ຜົນວິໄຈຊີ້ ພິດໂຄວິດອາດເຮັດໃຫ້ເດັກກວ່າແສນຄົນເສຍຊີວິດຍ້ອນຄວາມອຶດຫິວ - Laoedaily

ຜົນວິໄຈຊີ້ ພິດໂຄວິດອາດເຮັດໃຫ້ເດັກກວ່າແສນຄົນເສຍຊີວິດຍ້ອນຄວາມອຶດຫິວ

ສຳນັກຂ່າວຕ່າງປະເທດລາຍງານວ່າ: ການລະບາດຂອງພະຍາດໂຄວິດ – 19 ໄດ້ສົ່ງຜົນກະທົບຕໍ່ລະບົບເສດຖະກິດໂລກຢ່າງຮ້າຍແຮງ, ສົ່ງຜົນໃຫ້ຄວາມພະຍາຍາມໃນການແກ້ໄຂບັນຫາການຂາດສານອາຫານໃນເດັກນ້ອຍຫຼຸດລົງ ແລະ ອາດເຮັດໃຫ້ເດັກນ້ອຍ ປະມານ 168 ແສນຄົນ ເສຍຊີວິດຍ້ອນຄວາມອຶດຫິວກ່ອນທີ່ເສດຖະກິດຈະຟື້ນຕົວໄດ້.

ສະຫະພາບຄວາມຮ່ວມມື ເພື່ອໂພຊະນາການ ເຊິ່ງເປັນການຮວມຕົວຂອງໜ່ວຍງານສຳຄັນລະດັບໂລກ ເຊັ່ນ: ທະນາຄານໂລກ, ອົງການອາຫານໂລກ ແລະ ຢູນີເຊັບ ໄດ້ເຮັດວິໄຈ ໂດຍໄດ້ຮວບຮວມຂໍ້ມູນທາງດ້ານເສດຖະກິດ ແລະ ຂໍ້ມູນດ້ານໂພຊະນາການຕະຫຼອດໃນປີນີ້ ເຊິ່ງຜົນການສຶກສາພົບວ່າເດັກປະມານ 11,9 ລ້ານຄົນ ສ່ວນໃຫຍ່ຢູ່ຂົງເຂດອາຊີໃຕ້ ແລະ ຊັບຊາຮາຣາ ທະວີບອາຟຣິກກາ ຈະຕ້ອງປະເຊີນກັບສະພາວະແຄຣາ      ແກຣນ ( ຄວາມອຶດຫິວ ) ເຮັດໃຫ້ຈ່ອຍຜອມ ແລະ ຕົນໂຕເຫຼືອງ ເຊິ່ງເປັນສະພາບທີ່ຮ້າຍແຮງທີ່ສຸດຂອງການຂາດສານອາຫານ.

ນອກຈາກນີ້, ແມ່ຍິງທີ່ກຳລັງຖືພາ ແລະ ເກີດລູກໃນໄລຍະນີ້ ອາດເຮັດໃຫ້ເດັກປະເຊີນກັບສະພາວະຂາດສານອາຫານຕັ້ງແຕ່ມື້ເກີດ ສົ່ງຜົນໃຫ້ເດັກເຫຼົ່ານີ້ເສຍປຽບຕັ້ງແຕ່ມື້ມືນຕາສູ່ໂລກກໍເປັນໄດ້.

ລາຍງານລະບຸວ່າ: ກ່ອນເກີດການລະບາດຂອງພະຍາດໂຄວິດ – 19 ທົ່ວໂລກມີຈຳນວນເດັກທີ່ຢູ່ໃນສະພາວະທຸບໂພຊະນາການ ( ການໄດ້ຮັບສານອາຫານບໍ່ພຽງພໍ ) ຫຼຸດລົງຈາກ 199,5 ລ້ານຄົນ ໃນປີ 2000 ເຫຼືອ 144 ລ້ານຄົນ ໃນປີ 2019, ໃນຂະນະທີ່ເດັກນ້ອຍຂາດສານອາຫານຈ່ອຍຜອມ ແລະ ໂຕເຫຼືອງຫຼຸດລົງ ຈາກ 54 ລ້ານຄົນ ໃນປີ 2010 ຍັງເຫຼືອປະມານ 47 ລ້ານຄົນໃນປີ 2019.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ