ວິທີແກ້ປາກແຫ້ງ ລອກເປັນຂຸຍ ໃຫ້ກັບມານຸ້ມຊຸ່ມຊື່ນ ເບິ່ງສຸຂະພາບດີ - Laoedaily

ວິທີແກ້ປາກແຫ້ງ ລອກເປັນຂຸຍ ໃຫ້ກັບມານຸ້ມຊຸ່ມຊື່ນ ເບິ່ງສຸຂະພາບດີ

ວິທີແກ້ປາກແຫ້ງ ສຳລັບສາວໆ ຜູ້ທີ່ປະສົບບັນຫາປາກແຫ້ງ ລອກເປັນຂຸຍ ຈົນເຮັດໃຫ້ເສຍຄວາມໝັ້ນໃຈ ແຖມທາລິບແນວໃດກໍ່ບໍ່ງາມ ແຕ່ເຮົາມີເຄັດລັບດີໆ ທີ່ເຮັດໃຫ້ປາກຂອງທ່ານກັບມານຸ້ມຊຸ່ມຊື່ນ ສຸຂະພາບດີ ໃນຊ່ວງທີ່ຈະເຂົ້າລະດູໜາວແບບນີ້.

ມື້ນີ້ຜູ້ຂຽນຈະນຳເອົາເຄັດລັບ ຄວາມຮູ້ກ່ຽວກັບອາການປາກແຫ້ງ ພ້ອມວິທີແກ້ປາກແຫ້ງ ມາຝາກ ສຳລັບໃຜທີ່ກຳລັງປະສົບກັບບັນຫາດັ່ງກ່າວຢູ່ໃນຕອນນີ້ ເຮົາມາອ່ານໄປພ້ອມກັນເລີຍ.

ສາເຫດທີ່ເຮັດໃຫ້ປາກແຫ້ງ ເກີດຈາກປັດໃຈຕ່າງໆ ດັ່ງຕໍ່ໄປນີ້:

-ດື່ມນ້ຳໜ້ອຍ ເຮັດໃຫ້ຮ່າງກາຍຂາດຄວາມຊຸ່ມຊື່ນ ເປັນສາເຫດທີ່ເຮັດໃຫ້ປາກແຫ້ງ ລອກເປັນຂຸຍໄດ້.

-ເລຍຂອບປາກຕະຫຼອດ ເອນໄຊໃນນ້ຳລາຍຈະເປັນໂຕການທີ່ເຮັດໃຫ້ປາກແຫ້ງຫຼາຍຍິ່ງຂຶ້ນ.

-ການຢູ່ໃນບ່ອນທີ່ອາກາດເຢັນ ແລະ ແຫ້ງດົນເກີນໄປ ຢ່າງເຊັ່ນ: ຫ້ອງແອ ໂດຍອາກາດທີ່ເຢັນ ແລະ ແຫ້ງຈະດຶງເອົາຄວາມຊຸ່ມຊື່ນຈາກຮ່າງກາຍອອກໄປ ເຮັດໃຫ້ຜິວ ແລະ ປາກຂອງສາວໆ ແຫ້ງ ແລະ ແຕກໄດ້.

-ສານເຄມີບາງຢ່າງເຊັ່ນ ສານເຄມີໃນຢາຖູແຂ້ວ ສນເຄມີໃນນ້ຳຢາບ້ວນປາກ ຫຼື ສານເຄມີໃນລິບສະຕິກ ອາດສົ່ງຜົນໃຫ້ປາກເກີດການລະຄາຍເຄືອງ ແຫ້ງ ແລະ ລອກເປັນຂຸຍໄດ້.

-ສູບຢາ ກໍ່ໃຫ້ເກີດພາວະນ້ຳລາຍໜ້ອຍ ແລະ ມີອາການປາກແຫ້ງນຳມາ.

ວິທີແກ້ປາກແຫ້ງ

1.  ມາກສ໌ປາກ

ນອກຈາກມາກສ໌ໜ້າແລ້ວ ປາກກໍ່ສາມາດມາກສ໌ໄດ້ເຊັ່ນດຽວກັນ ໂດຍປັດຈຸບັນມີແຜ່ນມາກສ໌ປາກສູດຕ່າງໆ ອອກມາຫຼາກຫຼາຍ ແຖມຍັງມີແບບ 2 in 1 ທີ່ເປັນທັ້ງລິບບາລ໌ມບຳລຸງປາກ ແລະ ມາກສ໌ໃນໜຶ່ງດຽວຫຼື ໃຜງົບໜ້ອຍກໍ່ສາມາດນຳເອົາເຄື່ອງທີ່ມີຢູ່ໃນເຮືອນຄົວມາເຮັດໄດ້ ບໍ່ວ່າຈະເປັນນ້ຳມັນໜາກພ້າວ, ຫວ່ານຫາງແຂ້, ນ້ຳເຜິ້ງ ແລະ ໝາກແຕງ ເປັນຕົ້ນ ໂດຍນຳມາມາກສ໌ປາກຖິ້ມປ່ະໄວ້ປະມານ 5-10 ນາທີ ຈາກນັ້ນລ້າງອອກດ້ວຍນ້ຳສະອາດ ເຊັດໃຫ້ແຫ້ງ ແລະ ປິດທ້າຍໂດຍການທາລິບບາລ໌ມໜາໆກ່ອນນອນ ແນະນຳໃຫ້ເຮັດຢ່າງໜ້ອຍອາທິດລະ 1-2 ເທື່ອ ເພື່ອກູ້ສະພາບປາກທີ່ແຫ້ງລອກ ໃຫ້ກັບມານຸ້ມຊຸ່ມຊື່ນແບບຂ້າມຄືນ ເຊິ່ງເມາະກັບແມ່ຍິງທີ່ຕ້ອງການມີປາກທີ່ອີ່ມນ້ຳສຸຂະພາບດີແບບເລັ່ງດ່ວນ.

  1. ຫຼີກລ່ຽງການສູບຢາ

ການສູບຢາ ສົ່ງຜົນຕໍ່ປະລິມານນ້ຳລາຍໃນຊ່ອງປາກ ກໍ່ໃຫເກີດພາວະນ້ຳລາຍໜ້ອຍ ແລະ ມີອາການປາກແຫ້ງໄດ້ ດັ່ງນັ້ນ ຫາກໃຜທີ່ສູບຢາຢູ່ແລ້ວ ສັງເກດເຫັນວ່າປາກຂອງຕົນເອງເລີ່ມແຫ້ງ ແລະ ລອກເປັນຂຸຍ ແນະນຳໃຫ້ຫຼີກລ່ຽງ ຫຼື ຫຼຸດການສູບຢາລົງ.

ບັນຫາປາກແຫ້ງ ລອກເປັນຂຸຍ ເຖິງແມ່ນວ່າເຮັດໃຫ້ແມ່ຍິງຫຼາຍຄົນຄຸ້ມກຸ້ມໃຈ ແຕ່ກໍ່ມີວິທີທີ່ສາມາດເຮັດໃຫ້ປາກກັບມານຸ້ມຊຸ່ມຊື່ນ ເບີ່ງແລ້ວສຸຂະພາບດີຂຶ້ນໄດ້ ພຽງແຕ່ທ່ານເຮັດຕາມເຄັດລັບທີ່ເຮົານຳມາຝາກ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ