະການ ແລະ ການຮ່ວມມື ປ້ອງກັນ ພະຍາດໂຄວິດ-19 - Laoedaily

ຈຳປາສັກ-ອຸບົນຣາຊະທານີ ຫາລືເພື່ອວາງມາດຕະການ ແລະ ການຮ່ວມມື ປ້ອງກັນ ພະຍາດໂຄວິດ-19

ວັນທີ 25 ທັນວາຜ່ານມາ ແຂວງຈຳປາສັກ ສປປ ລາວ ແລະ ຈັງຫວັດອຸບົນຣາຊະທານີ ຣາຊະອານາຈັກໄທ ໄດ້ມີກອງປະຊຸມພົບປະ, ປຶກສາຫາລື ເພື່ອວາງມາດຕະການ ແລະ ການຮ່ວມມື ປ້ອງກັນການລະບາດຂອງພະຍາດໂຄວິດ- 19 ຮ່ວມກັນ ໂດຍ ຜ່ານລະບົບວີດີໂອທາງໄກ.

ຄະນະຜູ້ແທນ ຝ່າຍ ແຂວງຈຳປາສັກ ສປປ ລາວ ນຳໂດຍ ທ່ານ ມະໄລທອງ ກົມມະສິດ ຮອງເຈົ້າແຂວງໆຈຳປາສັກ ແລະ ຄະນະຜູ້ແທນ ຝ່າຍ ຈັງຫວັດອຸບົນຣາຊະທານີ ຣາຊະອານາຈັກໄທ ນຳໂດຍ ທ່ານ ສຸພາສິດ ກໍຈະເລີນຍົດ ຮອງ ຜູ້ວ່າຣາຊະການ ຈັງຫວັດອຸບົນຣາຊະທານີ.

Image may contain: 3 people

ໃນກອງປະຊຸມສອງຝ່າຍ ໄດ້ຕົກລົງເຫັນດີ ສືບຕໍ່ຈັດຕັ້ງປະຕິບັດ ເພີ່ມທະວີການຕິດຕາມ ກວດກາ ການເຂົ້າ-ອອກ ຕາມດ່ານຊາຍແດນ ເພື່ອຮັບປະກັນບໍ່ໃຫ້ມີການເຂົ້າ-ອອກ ແບບຊະຊາຍ ຫລື ມີການລັກລອບເຂົ້າອອກ ບໍ່ຜ່ານດ່ານຊາຍແດນ ເພື່ອຮັບປະກັນບໍ່ໃຫ້ມີຄວາມສ່ຽງ ໃນການນຳເຊື້ອພະຍາດ ໂຄວິດ-19 ມາລະບາດ; ເຫັນດີ ໃຫ້ເຈົ້າໜ້າທີ່ກ່ຽວຂ້ອງ ຂອງແຕ່ລະຝ່າຍ ໃນການຕິດຕາມ ກວດກາ ຕາມຊາຍແດນ ເພື່ອຮັກສາຄວາມສະຫງົບ ຮຽບຮ້ອຍ ຕາມຊາຍແດນຈໍາປາສັກ-ອຸບົນຣາຊະທານີ ແລະ ເຫັນດີ ແຕ່ລະຝ່າຍ ໃຫ້ມີການປະຊາສຳພັນ ທຳຄວາມເຂົ້າໃຈ ກັບອົງການປົກຄອງບ້ານ, ພີ່ນ້ອງປະຊາຊົນ ທັງ 2 ປະເທດ ກ່ຽວກັບສະຖານະການແຜ່ລະບາດ ຂອງພະຍາດໂຄວິດ-19.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ