ຂ່າວດີ!ກຸງສີບໍລິການເຊົ່າສິນເຊື່ອຈໍາກັດ ຮ່ວມກັບບໍລິສັດນິວຈິບເຊັງ ຈັດໂຄງການປ່ຽນຫຼອດໄຟໜ້າ -ທ້າຍ ຮອນດາຟຣີເລີ່ມ 15-25 ທັນວານີ້ - Laoedaily

ຂ່າວດີ!ກຸງສີບໍລິການເຊົ່າສິນເຊື່ອຈໍາກັດ ຮ່ວມກັບບໍລິສັດນິວຈິບເຊັງ ຈັດໂຄງການປ່ຽນຫຼອດໄຟໜ້າ -ທ້າຍ ຮອນດາຟຣີເລີ່ມ 15-25 ທັນວານີ້

ບໍລິສັດກຸງສີບໍລິການເຊົ່າສິນເຊື່ອຈໍາກັດ ຮ່ວມກັບບໍລິສັດນິວຈິບເຊັງ ໄດ້ຈັດໂຄງການປ່ຽນຫຼອດໄຟທ້າຍ – ໜ້າ ລົດຮອນດາ ຟຣີ 300ຄັນ ເລີ່ມ 15 -25 ທັນວາ 2020 ທີ່ສູນບໍລິການລົດຮອນດາ ວັດໄຕ ເມືອງສີໂຄດຕະບອງນະຄອນຫຼວງວຽງຈັນ.

ພິທີເປີດໂຄງການດັ່ງກ່າວມີຂຶ້ນວັນທີ 15 ທັນວາ 2020 ທີ່ບໍລິສັດ ນິວຈິບເຊັງ ໂດຍການເຂົ້າຮ່ວມຂອງທ່ານ ສົມມິດ ຊ່ວຍນຸສົນ ອໍານວຍການຝ່າຍຂາຍ ສິນເຊື່ອຍານພາຫະນະ ບໍລິສັດ ກຸງສີບໍລິການເຊົ່າສິນເຊື່ອຈໍາກັດ, ທ່ານ ທຽນໄຊ ບູລະນະໂກສົນ ຜູ້ຈັດການຝ່າຍຂາຍບໍລິສັດນິວຈິບເຊັງ ມີພະນັກງານ ແລະ ສື່ມວນຊົນເຂົ້າຮ່ວມ.


ທ່ານ ສົມມິດ ຊ່ວຍນຸສົນ ກ່າວວ່າ: ຂ້າພະເຈົ້າຮູ້ສຶກດີໃຈຫຼາຍທີ່ໄດ້ຈັດໂຄງການເພື່ອສັງຄົມ ໂດຍການສົ່ງເສີມຄວາມປອດໄພໃນການຂັບຂີ່ ເພື່ອຫຼຸດຜ່ອນອຸບັດເຫດ ທາງທ້ອງຖະນົນ ເນື່ອງຈາກປີຜ່ານມາ ມີອຸບັດເຫດເກີດ 6.616ລາຍ ພາຫະນະເປ່ເພ 11.642ຄັນ, ຄົນໄດ້ຮັບບາດເຈັບຈໍານວນ 10.644 ຄົນ ແລະ ເສຍຊີວິດ 1.134ຄົນ.


ສ່ວນປີ 2020ນັບແຕ່ເດືອນມັງກອນຫາເດືອນ ກັນຍາ ມີອຸບັດເຫດເກີດຂຶ້ນ 4.795ລາຍ, ພາຫະນະເປເພ 8.504ຄັນ, ຄົນໄດ້ຮັບບາດເຈັບ 6.954ຄົນ ແລະ ເສຍຊີວິດ 745ຄົນ ສາຍເຫດສ່ວນຫຼາຍເມົາແລ້ວຂັບ, ຂັບດ້ວຍຄວາມໄວເກີນ ຫຼື ໄຟໜ້າ ແລະ ໄຟທ້າຍລົດເພ.
ທ່ານກ່າວວ່າ: ດັ່ງນັ້ນ ກຸງສີເຊົ່າສິນເຊື່ອ ຈຶ່ງເຫັນຄວາມສໍາຄັນໃນການປ້ອງກັນອຸບັດເຫດ ຈຶ່ງໄດ້ຮ່ວມກັບ ກຸ່ມນິວຈີບເຊັງ ຈັດໂຄງການດັ່ງກ່າວຂຶ້ນ ກໍານົດ 10ວັນ ເລີ່ມແຕ່ວັນທີ 15 – 25 ທັນວາ 2020 ເລີ່ມແຕ່ເວລາ 9:00 – 16:00ໂມງ ກໍານົດ 300ຄັນ ເຊິ່ງລົດທີ່ສາມາດເຂົ້າມາປ່ຽນໄດ້ມີ ລົດ ຮ້ອນດາເວບ 100 ແລະ ຮ້ອນດາ ເວບ 110.


ທ່ານ ທຽນໄຊ ບູລະນະໂກສົນ ກ່າວວ່າ: ໂຄງການດັ່ງກ່າວເປັນຄັ້ງທໍາອິດທີ່ຮ່ວມກັບກຸງສີ ເຊິ່ງເພື່ອຮັບປະກັນລົດຈັກໃນທ້ອງຖະໜົນຂອງຮ້ອນດາຢ່າງໜ້ອຍ 80% ເພື່ອໃຫ້ມີຄວາມເອົາໃຈໃສ່ໃນການບໍາລຸງຮັກສາອຸປະກອນສໍາຄັນ ເພື່ອໃຫ້ພ້ອມໃຊ້ງານຢູ່ສະເໝີ, ພ້ອມດຽວກັນກໍຮຽກຮ້ອງໃຫ້ຜູ້ໃຊ້ລົດໃຊ້ຖະໜົນໃຫ້ມີຈິດສໍານຶກ ຄວາມມີນໍາໃຈໃນການຂັບຂີ່ໃຫ້ຫຼາຍຂຶ້ນເຊື່ອວ່າຈະເຮັດໃຫ້ທ້ອງຖະໜົນໃນປະເທດມີຄວາມປອດໄພສູງຂຶ້ນ.


ທ່ານ ນາງ ຄໍາຮູ້ ຕົ້ນສະຫວັນ ປະຊາຊົນ ບ້ານໂພນຕ້ອງ ທີ່ເຂົ້າມາໃຊ້ບໍລິການເປັນຄົນທໍາອິດໃນໂຄງການນີ້ກ່າວວ່າ ຕົນເອງມີຄວາມຮູ້ສຶກດີໃຈຫຼາຍ ທີ່ໄດ້ຮູ້ຂໍ້ມູນ ແລະ ຮັບສິດໃນການປ່ຽນດອກໄຟ ສະນັ້ນຂໍຮຽກຮ້ອງຜູ້ທີ່ລະບົບໄຟລົດບໍ່ຮຸ່ງ ໃຫ້ເຂົ້າມາໃຊ້ບໍລິການ ພ້ອມສະເໜີໃຫ້ໂຄງການດັ່ງກ່າວສືບຕໍ່ຂະຫຍາຍໄປສູ່ການປ່ຽນລະບົບຄວາມປອດໄພອື່ນໆເປັນຕົ້ນແມ່ນເບຣກ, ໄຟສັນຍານ…

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ