ມຽນມາ ຕັ້ງເປົ້າສົ່ງອອກເຂົ້າ 2 ລ້ານໂຕນ - Laoedaily

ມຽນມາ ຕັ້ງເປົ້າສົ່ງອອກເຂົ້າ 2 ລ້ານໂຕນ

ສຳນັກຂ່າວຊິນຮວາ ລາຍງານວ່າກະຊວງການຄ້າຂອງມຽນມາ ເປີດເຜີຍວ່າ: ລັດຖະບານມຽນມາ ໄດ້ຕັ້ງເປົ້າສົ່ງອອກເຂົ້າ ແລະ ເຂົ້າເມັດຫັກໃຫ້ໄດ້ 2 ລ້ານໂຕນ ໃນສົກປີງົບປະມານ 2020 – 2021 ( ເລີ່ມແຕ່ເດືອນຕຸລາ 2020 – 31 ກັນຍາ 2021 ).

ການສົ່ງອອກເຂົ້າຂອງມຽນມາ ຂຶ້ນກັບຄວາມຕ້ອງການຂອງຕະຫຼາດພາຍໃນ ແລະ ຕະຫຼາດຕ່າງປະເທດ ໂດຍສົກງົບປະມານປີຜ່ານມາ ມຽນມາ ສາມາດສົ່ງອອກເຂົ້າໄດ້ກວ່າ 2 ລ້ານໂຕນ.

ສະມາຄົມເຂົ້າຂອງມຽນມາ ( MRF ) ເປີດເຜີຍວ່າ: ໃນສົກປີງົບປະມານ 2019 – 2020 ມຽນມາ ສາມາດສົ່ງອອກເຂົ້າໄດ້ 2,5 ລ້ານໂຕນ, ໃນຂະນະທີ່ເດືອນພະຈິກສົກປີນີ້ ( 2020 – 2021 ) ມຽນມາ ສາມາດສົ່ງອອກເຂົ້າໄດ້ 232.841 ໂຕນ ແລະ ເຂົ້າເມັດຫັກໄດ້ 117.418 ໂຕນ, ສ້າງລາຍຮັບໄດ້ 131 ລ້ານໂດລາສະຫະລັດ ໂດຍສົ່ງອອກທາງຊາຍແດນ ກວມເອົາ 41,17% ທີ່ເຫຼືອແມ່ນສົ່ງອອກທາງທະເລ ຫຼື ໃຊ້ເຮືອບັນທຸກສົ່ງອອກທາງທະເລ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ