ເປີດໂຕຮ້ານໂມມິຊຸເຮົ້າ ແຟນຊາຍຮ້ານເຄື່ອງດື່ມຍອດນິຍົມຈາກປະເທດໄທ - Laoedaily

ເປີດໂຕຮ້ານໂມມິຊຸເຮົ້າ ແຟນຊາຍຮ້ານເຄື່ອງດື່ມຍອດນິຍົມຈາກປະເທດໄທ

ໃນວັນທີ 12 ທັນວາ 2020 ທີ່ສູນການຄ້າພາກຊັນ ( Parksan Shopping mall ) ນະຄອນຫຼວງວຽງຈັນ ໄດ້ມີພິທີເປີດໂຕຮ້ານໂມມິຊຸເຮົ້າ ຂຶ້ນທີ່ສູນການຄ້າພາກຊັນ ໂດຍການເຂົ້າຮ່ວມຂອງ ທ່ານ ກິແກ້ວ ຈັນທະບູລີ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ສັນຕິສຸກ ສິມມາລາວົງ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນໂອກາດດັ່ງກ່າວ, ທ່ານ ນາງ ເພັດໄພລິນ ຈັນທະບູລີ ເຈົ້າຂອງຮ້ານໂມມິຊຸເຮົ້າ ກ່າວວ່າ: ຂ້າພະເຈົ້າຮູ້ສຶກພາກພູມໃຈເປັນຢ່າງຍິ່ງທີ່ໄດ້ມີໂອກາດຮ່ວມເຮັດທຸລະກິດກັບຜະລິດຕະພັນຍີ່ຫໍ້ໂມມິຊຸເຮົ້າ ( Momizu House ) ເຊິ່ງເປັນເຄື່ອງດື່ມຍອດນິຍົມຢູ່ປະເທດໄທ ໃນປັດຈຸບັນ ແລະ ໄດ້ມາເປີດສາຂາແຫ່ງທໍາອິດຢູ່ ສປປ ລາວ.

ในภาพอาจจะมี 1 คน, เครื่องดื่ม และสถานที่ในร่ม

ໂມມິຊຸເຮົ້າ ໄດ້ເລີ່ມທຸລະກິດຮ້ານຈຳໜ່າຍເຄື່ອງດື່ມຊານົມຊີສ ແລະ ເບເກີຣີ ບໍ່ເທົ່າໃດປີ, ແຕ່ດ້ວຍລົດຊາດຍອດນິຍົມໃນກຸ່ມຄົນທຸກຮຸ່ນ ເຮັດໃຫ້ຜະລິດຕະພັນ ໂມມິຊຸເຮົ້າ ໄດ້ຮັບການຕອບຮັບຢ່າງກວ້າງຂວາງ. ດ້ວຍເຫດນັ້ນ, ແຟນຊາຍໂມມິຊຸເຮົ້າ ຈຶ່ງໄດ້ຂະຫຍາຍສາຂາຂອງຕົນຢ່າງວ່ອງໄວ ພຽງແຕ່ປີດຽວທີ່ເລີ່ມກິດຈະການກໍມີເຖິງ 16 ສາຂາ.  ສະເພາະ 3 ເດືອນທ້າຍປີນີ້ ກໍຂະຫຍາຍໄດ້ເຖິງ 31 ສາຂາໃນທົ່ວປະເທດໄທ ແລະ ໃນມື້ນີ້ພວກເຮົາມີຄວາມພາກພູມໃຈທີ່ໄດ້ເປີດສາຂາແຫ່ງທຳອິດໃນ ສປປ ລາວ ທີ່ສູນການຄ້າພາກຊັນແຫ່ງນີ້.

ในภาพอาจจะมี 11 คน, ผู้คนกำลังยืน

ທ່ານ ນາງ ເພັດໄພລິນ ຈັນທະບູລີ ໃຫ້ຮູ້ຕື່ມອີກວ່າ: ໂມມິຊຸເຮົ້າ ເປັນຜະລິດຕະພັນເຄື່ອງດື່ມທີ່ນຳໃຊ້ສ່ວນປະກອບ ແລະ ວັດຖຸດິບຊັ້ນດີທີ່ມີຄຸນນະພາບ ແລະ ນໍາເຂົ້າຈາກຕ່າງປະເທດ ດ້ວຍແນວຄວາມຄິດ ແລະ ນະວັດຕະກໍາໃໝ່ທີ່ສ້າງສັນ, ສູດການຜະລິດທີ່ຖືກຄົ້ນຄິດຢ່າງພິຖີພິຖັນ ດ້ວຍຊ່ຽວຊານມືອາຊີບໄດ້ຮັບການພັດທະນາຈົນກາຍເປັນເອກະລັກສະເພາະຕົວທີ່ໃຜໆກໍຍອມຮັບ ແລະ ເປັນຜະລິດຕະພັນລະດັບຄຸນນະພາບສູງທີ່ນຳສະເໜີໃນລາຄາທີ່ຈັບຕ້ອງໄດ້ ເລີ່ມຕົ້ນພຽງແຕ່ 13 ພັນກີບຕໍ່ຈອກ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ