ຈີນ ຈະນຳໃຊ້ລົດໄຟຄວາມໄວສູງລຸ້ນໃໝ່ເຊື່ອມຕໍ່ຫຼາຍເມືອງ - Laoedaily

ຈີນ ຈະນຳໃຊ້ລົດໄຟຄວາມໄວສູງລຸ້ນໃໝ່ເຊື່ອມຕໍ່ຫຼາຍເມືອງ

ສຳນັກຂ່າວຊິນຮວາ ລາຍງານວ່າ ການລົດໄຟ ແຫ່ງປະເທດຈີນ ເປີດເຜີຍວ່າ: ຈີນ ຈະນຳໃຊ້ລົດໄຟຄວາມໄວສູງ ຟູຊິງລຸ້ນໃໝ່ ເຊິ່ງມີຄວາມໄວ 250 ກິໂລແມັດຕໍ່ຊົ່ວໂມງ ຕາມເສັ້ນທາງລົດໄຟຫຼາຍສາຍ ເຊື່ອມຕໍ່ຫຼາຍເມືອງໃນໄວໆນີ້.

ລົດໄຟດັ່ງກ່າວເປັນລຸ້ນຊີອາຣ໌ 300 ( CR300 ) ເຊິ່ງເປັນລຸ້ນຫຼ້າສຸດຂອງລົດໄຟຄວາມໄວສູງຂອງຟູຊິງ ເຊິ່ງປັດຈຸບັນມີຄວາມໄວ ລະຫວ່າງ 160 – 350 ກິໂລແມັດຕໍ່ຊົ່ວໂມງ ແລະ ຈະໃຫ້ບໍລິການຕາມເສັ້ນທາງລົດໄຟທີ່ເຊື່ອມຕໍ່ ຫາງໂຈວ ແລະ ເຊິນເຈິ້ນ, ຫຍຽນວິ໋ນກັ່ງ ແລະ ເຈີ້ນຈຽງ ລວມເຖິງ ກຸ້ຍຢາງ ແລະ ກວາງໂຈວ.

ການໃຫ້ບໍລິການລົດໄຟລຸ້ນໃໝ່ນີ້ ຖືເປັນບາດກ້າວສຳຄັນ ດ້ານການພັດທະນາລົດໄຟຂອງຈີນ ແລະ ບົ່ງບອກວ່າ ຈີນ ຍັງຄົງເປັນຜູ້ນຳໂລກ ດ້ານເຕັກໂນໂລຊີ ລົດໄຟຄວາມໄວສູງ, ລົດໄຟ ຟູຊິງ ເປີດໃຫ້ບໍລິການມາແລ້ວລວມໄລຍະທາງ 836 ລ້ານກິໂລແມັດ ຂົນສົ່ງຜູ້ໂດຍສານແລ້ວ 827 ລ້ານເທື່ອຄົນ. ຂະນະດຽວກັນ, ມີການຄາດການວ່າລົດໄຟປະເພດດັ່ງກ່າວຈະນຳໄປໃຊ້ໃນທຸກເສັ້ນທາງໃນເມືອງໃຫຍ່ຂອງຈີນ ພາຍໃນປີໜ້າ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ