ອາລີ້ ສິດທິໄຊ ບໍລິຈັກ “ ພຽງເຮົາພະຍາຍາມ ເຮົາກໍຕາມຝັນໄດ້ ” - Laoedaily

ອາລີ້ ສິດທິໄຊ ບໍລິຈັກ “ ພຽງເຮົາພະຍາຍາມ ເຮົາກໍຕາມຝັນໄດ້ ”

ຂໍນຳສະເໜີເລື່ອງລາວທີ່ຫວັງວ່າຈະສ້າງແຮງບັນດານໃຈອີກທາງໜຶ່ງຂອງຊີວິດ ກັບວົງການບັນເທີງ ແລະ ໃນຊີວິດທຳມະດາເຮົາໄດ້ ເປັນເລື່ອງຂອງໜຸ່ມໄວ 19 ປີ ອາລີ້ ສິດທິໄຊ ບໍລິຈັກ ຫຼາຍຄົນຄົງເຄີຍເຫັນໃນງານບັນເທີງຕ່າງໆ ທີ່ໜຸ່ມຄົນນີ້ຂຶ້ນເດີນແບບສະແດງຄືກັບຄົນອື່ນໆ ເຊິ່ງຈຸດທີ່ແຕກຕ່າງກໍແມ່ນໃບໜ້າທີ່ເປັນຮອຍແປ້ວ ( ແຜເປັນ ) ເນື່ອງຈາກອຸບັດເຫດຕັ້ງແຕ່ນ້ອຍ ແຕ່ສິ່ງນັ້ນກໍບໍ່ໄດ້ເຮັດໃຫ້ໜຸ່ມຄົນນີ້ຢຸດທີ່ຈະຝັນໃນວົງການບັນເທີງແຕ່ຢ່າງໃດ.

ອາລີ້ ໄດ້ໃຫ້ສຳພາດວ່າ: ມີຄົນເວົ້າໃຫ້ຫຼາຍ ເນື່ອງຈາກໜ້າຕາບໍ່ຕອບໂຈດແກ່ວົງການບັນເທີງ ແຕ່ບໍ່ເຄີຍທໍ້ເພາະທຸກຄົນມີສິດທີ່ຈະເຮັດໃນສິ່ງທີ່ມັກ ຂໍພຽງເຮົາພະຍາຍາມສູ້ຕໍ່ໄປ, ຄິດກັບຄົນຈຳນວນນີ້ເລີຍວ່າບໍ່ໃຫ້ໂອກາດຄົນ ແລະ ຈະບໍ່ຮ່ວມງານກັບຄົນທີ່ເບິ່ງກັນທີ່ພາຍນອກ, ເຖິງວ່າຈະມີຮູບຮ່າງໜ້າຕາທີ່ຕ່າງກັນ ຫຼື ມີຈຸດທີ່ອາດບໍ່ຄືຄົນອື່ນ ແຕ່ຫົວໃຈ ກໍຮັກ ແລະ ມັກ ຄືກັນ.

ອາລີ້ ມີກຳລັງໃຈຢາກເຂົ້າວົງການເພາະເປັນຄົນມັກຮັກດ້ານນີ້ ແລະ ຢາກຈະສະແດງຄວາມສາມາດໃຫ້ຄົນອື່ນເຫັນວ່າຄົນທີ່ເປັນຄືເຮົາກະມີດີ.

ເຂົ້າວົງການໂດຍຜ່ານເວທີປະກວດມາຫຼາຍເວທີ, ຄົນຮູ້ຈັກໃນນາມ The survival laos; ຜົນງານຜ່ານມາສະແດງຊີຣີຮັກນີ້ມີເຄຍ, ເດີນແບບ Lao fashion week ແລະ ງານເດີນແບບຕ່າງໆ, ຖ່າຍແບບ ແລະ ໄດ້ລາງວັນພິເສດເປັນ ambassador ຮ້ານ The BarBer Lao.

ໃນອະນາຄົດທາງຜູ້ໃຫຍ່ ຕິດຕໍ່ເລື່ອງຜ່າຕັດ ສັນຍະກຳໃຫ້ຢູ່ແຕ່ຕອນນີ້ຖ້າການຢືນຢັນຈາກທາງຜູ້ໃຫຍ່ເພິ່ນອີກ ແລະ ກໍເລື່ອງການແຜ່ລະບາດໂຄວິດແດ່ເຮັດໃຫ້ມີບັນຫາ.

ອາລີ້ ຄິດວ່າທຸກຄົນສາມາດມີຄວາມຝັນ ແລະ ໄປເຖິງຝັນໄດ້ ບໍ່ວ່າຈະເປັນແບບໃດ ພຽງແຕ່ຫາຕົວເອງໃຫ້ເຫັນວ່າມັກຮັກແບບໃດ ຢາກເຮັດ ຢາກເປັນຫຍັງ ແລ້ວຖ່າຍທອດສິ່ງນັ້ນອອກມາດ້ວຍຄວາມຕັ້ງໃຈ, ອົດທົນພະຍາຍາມ ແນ່ນອນບໍ່ມີໃຜຮັກເຮົາໝົດ ເຊັ່ນດຽວກັນກັບບໍ່ມີໃຜຈະມາຊັງເຮົາໝົດ ທຸກຄົນຍ່ອມມີທັງຄົນທີ່ມັກ ແລະ ຄົນບໍ່ມັກປະປົນກັນໄປ ຈົ່ງສູ້ຕໍ່ໄປເດີ.

ປັດຈຸບັນອາຍຸ 19 ປີ ຮຽນຢູ່ ມຊ ຄະນະວິທະຍາສາດສັງຄົມ ສາຂາການທ່ອງທ່ຽວ ປີ 1.

ຝາກຕິດຕາມຜົນງານກໍຈະມີການຖ່າຍແບບ ເດີນແບບຕ່າງໆໄດ້ທາງເຟສບຸ໊ກ Alee Borichack.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ