ວິນລີ້ ທາລາເທບ ນັກຮ້ອງ, ນັກທຸລະກິດ ຜູ້ມີທັດສະນະຄະຕິທີ່ດີ ຍິງຫຼາຍຄົນໝາຍປອງ - Laoedaily

ວິນລີ້ ທາລາເທບ ນັກຮ້ອງ, ນັກທຸລະກິດ ຜູ້ມີທັດສະນະຄະຕິທີ່ດີ ຍິງຫຼາຍຄົນໝາຍປອງ

ໜຶ່ງໃນສິລະປິນລາວ ທີ່ໄປອອກລາຍການທີ່ມີຊື່ສຽງຂອງໄທ ຄືລາຍການ ( ຮູ້ບໍ່ໃຜໂສດ ) ອອກອາກາດທາງຊ່ອງ One 31 ໃນວັນທີ 13 ທັນວາ 2020 ຄືໜຸ່ມ ວິນລີ້ ທາລາເທບ ວິໄລວັນ ຫຼາຍຄົນຄົງໄດ້ຊົມ ແລະ ຮູ້ຈັກໜຸ່ມຄົນນີ້ ແລະ ເຮົາມາຮູ້ຈັກໜຸ່ມຄົນນີ້ຫຼາຍຂຶ້ນ ບອກເລີຍຍິງຫຼາຍຄົນມັກຜູ້ຊາຍທີ່ມີອຸດົມຄະຕິແບບນີ້ແນ່ນອນ.

ວິນລີ້ ທາລາເທບ ວິໄລວັນ ເປັນນັກສະແດງ, ຊາຍແບບ, ພຣີເຊັນເຕີ, ພິທີກອນ, ນັກຮ້ອງ ແລະ ເຈົ້າຂອງທຸລະກິດ ເປັນລູກຊອດ ລາວ – ຫວຽດນາມ. ຫຼ້າສຸດ ໜຸ່ມວິນລີ້ ໄດ້ໄປອອກລາຍການຂອງໄທທາງຊ່ອງ One 31 ເປັນລາຍການຊອກຫາຄູ່ ເພື່ອອອກໄປເດດກັນ ແລະ ລອງສຶກສາເບິ່ງໃຈກັນ ໂດຍຝ່າຍຍິງຈະເປັນຄົນເລືອກຊາຍ 1 ໃນ 5 ຄົນ.

ດ້ວຍຄວາມມີສະເໜ່ ໜຸ່ມວິນລີ້ ຜູ້ມີທັດສະນະຄະຕິທີ່ເປັນຜູ້ໃຫຍ່, ໝັ້ນຄົງ ເວົ້າຈາເຊື່ອຖືໄດ້ ຜູ້ຊົມໃນລາຍການໄດ້ເຊຍຢ່າງສຸດໃຈ ແລະ ວິນລີ້ເອງກໍກາຍເປັນໜຸ່ມທີ່ຖືກເລືອກ ແຕ່ແລ້ວກໍຕ້ອງຜິດຫວັງໄປຕາມໆກັນ ເພາະວິນລີ່ນັ້ນ ” ມີເຈົ້າຂອງແລ້ວ ” ຄົນບັນເທີງຮູ້ດີວ່າຫວານໃຈຂອງໜຸ່ມ ວິນລີ້ ແມ່ນ ສາວຄຣິດຕີ່ນ້າ ລາຊະສີມາ ນາງສາວລາວ 2012 ຄົບກັນມາໄດ້ 2 ປີແລ້ວລະຍັງບອກຮັກແຟນສາວກາງອາກາດຜ່ານຈໍໂທລະພາບ ຫວານສຸດໆ.

ທາງດ້ານວົງການບັນເທີງ ໜຸ່ມວິນລີ້ ມີເພງເປັນຂອງຕົວເອງທີ່ໂດ່ງດັງ ຍັງຄຸ້ນຫູຕິດປາກກັນຢູ່ ຄືເພງ “ ຢາກກັບໄປວັນນັ້ນ ” ສະແດງເອັມວີເພງໄທ ຢ່າງເພງ “Leave Me” ຂອງສາວ ໂອບຂວັນ ແລະ ຍັງມີຫຼາຍໆຜົນງານໃຫ້ໄດ້ຕິດຕາມກັນເປັນໜຸ່ມຄົນໜຶ່ງທີ່ເກັ່ງ ແລະ ຫຼາກຫຼາຍ ຄວາມສາມາດທັງໃນວົງການບັນເທີງ, ທຸລະກິດ.

ແນວໃດກໍຝາກຕິດຕາມຜົນງານຕ່າງໆ, ການເຄື່ອນໄຫວຂອງ ໜຸ່ມວິນລີ້ ທາລາເທບ ຄົນນີ້ໄດ້ທາງ Facebook Talathep Willy Vilayvanh ( Willy talathep ).

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ