Snapchat ເປີດນໍາສະເໜີ feature spotlight ຊ່ອງທາງສ້າງວິດີໂອສັ້ນ - Laoedaily

Snapchat ເປີດນໍາສະເໜີ feature spotlight ຊ່ອງທາງສ້າງວິດີໂອສັ້ນ

Snapchat ເປີດໂຕ feature ໃໝ່ແຂ່ງຂັນກັບ Tik tok ສໍາລັບໃຜທີ່ເຮັດວິດີໂອສັ້ນແລ້ວສາມາດເຮັດໃຫ້ຄົນເອົາໄປເວົ້າເຖິງ ແລະ ເຮັດຕາມໄດ້ຮັບໄປເລີຍ 1 ລ້ານໂດລາ.

ການແຂ່ງຂັນການສ້າງວິດີໂອສັ້ນໄດ້ເລີ່ມຂຶ້ນແລ້ວ ເມື່ອ ສະແນັບແຊັດ ( Snapchat ) ໜຶ່ງໃນຜູ້ບໍລິການດ້ານ Social media ອັນດັບຕົ້ນໆໄດ້ອອກບໍລິການໃໝ່ທີ່ມີຊື່ວ່າ Spotlight ເຊິ່ງເປັນ feature ທີ່ໃຫ້ຜູ້ໃຊ້ງານໄດ້ສ້າງຄລິບວິດີໂອສະແດງຄວາມຄິດສ້າງສັນຢ່າງເຕັມທີ່ ເພື່ອປັ້ນໃຫ້ຜູ້ໃຊ້ງານສະແນັບແຊັດ ( Snapchat ) ໄດ້ກາຍເປັນດາວດວງໃໝ່ໃນໂລກໂຊຊຽວ.

ແຕ່ທີ່ໜ້າສົນໃຈໄປກວ່ານັ້ນ ສະແນັບແຊັດ ( Snapchat ) ບໍ່ພຽງແຕ່ໃຫ້ຜູ້ໃຊ້ອັດຄລິບວິດີໂອລ້າໄປແຕ່ລະມື້ແຕ່ຄລິບວິດີໂອຂອງໃຜທີ່ຜູ້ຄົນສົນໃຈ ແລະ ສົ່ງຕໍ່ຫຼາຍ ແລະ ໄວທີ່ສຸດໃນແອບ Snapchat ຈະມອບເງິນໃຫ້ 1 ລ້ານໂດລາຕໍ່ມື້ ໂດຍຈະແຈກທຸກມື້ຈົນຮອດທ້າຍປີ.

ທັງນີ້, ເງິນຈໍານວນດັ່ງກ່າວຍັງບໍ່ມີລາຍລະອຽດວ່າ: ຈະແຈກໃຫ້ລາຍບຸກຄົນ ຫຼື ແບ່ງໃຫ້ຕາມຄລິບວິດີໂອທີ່ໄດ້ຮັບຄວາມນິຍົມ ເຊິ່ງເງື່ອນໄຂ Snapchat ທາງຜູ້ເຂົ້າຮ່ວມຈະຕ້ອງເຂົ້າຮ່ວມແຄມເປນນີ້ກ່ອນ ໂດຍສູດການຄໍານວນແມ່ນເປັນເລື່ອງພາຍໃນທີມຂອງທາງ Snapchat ແຕ່ກໍສໍາພັນກັບຈໍານວນຍອດຜູ້ເຂົ້າຊົມຂອງຄລິບວິດີໂອນັ້ນໆເຊັ່ນກັນ.

ພ້ອມກັນນີ້, ຖ້າຫາກວ່າໂຄງການນີ້ໄດ້ຮັບຄວາມນິຍົມຫຼາຍ ຫຼື ປະສົບຜົນສໍາເລັດປີໜ້າກໍຈະໄດ້ຈັດຕໍ່ອີກ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ