ການຄ້ານະຄອນຫຼວງ ແຈ້ງຫ້າມຂຶ້ນລາຄາສິນຄ້າຕາມລຳພັງໃຈໄລຍະປີໃໝ່ສາກົນ - Laoedaily

ການຄ້ານະຄອນຫຼວງ ແຈ້ງຫ້າມຂຶ້ນລາຄາສິນຄ້າຕາມລຳພັງໃຈໄລຍະປີໃໝ່ສາກົນ

ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ອອກແຈ້ງການເລກທີ 1991/ອຄ.ນວ.ຄພນ ລົງວັນທີ 16 ທັນວາ 2020 ເລື່ອງຫ້າມຂຶ້ນລາຄາສິນຄ້າຕາມລໍາພັງໃຈ ໃນໄລຍະສະເຫຼີມສະຫຼອງບຸນປີໃໝ່ສາກົນ 2021 ຈົນຮອດບຸນປີໃໝ່ຂອງຊາວຈີນ ແລະ ຊາວຫວຽດນາມ.

ເພື່ອເຮັດໃຫ້ການຄຸ້ມຄອງລາຄາສິນຄ້າ ແລະ ຄ່າບໍລິການຕ່າງໆເຂົ້າສູ່ລະບຽບກົດໝາຍບົນພື້ນຖານກົນໄກເສດຖະກິດຕະຫຼາດທີ່ມີການຄຸ້ມຄອງ ແລະ ດັດສົມຂອງລັດ ພ້ອມທັງບໍ່ເອົາລັດເອົາປຽບຜູ້ຊົມໃຊ້ ເຊິ່ງຈະສ້າງຜົນກະທົບຕໍ່ເສດຖະກິດ ໂດຍສະເພາະແມ່ນວັນບຸນປະເພນີ ແລະ ວັນສຳຄັນຕ່າງໆຂອງຊາດ. ຫົວໜ້າພະແນກອຸດສາຫະກຳການຄ້ານະຄອນຫຼວງ ອອກແຈ້ງການດັ່ງນີ້:

  1. ໃຫ້ຜູ້ປະກອບການທຸລະກິດ, ຊາວຜູ້ຄ້າຂາຍນຳສິນຄ້າຂອງຕົນອອກມາຈຳໜ່າຍໃນລາຄາທີ່ລັດກຳນົດໃຫ້ ໂດຍສະເພາະແມ່ນລາຄາສິນຄ້າປະເພດຄວບຄຸມລາຄາ ເປັນຕົ້ນ: ເຂົ້າກິນ, ຊີ້ນ, ປາ; ສ່ວນສິນຄ້າປະເພດອື່ນໆ ແມ່ນຂາຍໃນລາຄາປົກກະຕິທີ່ເຄີຍຂາຍໃນໄລຍະຜ່ານມາ, ຫ້າມກັກຕຸນສິນຄ້າ ຫຼື ສວຍໂອກາດຂຶ້ນລາຄາສິນຄ້າຕາມລຳພັງໃຈ ຖ້າມີການພັກບຸນປີໃໝ່ໃຫ້ຈັດສັນຄະນະຕະຫຼາດ, ຊຸກຍູ້ລະດົມໃຫ້ຊາວຄ້າຂາຍມາຂາຍເປັນປົກກະຕິ ແລະ ຂໍ ຄວາມຮ່ວມມືນຳຊາວຄ້າຂາຍພ້ອມກັນຈັດຕັ້ງປະຕິບັດ ເພື່ອເຮັດໃຫ້ການສະໜອງສິນຄ້າຢ່າງພຽງພໍ, ສັງຄົມມີຄວາມສະຫງົບ, ມີສະຖຽນລະພາບທາງດ້ານລາຄາ, ປະກອບສ່ວນເຮັດໃຫ້ການສະເຫຼີມສະຫຼອງປີໃໝ່ສາກົນກໍຄືບຸນປະເພນີຕ່າງໆໃຫ້ມີຄວາມເບີກບານມ່ວນຊື່ນ.

ในภาพอาจจะมี 1 คน, ฝูงชน, ต้นพืช, ดอกไม้, สถานที่กลางแจ้ง และอาหาร

  1. ກຳນົດລາຄາຍ່ອຍປະເພດຊີ້ນ, ປາ ດັ່ງນີ້:

ລາຄາຊີ້ນໝູ:

  • ລາຄາຊີ້ນໝູປະເພດ 1 ( ຊີ້ນ ກ້ອນ ແລະ ກະດູກຂ້າງ ) ສູງສຸດບໍ່ໃຫ້ເກີນ 44.000 ກີບຕໍ່ກິໂລ

  • ລາຄາຊີ້ນໝູປະເພດ 2 ( ສາມຊັ້ນ, ຊີ້ນ, ຊີ້ນຕິດມັນ ) ສູງສຸດບໍ່ໃຫ້ເກີນ  41.000 ກີບຕໍ່ກິໂລ

ລາຄາເຂົ້າ:

  • ລາຄາຂາຍຍ່ອຍເຂົ້າສານໜຽວ ປະເພດ 2 ສູງສຸດບໍ່ເກີນ 7.400 ກີບຕໍ່ກິໂລ.

ລາຄາປານິນກະຊັງ:

  • ລາຄາປານິນກະຊັງສູງສຸດບໍ່ໃຫ້ເກີນ 20.000 ກີບຕໍ່ກິໂລ.

ในภาพอาจจะมี 3 คน

  1. ຫ້າມນຳເຂົ້າ ແລະ ຈຳໜ່າຍໝາກກະໂພກ ແລະ ວັດຖຸທີ່ມີສຽງແຕກທຸກຊະນິດຢ່າງເດັດຂາດ.

  2. ສິນຄ້າທີ່ນຳມາວາງຈຳໜ່າຍຕ້ອງຮັບປະກັນຄວາມປອດໄພຂອງຜູ້ບໍລິໂພກ ແລະ ໃຫ້ຄິດລາຄາເປັນເງິນກີບ, ບໍ່ໃຫ້ນຳເອົາສິນຄ້າທີ່ເສຍຄຸນ ຫຼື ໝົດອາຍຸ ແລະ ບໍ່ໄດ້ຕິດສະຫຼາກພາກສ່ວນທີ່ກ່ຽວຂ້ອງເປັນພາສາລາວມາວາງຂາຍເພື່ອຈຳໜ່າຍ. ພ້ອມນັ້ນ, ຍັງໃຫ້ຜູ້ປະກອບການຂຽນທີ່ຢູ່ຂອງຮ້ານ ພ້ອມທັງເບີຕິດຕໍ່ເພື່ອຄວາມສະດວກໃນການປະສານງານຂອງເຈົ້າໜ້າທີ່.

  3. ເວລາພະນັກງານລົງກວດກາຕົວຈິງຫາກພົບເຫັນຫົວໜ່ວຍທຸລະກິດ, ຊາວຄ້າຂາຍລະເມີດລະບຽບການ ແລະ ແຈ້ງການສະບັບນີ້ຈະໃຊ້ມາດຕະການສຶກສາອົບຮົມ, ປັບໃໝ ແລະ ຢຶດສິນຄ້າໃນແຕ່ລະກໍລະນີ.

ในภาพอาจจะมี 1 คน, ฝูงชน และอาหาร

  1. ມອບໃຫ້ຂະແໜງການຄ້າພາຍໃນ, ຫ້ອງການອຸດສາຫະກຳເມືອງ 9 ເມືອງ, ຄະນະຈັດສັນຕະຫຼາດທຸກຕະຫຼາດເອົາໃຈໃສ່ກວດກາຕິດຕາມລາຄາສິນຄ້າ ທີ່ມີຜົນກະທົບຕໍ່ຊີວິດການເປັນຢູ່ຂອງປະຊາຊົນ ໂດຍສະເພາະແມ່ນສິນຄ້າທີ່ລັດຄວບຄຸມ ແລະ ຄຸ້ມຄອງລາຄາບໍ່ໃຫ້ມີປາກົດການສິນຄ້າຂາດຕະຫຼາດ, ສວຍໂອກາດກັກຕຸນສິນຄ້າ ເພື່ອປັ່ນປ່ວນຂຶ້ນລາຄາໃນໄລຍະປີໃໝ່ສາກົນທີ່ຈະມາເຖິງນີ້ ຫຼື ບຸນປະເພນີອື່ນໆຢ່າງເດັດຂາດ.
ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ