ປະກາດຍົກຍ້າຍ, ແຕ່ງຕັ້ງນາຍ ແລະ ພົນທະຫານກອງບັນຊາການທະຫານແຂວງບໍ່ແກ້ວ - Laoedaily

ປະກາດຍົກຍ້າຍ, ແຕ່ງຕັ້ງນາຍ ແລະ ພົນທະຫານກອງບັນຊາການທະຫານແຂວງບໍ່ແກ້ວ

ພິທີປະກາດຍົກຍ້າຍ, ແຕ່ງຕັ້ງນາຍ ແລະ ພົນທະຫານກອງບັນຊາການທະຫານ  ແຂວງບໍ່ແກ້ວ ໄດ້ຈັດຂຶ້ນໃນວັນທີ 22 ທັນວາ 2020 ທີ່ກອງບັນຊາການທະຫານແຂວງບໍ່ແກ້ວ ໂດຍການເປັນປະທານຮ່ວມຂອງ ສະຫາຍ ພົນໂທ ທອງລອຍ ສີລິວົງ ກຳມະການສູນກາງພັກ ຮອງລັດຖະມົນຕີ ກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ສະຫາຍ ຈອມສີ ລັດຕະນະປັນ ຮອງເລຂາພັກແຂວງ.

ສະຫາຍ ພົນຈັດຕະວາ ພູມີ ດາລາເພັດ ຄະນະພັກກະຊວງປ້ອງກັນປະເທດ ຫົວໜ້າກົມພະນັກງານ, ກົມໃຫຍ່ການເມືອງກອງທັບ ໄດ້ຜ່ານຄຳສັ່ງຂອງນາຍົກລັດຖະມົນຕີ ເລກທີ 17 ລົງວັນທີ 28 ຕຸລາ 2020 ວ່າດ້ວຍການຍົກຍ້າຍ ສະຫາຍ ພັນເອກ ວິດອນ ພຸດດາວົງ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ ໄປຮັບໜ້າທີ່ໃໝ່ຢູ່ກະຊວງປ້ອງກັນປະເທດ.

Image may contain: 3 people, people standing and suit

ຜ່ານດຳລັດຂອງນາຍົກລັດຖະມົນຕີ ເລກທີ 558 ລົງວັນທີ 28 ຕຸລາ 2020 ວ່າດ້ວຍການແຕ່ງຕັ້ງ ສະຫາຍ ພັນໂທ ທອງໄຂ ສີຍາລາດ ເປັນຫົວໜ້າການທະຫານ ກອງບັນຊາການທະຫານແຂວງບໍ່ແກ້ວ ແລະ ຜ່ານຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການແຕ່ງຕັ້ງ ສະຫາຍ ພັນໂທ ຄຳສອນ ໄຊຍະວົງ ເປັນຮອງຫົວໜ້າການເມືອງ ທັງເປັນຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ