ເຈົ້າ​ຂອງ​ງານ Vangvieng Fest 6 ອອກມາປະກາດເລື່ອນຈັດງານ , ໂດຍຍິນດີສົ່ງເງິນຄ່າບັດຄືນ100%ສຳລັບຜູ້ທີ່ບໍ່ສະດວກມາຮ່ວມງານໃນວັນເວລາໃຫມ່ໄດ້ - Laoedaily

ເຈົ້າ​ຂອງ​ງານ Vangvieng Fest 6 ອອກມາປະກາດເລື່ອນຈັດງານ , ໂດຍຍິນດີສົ່ງເງິນຄ່າບັດຄືນ100%ສຳລັບຜູ້ທີ່ບໍ່ສະດວກມາຮ່ວມງານໃນວັນເວລາໃຫມ່ໄດ້

ເພຈ VangVieng Music Fest ວັງວຽງ ເຊິ່ງເປັນເພຈທາງການຂອງVangvieng Fest 6 ແຈ້ງການເລື່ອນງານ Vangvieng Fest6 ຢ່າງເປັນທາງການ ໃນຕອນແລງວັນທີ16 ທັນວາຜ່ານມາ ໂດຍມີເນື້ອໃນວ່າ:

ອີງຕາມ
1. ໃບແຈ້ງການຂອງກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ ສະບັບເລກທີ່ 452/ຖວທ ວັນທີ 16 ທັນວາ
2. ໃບແຈ້ງການຂອງຫ້ອງການແຂວງວຽງຈັນ ເລກທີ 650/ຫວຂ.ວຈ ໄດ້ມີຄຳສັ່ງໃຫ້ເລື່ອນການຈັດງານ Vangvieng Fest 6 ທີ່ຈະຈັດຂຶ້ນໃນວັນທີ 18-19 ທັນວານີ້.
ທາງຜູ້ຈັດງານ ຮ່ວມກັບຜູ້ໃຫ້ການອຸປະຖຳຫລັກຄື ບໍລິສັດເບຍລາວ ຈຳກັດ ແລະຜູ້ອຸປະຖຳຮ່ວມອື່ນໆທັງຫມົດ ຈະປະຕິບັດຕາມໃບແຈ້ງການຢ່າງເຂັ້ມງວດ.
– ເລື່ອນງານ “ ສ່ວນວັນເວລາຈັດງານແມ່ນຈະແຈ້ງໃຫ້ໄວທີ່ສຸດ “
– ຜູ້ຈັດຍິນດີສົ່ງເງິນຄ່າບັດຄືນ100%ສຳລັບຜູ້ທີ່ບໍ່ສະດວກມາຮ່ວມງານໃນວັນເວລາໃຫມ່ໄດ້ “ ສ່ວນວັນເວລາ ສະຖານທີ່ ຮັບເງິນຄືນແມ່ນຈະປະກາດໃຫ້ໄວທີ່ສຸດ “


– ສຳລັບພໍ່ຄ້າແມ່ຄ້າຊາວຂ້າຍທີ່ຈອງBoothຂາຍອາຫານແລະເຄື່ອງດື່ມຖ້າບໍ່ສະດວກຂາຍໃນງານຫນ້າ ພວກເຮົາຍິນດີຄືນເງິນ100%
ຜູ້ຈັດງານມີຄວາມເຫັນໃຈ
– ຜູ້ທີ່ຄອງຄອຍມາຮ່ວມງານພວກເຮົາ
– ຜູ້ປະກອບການ ພໍ່ຄ້າຊາວຂາຍ ເມື່ອງວຽງວັງທີ່ກະກຽມຕ້ອນຮັບນັກທ່ອງທ່ຽວ
– ສິລະປີນທຸກຄົນທີ່ຕັ້ງໃຈສ້າງສັນຜົນງານເພື່ອມາສະແດງໃນງານພວກເຮົາ ລວມເຖິງ
ທີມງານທຸກພາກສ່ວນທີ່ທຸມເທແຮງກາຍແຮງໃຈຈົນຮອດມື້ນີ້ໄດ້90%ແລ້ວ


ດັ່ງນັ້ນ, ພວກເຮົາຈິ່ງຂໍອະໄພໃນຄວາມບໍ່ສະດວກມາໃນຄັ້ງນີ້ດ້ວຍ, ແລະ ຂໍສັນຍາວ່າຈະກັບມາຈັດງານເທດສະການດົນຕີຂອງຄົນລາວ ເພື່ອມອບຄວາມສຸກໃຫ້ຄົນລາວໃຫ້ເຕັມທີ່ດັ່ງເດີມໃຫ້ໄດ້ໄວທີ່ສຸດຢ່າງແນ່ນອນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ