ວິທີເຮັດເຂົ້າໜົມໝໍ້ແກງເຜືອກ - Laoedaily

ວິທີເຮັດເຂົ້າໜົມໝໍ້ແກງເຜືອກ

ເຂົ້າໜົມໃນປັດຈຸບັນແມ່ນມີຫຼາກຫຼາຍຊະນິດ ໂດຍສະເພາະເຂົ້າໜົມທີ່ເປັນພື້ນບ້ານໃນປັດຈຸບັນກໍເລີ່ມຫາກິນໄດ້ຍາກ. ສະນັ້ນ, ມື້ນີ້ເຮົາກໍມີສູດການເຮັດເຂົ້າໜົມບູຮານທີ່ອາດຈະເປັນເມນູຂອງຫວານທີ່ຫຼາຍໆຄົນມັກມາຝາກກັນ.

ສ່ວນປະສົມ

ໄຂ່ໄກ່ 7 ໜ່ວຍ ຫຼື ໄຂ່ເປັດກໍຍິ່ງດີ

ເຜືອກໜຶ້ງສຸກ 1 ຖ້ວຍປະມານ 500 ກຣາມ

ນ້ຳຕານໝາກພ້າວ 300 ກຣາມ

ກະທິໝາກພ້າວ 1 ກະປອງ 400 ກຣາມ

ເກືອເຄິ່ງບ່ວງກາເຟ

ໃບເຕີຍສົດ 5 – 6 ໃບ

ເນີຍ 1 ບ່ວງ

ຫອມບົ່ວແດງຊອຍສອງຫົວ

ນ້ຳມັນພືດ 1 ຖ້ວຍນ້ອຍ ສຳລັບໄວ້ຈືນຫອມ

ຂັ້ນຕອນວິທີການເຮັດ

1 ກ່ອນອື່ນຕ້ອງນຳເຜືອກໄປໜຶ້ງປະມານ 25 ນາທີ, ແລ້ວຈາກນັ້ນນຳຫອມບົ່ວແດງໄປຈຽວໃຫ້ຫອມເປັນສີເຫຼືອງແລ້ວຕັກພັກໄວ້.

2 ຕອກໄຂ່ໃສ່ຊາມແລ້ວຄົນ ຫຼື ນວດດ້ວຍໃບເຕີຍຕາມ ພ້ອມກັບນ້ຳຕານປະມານ 2 – 3 ນາທີ ແລ້ວຕອງເອົາໃບເຕີຍອອກ, ຈາກນັ້ນໃສ່ນ້ຳກະທິ ແລະ ເຜືອກລົງນວດໃຫ້ເຂົ້າກັນແລ້ວນຳໄປກວນໃຊ້ເວລາ 6 – 7 ນາທີ ເພື່ອໃຫ້ເຂົ້າໜົມຢູ່ຕົວ.

3 ຈາກນັ້ນນຳເອົາສ່ວນປະສົມທີ່ເຮັດແລ້ວນຳມາໃສ່ພິມ ໂຮຍໜ້າດ້ວຍໝາກພ້າວອ່ອນແລ້ວນຳໄປອົບໃຊ້ໄຟ 350 ຟາເຣນຮາຍ ປະມານ 35 ນາທີ ແລ້ວເອົາອອກມາທານ້ຳມັນ ພ້ອມໂຮຍໜ້າດ້ວຍຫອມບົ່ວແດງຈຽວຖືວ່າສຸກດີພ້ອມເສີບ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ