ລັດຖະບານລາວ ອະນຸມັດໃຫ້ໃຊ້ນັກກີລາທີ່ຢູ່ຕ່າງປະເທດເຊື້ອສາຍລາວ ມາເປັນຕົວແທນທີມຊາດ - Laoedaily

ລັດຖະບານລາວ ອະນຸມັດໃຫ້ໃຊ້ນັກກີລາທີ່ຢູ່ຕ່າງປະເທດເຊື້ອສາຍລາວ ມາເປັນຕົວແທນທີມຊາດ

ເຊື່ອວ່າວົງການກີລາລາວ ຈະໂດດເດັ່ນແນ່ນອນຂຶ້ນຫຼາຍແນ່ນອນ ຫຼັງຈາກທີ່ ລັດຖະບານລາວ ອະນຸມັດເອົາຄົນເຊື້ອສາຍລາວ ມາເປັນນັກກີລາລາວໄດ້ແລ້ວ ແລະ ຫຼ້າສຸດກໍາລັງຢູ່ໃນຂັ້ນຕອນການດຶງ 2 ນັກກີລາ ຈາກກີລາມວຍສາກົນ ແລະ ກີລາລົດຖີບ ມາຮັບໃຊ້ຊາດເຫຼືອພຽງຂຶ້ນຕອນເຮັດພາດສະປອດເທົ່ານັ້ນ.

ໃນກອງປະຊຸມໃຫຍ່ ຄະນະກໍາມະການໂອແລມປິກແຫ່ງຊາດລາວ ເມື່ອອາທິດທີ່ຜ່ານມາ ທາງກອງປະຊຸມໄດ້ສະເໜີຂ່າວດີທໍາອິດຄື: ສໍາເລັດການຂໍອະນຸມັດ ເອົາຄົນເຊື້ອສາຍລາວ ມາເປັນນັກກີລາລາວ ໄດ້ 2 ຄົນ: ທ້າວ Walter Warawud Puriboon Sanoi ນັກກີລາມວຍສາກົນ ປະສົບການສູງ ສັນຊາດອາເມຣິກາ ເຊື້ອສາຍລາວ ແລະ ນາງ Fanny Marie COUVET ນັກກີລາລົດຖີບດາວເດັ່ນ ສັນຊາດຝຣັ່ງ ເຊື້ອສາຍລາວ.

ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງ ກະຊວງ ສຶກສາທິການ ແລະ ກີລາ ໄດ້ລາຍງານໃນກອງປະຊຸມດັ່ງກ່າວວ່າ:(ໃນຄລິບລຸ່ມນີ້)

ສໍາລັບ ທີ່ຜ່ານມາມີນັກກີລາເຊື້ອສາຍລາວ ຫຼາຍທີ່ຄົນແຟນກີລາວລາວ ຕ່າງກໍຢາກເຫັນພວກເຂົາເຫຼົ່ານັ້ນມາຫຼິ້ນໃຫ້ກັບທີມຊາດລາວ ເປັນຕົ້ນແມ່ນ ບິລລີ ເກດແກ້ວພົມພອນ ນັກກີລາບານເຕະສັນຊາດຝຣັ່ງ ເຊື້ອສາຍລາວ ທີ່ປັດຈຸບັນຫຼິ້ນໃນລີກສູງສຸດຂອງປະເທດຝຣັ່ງ ແລະ ຜົນງານໂດດເດັ່ນ ແຕ່ຄາວນັ້ນແມ່ນລັດຖະບານລາວ ຍັງບໍ່ທັນເປີດກວ້າງ, ແຕ່ຫຼ້າສຸດຕໍ່ຈາກນີ້ ລັດຖະບານລາວ ເປີດກວ້າງແລ້ວ ເຊື່ອວ່າໃນປີໜ້າຈະມີນັກກີລາເຊື້ອສາຍລາວທີ່ຢູ່ຕ່າງປະເທດ ມາເປັນຕົວແທນທີມຊາດລາວ ຫຼາຍຄົນແນ່ນອນ.

ຂ່າວ-ຮູບ: ຄໍາສອນ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ