ສະພາປະຊາຊົນແຂວງຫຼວງພະບາງ ຮັບຮອງເອົາ ທ່ານ ຄຳຂັນ ຈັນທະວີສຸກ ເປັນເຈົ້າແຂວງ, ທ່ານ ບຸນເລື່ອມ ມະນີວົງ ແລະ ທ່ານ ນາງ ສີລິພອນ ສຸພັນທອງ ເປັນຮອງເຈົ້າແຂວງ - Laoedaily

ສະພາປະຊາຊົນແຂວງຫຼວງພະບາງ ຮັບຮອງເອົາ ທ່ານ ຄຳຂັນ ຈັນທະວີສຸກ ເປັນເຈົ້າແຂວງ, ທ່ານ ບຸນເລື່ອມ ມະນີວົງ ແລະ ທ່ານ ນາງ ສີລິພອນ ສຸພັນທອງ ເປັນຮອງເຈົ້າແຂວງ

ກອງປະຊຸມທ້າຍສະໄໝ ສະພາປະຊາຊົນ ແຂວງຫວງພະບາງ ຊຸດທີ 1 ໄດ້ໄຂຂຶ້ນວັນທີ 16 ທັນວາ 2020 ໂດຍການເປັນປະທານຂອງ ທ່ານ ສາຍສະໝອນ ຄົມທະວົງ ປະທານສະພາປະຊາຊົນແຂວງ, ກອງປະຊຸມໄດ້ຮັບກຽດຕ້ອນຮັບການເຂົ້າຮ່ວມຂອງ ທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ, ທ່ານ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ, ມີສະມາຊິກສະພາປະຈຳເຂດເລືອກຕັ້ງທີ 6, ຄະນະປະຈຳພັກແຂວງ, ກຳມະການພັກແຂວງ, ສະມາຊິກສະພາປະຊາຊົນແຂວງ, ຄະນະປະຈຳສະພາປະຊາຊົນແຂວງ, ຫົວຫນ້າ-ຮອງພະແນກການ, ອົງການຈັດຕັ້ງມະຫາຊົນຂອງແຂວງເຂົ້າຮ່ວມ.


ກອງປະຊຸມຄັ້ງນີ້ ບັນດາສະມາຊິກສະພາປະຊາຊົນແຂວງ ໄດ້ເປັນເອກະພາບຮັບຮອງເອົາການຈັດວາງບຸກຄະລາກອນເຂົ້າຮັບຕຳແໜ່ງເປັນຫົວໜ້າພະແນກ ແລະຫ້ອງການທຽບເທົ່າ ໃນກົງຈັກການຈັດຕັ້ງຂອງແຂວງ ຕາມການສະເໜີຂອງທ່ານເຈົ້າແຂວງ ເພື່ອສືບຕໍ່ຊີ້ນຳ-ນຳພາ ແລະ ພັດທະນາແຂວງຫຼວງພະບາງໃນ 5 ປີຕໍ່ໜ້າປະກອບມີ ຄື:
1. ຮັບຮອງເອົາ ທ່ານ ຄຳຂັນ ຈັນທະວີສຸກ ເປັນເຈົ້າແຂວງຫຼວງພະບາງ.
2. ທ່ານ ບຸນເລື່ອມ ມະນີວົງ ເປັນຮອງເຈົ້າແຂວງ.
3. ທ່ານ ນາງ ສີລິພອນ ສຸພັນທອງ ເປັນຮອງເຈົ້າແຂວງ.
4. ທ່ານ ຄຳຫ້າ ລຽນປະດິດ ເປັນປະທານກວດກາລັດແຂວງ.
5. ທ່ານ ພົນຈັດຕະວາ ສົມຈັນ ແກ້ວຈັນດາ ເປັນຫົວກອງບັນຊາການປ້ອງກັນຄວາມສະຫງົບແຂວງ.
6. ທ່ານ ພັນເອກ ແປ້ນຄຳ ບຸດຈັນແພງ ເປັນຫົວຫນ້າການເມືອງກອງບັນຊາການທະຫານແຂວງ.
7. ທ່ານ ສົມພອນ ສີອຸດົມພັນ ເປັນຫົວໜ້າພະແນກພາຍໃນແຂວງ.
8. ທ່ານ ສຸລິສັກ ພົມມາລີ ເປັນຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ.
9. ທ່ານ ມີໄຊ ໄຊເກີຢາຈົ່ງຕົ່ວ ເປັນຫົວຫນ້າພະແນກຍຸຕິທຳແຂວງ.
10. ທ່ານ ບຸນສົມ ຄຸນມະນີ ເປັນຫົວຫນ້າພະແນກອຸດສາຫະກຳ ແລະ ການຄ້າແຂວງ.
11. ທ່ານ ສີວອນ ວົງຄໍາຈັນ ເປັນຫົວໜ້າພະແນກກະສິກໍາ ແລະ ປ່າໄມ້ແຂວງ.


12. ທ່ານ ຈິນດາວົງ ໂພສີຄໍາ ເປັນຫົວໜ້າພະແນກແຜນການ ແລະ ການລົງທຶນແຂວງ.
13. ທ່ານ ສໍານານ ສົນທະນີ ເປັນຫົວໜ້າຫ້ອງວ່າການປົກຄອງແຂວງ.
14. ທ່ານ ຄໍາສອນ ພົງສະຫວັດດີ ເປັນຫົວໜ້າພະແນກສາທາລະນະສຸກແຂວງ.
15. ທ່ານ ຄິນຄໍາ ເລັ່ງສະຫວັດ ເປັນຫົວໜ້າພະແນກການເງິນແຂວງ.
16. ທ່ານ ບຼົ່ງວ່າງ ຫວ່າງເຈ່ຍຊ່າ ເປັນຫົວໜ້າພະແນກໂຍທາທິການ ແລະ ຂົນສົ່ງແຂວງ.
17. ທ່ານ ປອ ນາງ ສຸດາພອນ ຄົມທະວົງ ເປັນຫົວໜ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງ.
18. ທ່ານ ປອ ວົງເພັດ ອຸດົມລິດ ເປັນຫົວໜ້າພະແນກສຶກສາທິການ ແລະ ກິລາແຂວງ.
19. ທ່ານ ຈັນທະວົງ ຜົນນະຈິດ ເປັນຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ.
20. ທ່ານ ລັດຕະນະໄຊ ຄໍາສີດາ ເປັນຫົວໜ້າພະແນກການຕ່າງປະເທດແຂວງ.
21. ທ່ານ ສົມໃຈ ວັນນະສີ ເປັນຫົວໜ້າພະແນກພະລັງງານ ແລະ ບໍ່ແຮ່ແຂວງ.

  1. ທ່ານ ພູມີ ອໍເພັດສານ ເປັນຫົວໜ້າພະແນກໄປສະນີໂທລະຄົມມະນາຄົມ ແລະການສື່ສານແຂວງ.
  2. ທ່ານ ສະເຫວີຍ ສີລາວົງ ເປັນຫົວໜ້າຫ້ອງການມໍລະດົກໂລກປະຈໍາແຂວງ
  3. ທ່ານ ເພັງ ຄໍາມະວົງ ເປັນຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ.
    ກອງປະຊຸມທ້າຍສະໄໝ ສະພາປະຊາຊົນ ແຂວງຫວງພະບາງ ຊຸດທີ 1 ຄັ້ງນີ້ ຈະດຳເນີນໄປເປັນເວລາ 4 ວັນຈຶ່ງຈະອັດລົງ.
    ຂ່າວ: ເພັດສາຄອນ ສິມມະວົງ
ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ