ສະຫາຍ ປອ ທອງຈັນ ມະນີໄຊ ໄດ້ເປັນເລຂາຄະນະພັກກະຊວງພາຍໃນ ,ສະຫາຍ ນິສິດ ແກ້ວປັນຍາ ເປັນຮອງເລຂາ - Laoedaily

ສະຫາຍ ປອ ທອງຈັນ ມະນີໄຊ ໄດ້ເປັນເລຂາຄະນະພັກກະຊວງພາຍໃນ ,ສະຫາຍ ນິສິດ ແກ້ວປັນຍາ ເປັນຮອງເລຂາ

Lao National Radio, ກອງປະຊຸມໃຫຍ່ຜູ້ແທນ ອົງຄະນະພັກກະຊວງພາຍ ໃນ ຄັ້ງທີ II ຈັດຂຶ້ນໃນວັນທີ 22 ທັນວາ 2020 ພາຍໃຕ້ການເປັນປະທານຂອງ ສະຫາຍ ປອ ທອງຈັນ ມະນີໄຊ, ເລຂາຄະນະພັກ, ລັດຖະມົນຕີກະຊວງພາຍໃນ, ໂດຍການໃຫ້ກຽດເຂົ້າຮ່ວມຂອງ ສະຫາຍ ພົນໂທ ວິໄລ ຫຼ້າຄໍາຟອງ, ຄະນະເລຂາທິການສູນກາງພັກ, ລັດຖະມົນຕີກະ ຊວງປ້ອງກັນຄວາມສະຫງົບ, ຜູ້ແທນສົມບູນຈຳນວນ 180 ສະຫາຍ, ຍິງ 55 ສະຫາຍ ທີ່ເປັນຕົວແທນໃຫ້ແກ່ສະມາ ຊິກພັກທົ່ວກະຊວງພາຍໃນ 270 ສະຫາຍ ແລະ ແຂກຖືກເຊີນເຂົ້າຮ່ວມ.

ຕະຫຼອດໄລຍະດໍາເນີນກອງປະຊຸມ, ຜູ້ແທນໄດ້ຍົກສູງຄວາມຮັບຜິດຊອບໜ້າທີ່ການເມືອງຂອງຕົນເຂົ້າໃນການຄົ້ນຄວ້າປະກອບຄໍາເຫັນ ພິຈາລະນາ ແລະ ຮັບຮອງ ເອົາຮ່າງບົດລາຍງານການເມືອງ ທີ່ໄດ້ຕີລາຄາການຈັດຕັ້ງປະຕິ ບັດມະຕິກອງປະຊຸມໃຫຍ່ຂອງອົງຄະນະພັກກະຊວງພາຍ ໃນ ຄັ້ງທີ I ໃນໄລຍະ 5 ປີຜ່ານມາ (2016-2020) ໂດຍໄດ້ສະຫຼຸບຕີລາຄາການນໍາພາຈັດຕັ້ງປະຕິບັດໜ້າທີ່ວຽກງານຂະແໜງພາຍໃນ ກໍຄື ການປັບປຸງກໍ່ສ້າງສະມາຊິກພັກໃນຊຸມປີຜ່ານມາ, ພ້ອມທັງຮັບຮອງເອົາທິດທາງແຜນການວຽກງານຈຸດສຸມໃນ 5 ປີຕໍ່ໜ້າ (2021-2025) ເພື່ອເຮັດໃຫ້ການຈັດຕັ້ງປະຕິບັດໜ້າທີ່ວຽກງານຂະແໜງພາຍໃນ ແລະ ການປັບປຸງກໍ່ສ້າງພັກ-ພະນັກງານໃນທຸກດ້ານໃຫ້ມີຄວາມໜັກແໜ້ນ ເຂັ້ມແຂງ ຕາມແນວທາງປ່ຽນແປງໃໝ່ທີ່ມີຫຼັກການຂອງພັກ ຮັບປະກັນໃຫ້ແກ່ສະມາຊິກພັກ-ພະ ນັກງານຂະແໜງພາຍໃນ ຍາມໃດກໍມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນ.


ຜູ້ແທນກອງປະຊຸມ ຍັງໄດ້ພ້ອມກັນໃຊ້ສິດປະຊາທິ ປະ ໄຕຂອງຕົນປ່ອນບັດເລືອກຕັ້ງເອົາຄະນະບໍລິຫານງານພັກກະຊວງພາຍໃນ ສະໄໝທີ II ເຊີ່ງມີຜູ້ລົງສະໝັກ 16 ສະຫາຍ, ເລືອກໄດ້ 13 ສະຫາຍ ຍິງ 5 ສະຫາຍ ເຊິ່ງມີລາຍຊື່ ດັ່ງນີ້:
1) ສະຫາຍ ປອ ທອງຈັນ ມະນີໄຊ
2) ສະຫາຍ ນິສິດ ແກ້ວປັນຍາ
3) ສະຫາຍ ນາງ ທອງຈັນ ແກ້ວແສນຫອມ
4) ສະຫາຍ ວັນນະ ບຸບຜາ
5) ສະຫາຍ ປອ ນາງ ຈັນທາ ອ່ອນໄຊວຽງ
6) ສະຫາຍ ສໍສອນພິດ ພານຸວົງ
7) ສະຫາຍ ຕ໋ອງ ພູມມີພັນ
8) ສະຫາຍ ບຸນຈັນ ນິຍະວົງ
9) ສະຫາຍ ບຸນຍົງ ສີສຸພັນ
10) ສະຫາຍ ນາງ ກົມມະລີ ວິລະພັນ
11) ສະຫາຍ ນາງ ຄໍາພູນ ແກ້ວສະຫວັນ
12) ສະຫາຍ ສຸລິວັນ ອ່ອນຕາວົງ
13) ສະຫາຍ ປອ ນ ອໍາມະລາ ແກ້ວໜູຈັນ.


ກອງປະຊຸມຄົບຄະນະຄັ້ງປະຖົມມະລືກຂອງຄະນະບໍ ລິຫານງານພັກກະຊວງພາຍ ໃນ ສະໄຫມທີ II ໄດ້ເປັນເອກະພາບເລືອກຕັ້ງເອົາ ຄະນະປະຈໍາພັກກະຊວງພາຍໃນ ຈໍານວນ 03 ສະຫາຍ ຍິງ 01 ສະຫາຍ ຄື:
1) ສະຫາຍ ປອ ທອງຈັນ ມະນີໄຊ;
2) ສະຫາຍ ນິສິດ ແກ້ວປັນຍາ
3) ສະຫາຍ ນາງທອງຈັນ ແກ້ວແສນຫອມ
ກອງປະຊຸມໄດ້ເປັນເອກະສັນປະຊາມະຕິເລືອກເອົາ ສະຫາຍ ປອ ທອງຈັນ ມະນີໄຊ ເປັນເລຂາຄະນະພັກ,  ສະຫາຍ ນິສິດ ແກ້ວປັນຍາ ເປັນຮອງເລຂາຄະນະພັກ , ສະຫາຍ ນາງ ທອງຈັນ ແກ້ວແສນຫອມ ເປັນປະທານກວດກາພັກ. ສະຫາຍ ຕ໋ອງ ພູມມີພັນ ແລະ ສະຫາຍ ນາງ ຂັນຄຳ ແສງປະທຸມມາ ເປັນຮອງປະທານກວດກາພັກ.

ຂ່າວ: ບຸນຕຽງ ຈັນທະວົງ, ພາບ: ນ. ກັນລະຍາ ພົມມະວົງສາ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ