ເຜີຍຂໍ້ມູນລົດເກຍ ໂຊເລັນໂຕ ໄຮບິດ 2021 ທີ່ເປີດຂາຍໃນປະເທດອັງກິດ - Laoedaily

ເຜີຍຂໍ້ມູນລົດເກຍ ໂຊເລັນໂຕ ໄຮບິດ 2021 ທີ່ເປີດຂາຍໃນປະເທດອັງກິດ

ເກຍ ເຜີຍລາຄາ Kia Sorento Hybrid 2021 ລົດ SUV 7 ບ່ອນນັ່ງ Plug-in hybrid ທີ່ກຽມຂາຍໃນປະເທດອັງກິດ ມີເຄື່ອງຈັກ 2 ລຸ້້ນໃຫ້ເລືອກທັງແອັດຊັງ ແລະ ກາຊວນ.

ຂໍ້ມູນລ້າສຸດຂອງ All NEW Kia Sorento ລົດ SUV plug-in hybrid ຈາກ KIA ທີ່ຫາກໍ່ປະກາດລາຄາຢ່າງເປັນທາງການອອກມາກຽມຂາຍທີ່ປະເທດອັງກິດໂດຍຖືວ່າເປັນລົດທີ່ຂັບເຄື່ອນດ້ວຍໄຟຟ້າ ຫຼື Plug-in Hybrid ລຸ້ນທີ 2 ຂອງຕະກູນ Sorento ມີການປັບປຸງອອກແບບພາຍນອກ ແລະ ພາຍໃນໃໝ່ ນອກຈາກນີ້ຍັງເພີ່ມສິ່ງອໍານວຍຄວາສະດວກ ເຖິງອຸປະກອນເສີມຕ່າງໆອີກຫຼາຍລາຍການ.

Image may contain: car and outdoor

Kia Sorento Hybrid 2021 ຖືກອອກແບບໃຫ້ມີຫຼ່ຽມມູມຫຼາຍກວ່າລຸ້ນເກົ່າ ກະຈ່າງໜ້າມີ ຄວາມໂດດເດັ່ນ ຫຼາຍຂຶ້ນ ລະບົບໄຟສ່ອງສະຫວ່າງໃຊ້ໄຟ LED ຮອບຄັນ, ມາດຕະຖານຂອງຕີນລົດຍັງຖືກປັບຂະຫຍາຍໃຫ້ກວ້າງຂຶ້ນ (ລະຫວ່າງລໍ້ໜ້າ – ລໍ້ຫຼັງ ) ເຮັດໃຫ້ພາຍໃນຫ້ອງໂດຍສານມີພື້ນທີ່ຫຼາຍຂຶ້ນ ແລະ ບ່ອນວາງຂາຂອງແຕ່ລະບ່ອນນັ່ງກວ້າງຂຶ້ນ ແລະ ເບາະແຖວຫຼັງສຸດສາມາດພັບ ໄດ້ເພື່ອຂະຫຍາຍພື້ນທີ່ເກັບເຄື່ອງ.

Image may contain: screen and car

ມີໜ້າຈໍສໍາພັດ 8 ນິ້ວ ແລະ 10,25ນິ້ວ ໃນລຸ້ນທີ່ມີການຕົກແຕ່ງເພີ່ມຕື່ມ ແລະ ຮອງຮັບການເຊື່ອມສະມາດໂຟນ ຜ່ານ Apple CarPlay ແລະ Android Auto ໜ້າປັດບອກຄວາມໄວແບບດິຈິຕອລ ຂະໜາດ 12,3 ນິ້ວພ້ອມກັບໄຟປັບອາລົມໂດຍຮອບແຜງໜ້າປັດ ແລະ ແຜງປະຕູ, ລະບົບເກຍອອກແບບໃໝ່ ເປັນແບບໝູນ.

Image may contain: text that says '60 80 40 00 20 120 17.4mi Energ flow 140 EV MPH 150 ECO 293 20 CHARGE H3MOd 37. MPG ECO 1746'

ດ້ານລະບົບສົ່ງກໍາລັງ Kia Sorento Hybrid 2021 ມີເຄື່ອງຈັກ2ແບບຄື: ເຄື່ອງຈັກ ແອັດຊັງ T-GDi 1,6 ລິດເທີໂບ ສາກມໍເຕີໄຟຟ້າທີ່ຜະລິດກໍາລັງໄດ້ເຖິງ 226 ແຮງມ້າ ເຮັດວຽກຮ່ວມກັບເກຍອັດຕະໂນມັດ 6 ສະປີດ, ໃຫ້ອັດຕາເລັ່ງຈາກ 0-97 ກິໂລແມັດຕໍ່ຊົ່ວໂມງໃຊ້ເວລາ 8,7 ວິນາທີ ຄ່າສະເລ່ຍປະຢັດນໍ້າມັນ 17,4ກິໂລແມັດຕໍ່ ລິດ ແລະ ປ່ອຍຄ່າ CO2 ຢູ່ທີ່ 158-168 ກຣາມຕໍ່ກິໂລແມັດ ຂຶ້ນຢູ່ກັບສະເປັກ.

No photo description available.

ສ່ວນເຄື່ອງຈັກກາຊວນ T-GDi ນັ້ນມາພ້ອມຄວາມຈຸ 2,2 ລິດເທີໂບ ເຊິ່ງ Kia ລະບຸວ່າ ນໍ້າໜັກເບົາກວ່າລຸ້ນກ່ອນ 19,5 ກິໂລ ກໍາລັງສູງສຸດ 199 ແຮງມ້າ ແລະ ມີກະປຸກເກຍອັດຕະໂນມັດ 8 ສະປິດອັດຕາເລັ່ງ 0-97 ກິໂລແມັດຕໍ່ຊົ່ວໂມງ ໃຊ້ເວລາ 9,1ວິນາທີ.

Image may contain: sky and car

Sorento Plug-in ເປັນລົດ PHEV ທີ່ທັນສະໄໝ ແລະ ມີປະສິດທິພາບສູງສຸດຈາກ Kia ສາມາດເດີນທາງໄດ້ໄກເຖິງ 70 ກີໂລແມັດຕໍ່ການສາກໄຟຟ້າ1ຄັ້ງ.

ສ່ວນຄວາມປອດໄພ ມີລະບົບ ເບຣກສຸກເສີນ ອັດຕະໂນມັດ AEB ມີການກວດຈັບທັງຄົນຍ່າງ ແລະ ຂີ່ລົດຖີບ, ການກວດຈັບ ແລະ ການຫຼີກລ່ຽງຈຸດອັບສາຍຕາ, ການກວດສອບມູມຮອບທິດທາງ, ການກອບສອບ ຂີດຈໍາກັດ ແລະ ຄວາມໄວອັດສະລິຍະ ເຊິ່ງລະບົບນີ້ຊ່ວຍສະແກຣນ ການຈາລະຈອນທີ່ກໍາລັງຈະມາເຖິງເມື່ອທ່ານລ້ຽວອອກຈາກທາງແຍກ.

Image may contain: car and outdoor

Kia Sorento Hybrid 2021 ເປີດລາຄາສັ່ງຈອງທີ່ປະເທດອັງກິດ 38.845 ປອນ(ສະກຸນເງິນອັງກິດ) 1 ປອນເທົ່າກັບ 12.446ກີບ(ວັນທີ24ທັນວາ 2020 )ໂດຍມີລຸ້ນຍ່ອຍໃຫ້ເລືອກ 3 ລຸ້ນມີທັງໝົດ 6ສີເລີ່ມສົ່ງມອບໃນຕົ້ນປີ 2021

ຂໍ້ມູນ: car.kapook.com/view235203.html

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ