ບົດສະຫຼຸບ ບານເຕະຊີງຂັນ ທ່ານຮອງປະທານປະເທດແຫ່ງ ສປປ ລາວ ປະຈໍາປີ 2020 - Laoedaily

ບົດສະຫຼຸບ ບານເຕະຊີງຂັນ ທ່ານຮອງປະທານປະເທດແຫ່ງ ສປປ ລາວ ປະຈໍາປີ 2020

ການແຂ່ງຂັນບານເຕະຊີງຂັນ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ ນັດຊີງຊະນະເລີດ ຈັດຂຶ້ນທີ່ສະໜາມບານເຕະຫຍ້າທຽມ ລ້ານຊ້າງ ສະເຕດ້ຽມ ( ບ້ານໜອງໄຮ ເມືອງຫາດຊາຍຟອງ ນະຄອນຫຼວງວຽງຈັນ ) ປິດສາກຢ່າງເປັນທາງການ ໃນວັນທີ 18 ທັນວາ 2020 ເຊິ່ງບົດສະຫຼຸບມີດັ່ງນີ້:

-ທີມແຊັມ: ປກສ ຊະນະ ກະຊວງສຶກສາທິການ ແລະ ກີລາ 3-2 ຄວ້າແຊັມໄປຄອງ ໂດຍໄດ້ຮັບຂັນແຊັມມູນຄ່າ 3 ລ້ານກີບ, ຫຼຽນລາງວັນ ແລະ ເງິນລາງວັນ 12 ລ້ານກີບ, ສ່ວນກະຊວງ ສສກ ໄດ້ຮັບຫຼຽນລາງວັນ ພ້ອມເງິນລາງວັນ 9 ລ້ານກີບ.

-ຄູ່ຊີງອັນດັບ 3 ທະນາຄານແຫ່ງ ສປປ ລາວ ດວນຈຸດໂທດເອົາຊະນະ ກະຊວງສາທາລະນະສຸກ 4-1 ຫຼັງສະເໝີກັນ 0-0 ຄວ້າຫຼຽນລາງວັນ ພ້ອມເງິນລາງວັນ 7 ລ້ານກີບ, ສ່ວນ ກະຊວງສາທາລະນະສຸກ ໄດ້ຮັບຫຼຽນລາງວັນ ພ້ອມເງິນລາງວັນ 5 ລ້ານກີບ.

-ລາງວັນດາວຍິງສູງສຸດ: ລັດຕະພົງ ພົມມະຈັນ ຈາກຄະນະຊາວໜຸ່ມ ກະຊວງການຕ່າງປະເທດ ຍິງໄດ້ 10 ປະຕູ
-ລາງວັນນັກເຕະດີເດັ່ນ: ສຸດາທອນ ຂຸນບົວລີ ຈາກຄະນະຊາວໜຸ່ມ ກະຊວງປ້ອງກັນຄວາມສະງົບ
-ຜູ້ຮັກສາປະຕູດີເດັ່ນ: ເກດສະໜາ ແກ້ວດວງເດດ ຈາກກະຊວງປ້ອງກັນຄວາມສະຫງົບ

ຂ່າວ: ຄໍາສອນ; ຮູບ: ສຸນັນໄຊ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ