ຫວຽດນາມ ຕັ້ງເປົ້າ ສົ່ງເສີມມະຫາວິທະຍາໄລສອນຄະນິດສາດໃຫ້ຕິດອັນດັບໂລກ - Laoedaily

ຫວຽດນາມ ຕັ້ງເປົ້າ ສົ່ງເສີມມະຫາວິທະຍາໄລສອນຄະນິດສາດໃຫ້ຕິດອັນດັບໂລກ

ສຳນັກຂ່າວຕ່າງປະເທດລາຍງານວ່າ ຫວຽດນາມຕັ້ງເປົ້າສົ່ງເສີມມະຫາວິທະຍາໄລສອນຄະນິດສາດຢ່າງໜ້ອຍ 5 ແຫ່ງໃຫ້ຕິດ 500 ອັນດັບທີ່ດີທີ່ສຸດຂອງໂລກໃນປີ 2030 ເພື່ອພັດທະນາການສຶກສາຄະນິດສາດ.

ທ່ານ ຫງວຽນ ຊວັນ ຟຸກ ນາຍົກລັດຖະມົນຕີຫວຽດນາມ ປະກາດແຜນງານລະດັບຊາດ ເພື່ອພັດທະນາ ແລະ ສົ່ງເສີມການສຶກສາວິຊາຄະນິດສາດ ຜ່ານການວິໄຈ ແລະ ປະຍຸກໃຊ້ ພ້ອມທັງນຳວິຊາຄະນິດສາດນຳໃຊ້ເຂົ້າໃນການພັດທະນາວິທະຍາສາດ ເຕັກໂນໂລຊີ, ເສດຖະກິດ-ສັງຄົມ.

ນອກຈາກນີ້ ທາງການຫວຽດນາມຍັງຈະສົ່ງເສີມຍູ້ດັນໃຫ້ມະຫາວິທະຍາໄລຢ່າງໜ້ອຍ 2 ແຫ່ງຕິດອັນດັບ 1 ໃນ 400 ມະຫາວິທະຍາໄລທີ່ດີທີ່ສຸດໃນໂລກພາຍໃນປີ 2030 ໂດຍຕັ້ງເປົ້າຍົກລະດັບການສຶກສາວິໄຈວິຊາຄະນິດສາດ, ສະໜັບສະໜູນຜູ້ຊ່ຽວຊານສາຂາວິຊາຄະນິດສາດ ໃຫ້ມີຜົນງານການວິໄຈຫຼາຍຂຶ້ນ ໂດຍມອບໃຫ້ບັນດາມະຫາວິທະຍາໄລທີ່ມີຊື່ສຽງດ້ານຄະນິດສາດເປັນຜູ້ດຳເນີນການ, ສ່ວນກະຊວງສຶກສາທິການຂອງຫວຽດນາມ ເປັນຜູ້ຄຸ້ມຄອງຕິດຕາມ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ