ແກງເຜັດໄກ່ແຊບໆ

178

ເຊື່ອວ່າຫຼາຍຄົນຮູ້ຈັກກິນ ແລະ ເຮັດແກງເຜັດແນ່ນອນ ແຕ່ມື້ນີ້ຜູ້ຂຽນຈະມາບອກວິທີເຮັດແກງເຜັດໄກ່ແບບງ່າຍໆ ໄວໆ ແລະ ກິນໄດ້ແບບຖືກໃຈໄປເລີຍ.

ເບິ່ງເຄື່ອງປຸງ ແລະ ວິທີເຮັດໄດ້ເລີຍ.

ເຄື່ອງປຸງ

ໄກ່ 600 ກຣາມ

ກະຣົດ 1 ຫົວ ຜ່າເປັນ 6 ບີ້ງ

ໝາກເຂືອ 4 ໜ່ວຍ ຜ່າເປັນ 4 ສ່ວນ

ມັນຝຣັ່ງ 4 ຫົວ ຜ່າເປັນ 4 ສ່ວນ

ຜັກບົວລະພາ ປິດໃບ ຫຼື 3 ຫງ່ານ້ອຍ

ກະທິໝາກພ້າວ 1 ຖ້ວຍນ້ອຍ

ເຄື່ອງພິກແກງແດງ 4 ບ່ວງແກງ

ນ້ຳຕານປີ໊ບ 3 ບ່ວງແກງ

ນ້ຳປາ 2 ບ່ວງແກງ

ຄະນໍກ້ອນ ລົດໄກ່ 1 ກ້ອນ

ນ້ຳມັນພືດ 1 ບ່ວງແກງ

ວິທີເຮັດ

1 ຂົ້ວເຄື່ອງພິກແກງໃສ່ນ້ຳມັນໃຫ້ຫອມ, ເອົາໄກ່ລົງຂົ້ວເຂົ້າກັນຈົນຊີ້ນໄກ່ອອກສີນ້ຳຕານອ່ອນ.

2 ຕື່ມກະທິໝາກພ້າວລົງ, ຕາມດ້ວຍມັນຝຣັ່ງ, ໝາກເຂືອ, ກະຣົດ ແລະ ປຸງລົດຊາດດ້ວຍຄະນໍ, ນ້ຳປາ, ນ້ຳຕານ; ຕົ້ມ ແລະ ຄົນຕໍ່ໄປຈົນກວ່າໄກ່ ແລະ ຜັກສຸກ ແລະ ໃຫ້ນ້ຳແຫ້ງໜ້ອຍໜຶ່ງ.

3 ຊີມລົດຊາດໃຫ້ພໍດີ ແລ້ວຕື່ມບົວລະພາ ແລະ ປົງ ພ້ອມເສີບກິນກັບເຂົ້າຈ້າວຮ້ອນໆ ຮັບຮອງແຊບຕ້ອງຂໍເພີ່ມແນ່ນອນ.