ຍີ່ປຸ່ນ ອາດແຊກແຊງຕະຫຼາດເງິນ ຫຼັງເງິນເຢັນແຂງຄ່າ - Laoedaily

ຍີ່ປຸ່ນ ອາດແຊກແຊງຕະຫຼາດເງິນ ຫຼັງເງິນເຢັນແຂງຄ່າ

ສຳນັກຂ່າວຕ່າງປະເທດລາຍງານວ່າ ກະຊວງການເງິນຂອງຍີ່ປຸ່ນອາດເຂົ້າແຊກແຊງຕະຫຼາດເງິນ ເພື່ອສະກັດບໍ່ໃຫ້ເງິນເຢັນແຂງຄ່າຫຼຸດລະດັບ 100 ເຢັນຕໍ່ 1 ໂດລາສະຫະລັດ ແຕ່ຈະເປັນການແຊກແຊງພຽງຄັ້ງດຽວ.

ທັງນີ້ ນັກວິເຄາະຫຼາຍຄົນຄາດການວ່າ ເງິນເຢັນຈະແຂງຄ່າຂຶ້ນອາດຫຼຸດລະດັບ 100 ເຢັນຕໍ່ໂດລາໃນອີກບໍ່ພໍເທົ່າໃດເດືອນຂ້າງໜ້ານີ້ ເນື່ອງຈາກວ່າ ສະຫະລັດອາເມຣິກາຈະໃຊ້ຈ່າຍງົບປະມານຢ່າງມະຫາສານ ເຊິ່ງຈະສົ່ງຜົນໃຫ້ເງິນໂດລາອ່ອນຄ່າລົງ.

ທັງນີ້ ຍີ່ປຸ່ນເຄີຍແຊກແຊງຕະຫຼາດເງິນຄັ້ງຫຼ້າສຸດເມື່ອປີ 2011 ເຊິ່ງປີນັ້ນໄດ້ເກີດແຜ່ນດິນໄຫວ ແລະ ເກີດຄື້ນຊຶນາມິ ສົ່ງຜົນກະທົບຕໍ່ເສດຖະກິດຍີ່ປຸ່ນ ເຮັດໃຫ້ຄ່າເງິນເຢັນອ່ອນຄ່າລົງ, ແນວໃດກໍດີ ນັກວິເຄາະຄາດການວ່າເງິນເຢັນອາດແຂງຄ່າບໍ່ຫຼາຍ ເນື່ອງຈາກ ອັດຕາດອກເບ້ຍລະຫວ່າງສະຫະລັດກັບຍີ່ປຸ່ນນັ້ນຮັດແຄບລົງເລື້ອຍໆ, ນັກວິເຄາະຍັງຄາດການວ່າ ທ່ານ ໂຢຊິຮີເດະ ຊູງະ ນາຍົກລັດຖະມົນຕີຍີ່ປຸ່ນ ອາດຈະຮຽກຮ້ອງໃຫ້ກະຊວງການເງິນຍີ່ປຸ່ນເຂົ້າແຊກແຊງຕະຫຼາດເງິນ ເພື່ອບໍ່ໃຫ້ເງິນເຢັນແຂງຄ່າເກີນໄປ ເພາະອາດກະທົບຕໍ່ເສດຖະກິດຍີ່ປຸ່ນທີ່ເພິ່ງພາການສົ່ງອອກ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ