ຊີ້ນແຫ້ງ ອາຫານ ທີ່ເກັບໄວ້ໄດ້ດົນ ແລະ ກິນຍາມໃດກໍ່ບໍ່ເບື່ອ - Laoedaily

ຊີ້ນແຫ້ງ ອາຫານ ທີ່ເກັບໄວ້ໄດ້ດົນ ແລະ ກິນຍາມໃດກໍ່ບໍ່ເບື່ອ

ເວົ້າເຖິງອາຫານ ສ່ວນຫຼາຍອາຫານທີ່ປຸງແຕ່ງມັກຈະໄດ້ກິນພຽງແຕ່ມື້ດຽວກໍ່ບໍ່ສາມາດກັບມາກິນອີກໄດ້ ເນື່ອງຈາກສະພາບອາກາດໃນບ້ານເຮົາຂ້ອນຂ້າງຮ້ອນ ເຮັດໃຫ້ອາຫານບູດເນົ່າໄດ້ງ່າຍ ມື້ນີ້ຜູ້ຂຽນຈິ່ງນຳເອົາວິທີການເຮັດຊີ້ນແຫ້ງທີ່ເຮັດງ່າຍ ແຖມເກັບໄວ້ກິນໄດ້ດົນພ້ອມ ຖືກໃຈຄົນໃນຄອບຄົວກັນຢ່າງແນ່ນອນ.

ພ້ອມແລ້ວ ເຮົາມາເບິ່ງວັດຖຸດິບສ່ວນປະກອບຂອງການເຮັດຊີ້ນແຫ້ງ ແລະ ວິທີເຮັດໄດ້ເລີຍ.

+ວັດຖຸດິບ

ຊີ້ນງົວ 1 ກິໂລ

ຂີງສົດ 1 ຖ້ວຍນ້ອຍ

ງາຂາວ 2 ບ່ວງແກງ

ເກືອ 1 ບ່ວງກາເຟ

ນ້ຳຕານ 4 ບ່ວງແກງ

ນ້ຳປາ 3 ບ່ວງແກງ

Image may contain: food

+ວິທີເຮັດ

  1. ຊອຍຊີ້ນຕ່ອນໜາ ປະມານ 1 ເຊັນ ປະໄວ້ໃສ່ຊາມ.

  2. ບົດ ຫຼື ຕຳຂີງ ໃຫ້ໝຸ່ນ ແລ້ວນຳໄປ ບີບເອົາແຕ່ນ້ຳຂີງໃສ່ໃນຊາມຊີ້ນ ໃສ່ນ້ຳປາ, ເກືອ, ນ້ຳຕານ ແລະ ງາຂາວ ຄົນໃຫ້ເຂົ້າກັນດີ.

  3. ໝັກໄວ້ຢ່າງຕ່ຳ 30 ນາທີ ແລະ ເອົາໄປຕາກແດດ 1 ມື້ ໃຫ້ແຫ້ງ (ເກັບໃສ່ ຕູ້ເຢັນ ຫຼື ຊ່ອງແຊ່ແຂງໄວ້ກິນດົນ).

  4. ເວລາເອົາມາເຮັດກິນ ທ່ານສາມາດນຳໄປປີ້ງ ຫຼື ຈືນ ໃຫ້ຫອມເຫຼືອງ ກໍ່ຖືວ່າພ້ອມກິນກັບເຂົ້າຮ້ອນໆ ຄູ່ກັບແຈ່ວໝາກເຜັດກໍ່ອີ່ມທ້ອງກັນຢ່າງແນ່ນອນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ