ລົດໃໝ່ໃນງານມໍເຕີເອັກໂປ 2020 ປະເທດໄທ ມີລຸ້ນໃດແດ່? - Laoedaily

ລົດໃໝ່ໃນງານມໍເຕີເອັກໂປ 2020 ປະເທດໄທ ມີລຸ້ນໃດແດ່?

ຄໍລໍາລົດມື້ນີ້ໄດ້ຮວບຮວມບັນດາລົດໃໝ່ທີ່ເປີດໂຕໃນງານ Motor Expo 2020 ທີ່ປະເທດໄທ ມາໃຫ້ບັນດາທ່ານໄດ້ຮັບຮູ້ຂໍ້ມູນວ່າອາດຈະເປັນລົດໃນຝັນທີ່ທ່ານຕັ້ງໃຈໄວ້ກໍເປັນໄດ້ ເພາະວ່າຖ້າເປີດໂຕໃນປະເທດໄທ ບໍ່ແນ່ບາງລຸ້ນຕົວແທນນໍາເຂົ້າ ແລະ ຈໍາໜ່າຍໃນປະເທດລາວກໍມີແຜນນໍາເຂົ້າເຊັ່ນກັນ ໂດຍສະເພາະໃນຕົ້ນປີໜ້າ:

ລົດໃໝ່ທີ່ເປີດໂຕໃນງານ Motor Expo 2020:

1.Honda City e:HEV ເປັນລົດ city car ເຄື່ອງຈັກ DOHC 4 ສູບ 16 ວາວ i-VTEC ຂະໜາດ 1.500 ຊີຊີ ເຮັດວຽກຮ່ວມກັບມໍເຕີໄຟຟ້າໃຫ້ກໍາລັງສູງສຸດ 109 ແຮງມ້າທີ 3.500 – 8.000 ຕໍ່ຮອບຕໍ່ນາທີ ແຮງບິດສູງສຸດ 253 ນິວຕັນແມັດ ລະບົບເກຍເປັນແບບ E-CVT ລະບົບຄວາມປອດໄພ Honda SENSING.

2.Honda City Hatchback ອີກໜຶ່ງໂມເດວໃນຊີລີ Honda City ໄດ້ເປັນລົດ ແຮັກແບັກ 5 ປະຕູ ສະເປັກເຄື່ອງຈັກ ແລະ ອັອບຊັນຄືກັນກັບລຸ້ນ ຊີດານ ການອອກແບບພາຍນອກດ້ານໜ້າກໍເປັນແບບດຽວກັນແຕກຕ່າງກັນຢູ່ສ່ວນທ້າຍ ເຊິ່ງໂດຍລວມແລ້ວໂຕລົດສັ້ນກວ່າ.

3.Nissan Note 2020 ລົດ eco car ທີ່ມາພ້ອມສີໃໝ່ Monarch Orange ປັບການອອກແບບຫຼາຍຈຸດໃຫ້ເບິ່ງຄືວ່າສະປອດຫຼາຍຂຶ້ນ ພາຍນອກ – ພາຍໃນ ເຊັ່ນ: ລໍ້ອັນລອຍສີດໍາລາຍໃໝ່ ແວ່ນເບິ່ງຂ້າງສີດໍາ ປັບ ແລະ ພັບອັດຕະໂນມັດດ້ວຍໄຟຟ້າ ຟັງຊັນການໃຊ້ງານຍັງຫຼູຫຼາ, ປະຕູຫຼັງເປີດໄດ້ 3 ລະດັບ ກວ້າງສຸດ 85 ອົງສາ ເບາະນັ່ງດ້ານຫຼັງແບບແຍກພັບໄດ້ 60:40.

4.Nissan Navara 2021 ທີ່ເປີດໂຕໃນເດືອນພະຈິກ 2020 ມາພ້ອມເຕັກໂນໂລຊີ Nissan Intelligent Mobility ເສີມຄວາມປອດໄພແບບ 360 ອົງສາ ເຄື່ອງຈັກກາຊວນ 2,3 ລິດ ພ້ອມເທີໂບຄູ່ໃຫ້ກໍາລັງສູງສຸດ 190 ແຮງມ້າ ເກຍອັດຕະໂນມັດ 7 ສະປິດ ພ້ອມກັບລຸ້ນພິເສດ Nissan Navara PRO-4X ທີ່ເພີ່ມການຕົກແຕ່ງ ແລະ ມີສີໂຕຖັງແບບ Stealth Gray.

5.All-New Isuzu MU-X 2021 ລົດນັ່ງ PPV ຂະໜາດ 7 ບ່ອນນັ່ງ ເຄື່ອງຈັກມີ 2 ຕົວເລືອກ ຄື: ເຄື່ອງຈັກກາຊວນ 3,0 Ddi Blue Power ກໍາລັງສູງສຸດ 190 ແຮງມ້າ ແລະ ເຄື່ອງຈັກກາຊວນ 1,9 Ddi Blue Power Gen 2 ກໍາລັງສູງສຸດ 150 ແຮງມ້າ ພ້ອມກັບລະບົບຄວາມປອດໄພ Isuzu Matrix Safety Intelligence.

Image may contain: car

6.Mitsubishi Outlander PHEV ລົດ SUV plug-in hybrid ເຕັກໂນໂລຊີລະບົບຂັບເຄື່ອນແບບ 4 ລໍ້ ຈາກຕົ້ນແບບພະລັງງານໄຟຟ້າຄື Mitsubishi iMiEV ເຄື່ອງຈັກ 2,4 ລິດ ເຮັດວຽກຮ່ວມກັບມໍເຕີໄຟຟ້າ ຄູ່ 305 ແຮງມ້າສາກໄຟຄົວເຮືອນແລ່ນໄດ້ໄກດ້ວຍພະລັງງານໄຟຟ້າ ເຖິງ 55 ກິໂລແມັດ.

7.New MG EP ລົດ station wagon ທີ່ຂັບເຄື່ອນດ້ວຍພະລັງງານໄຟຟ້າ 100% ໃຊ້ມໍເຕີໄຟຟ້າທີ່ມີກໍາລັງສູງສຸດ 163 ແຮງມ້າ ມີອັດຕາເລັ່ງ 0 – 100 ກິໂລແມັດ ພາຍໃນ 8,8 ວິນາທີ ພ້ອມໂໝດການຂັບຂີ່ໃຫ້ເລືອກ 3 ຮູບແບບ ຄື: Eco, Normal ແລະ Sport ມີລະບົບສາກໄຟກັບເມື່ອລົດຫຼຸດຄວາມໄວ ຫຼື KERS Mode ລວມ 3 ລະດັບ ເດີນທາງໄດ້ໄກເຖິງ 380 ກິໂລແມັດ ຕໍ່ການສາກເຕັມ 1 ຄັ້ງ.

8.Ford Ranger Wildtrak ລົດລຸ້ນຕົກແຕ່ງພິເສດ ພ້ອມອຸປະກອນເສີມໃໝ່ ເປັນຕົ້ນແມ່ນຝາປິດກະບະທ້າຍຄວບຄຸມດ້ວຍໄຟຟ້າ Power Roller Shutter ກະຈ່າງໜ້າຊຸດແຕ່ງຮອບຄັນແບບ Wildtrak ເຄື່ອງຈັກກາຊວນຂະໜາດ 2,0 ລິດ ໃຫ້ກໍາລັງສູງສຸດ 213 ແຮງມ້າ ທີ່ 3.750 ຮອບຕໍ່ນາທີ.

9.Mercedes-Benz GLA 200 AMG Dynamic ລົດຍົນ compact SUV ເຊິ່ງເປີດໂຕເປັນລຸ້ນທີ 2 ມີການປັບການອອກແບບໂຄງສ້າງໃໝ່ເນັ້ນຫ້ອງໂດຍສານກວ້າງຂຶ້ນ ອັບເກດພີເຈີ ແລະ ອັອບຊັນລໍ້າ ເຊັ່ນ: ລະບົບ Navigation ສະແດງຜົນແບບ 3 ມິຕິ ລາຍງານສະພາບເສັ້ນທາງ ແລະ ສະຖານະການຂອງຮ້ານຄ້າຕ່າງໆ; ເຄື່ອງຈັກຂະໜາດ 1.332 ຊີຊີ ກໍາລັງສູງສຸດ 163 ແຮງມ້າ ອັດຕາສິ້ນເປືອງນໍ້າມັນສູງສຸດສະເລ່ຍ 5,7 – 6,0 ລິດຕໍ່ 100 ກິໂລແມັດ.

Image may contain: people sitting and car

10.Mercedes-Benz A-Class ລົດຍົນ compact sedan ຖືກອອກແບບຕາມປັດສະຍາ Sensual Purity ທີ່ເນັ້ນຄວາມລຽບງ່າຍ ຊ່ອງວ່າງໃຫ້ມີໜ້ອຍທີ່ສຸດ. ນອກຈາກນີ້, ຍັງເນັ້ນເລື່ອງຄວາມສະບາຍ ແລະ ປະໂຫຍດການໃຊ້ສອຍ ພາຍໃນຫ້ອງໂດຍສານ ເຄື່ອງຈັກຂະໜາດ 1.332 ຊີຊີ ໃຫ້ກໍາລັງສູງສຸດ 163 ແຮງມ້າ ອັດຕາສິ້ນເປືອງນໍ້າມັນຕໍ່າສຸດ 5,2 ລິດຕໍ່ 100 ກິໂລແມັດ.

11.BMW 430i Coupe M Sport ລົດຍົນຄູເປີ້ 2 ປະຕູ ມາພ້ອມກັບການອອກແບບຫຼູຫຼາ ເຕັກໂນໂລຊີລໍ້າຍຸກຕາມແບບສະບັບ ເຄື່ອງຈັກແອັດຊັງ 4 ສູບ TwinPower Turbo 2.0 ລິດໃຫ້ກໍາລັງສູງສຸດ 258 ແຮງມ້າທີ່ 5.000 – 6.000 ຮອບຕໍ່ນາທີ ສ້າງຄວາມໄວໄດ້ສູງ 250 ກິໂລແມັດຕໍ່ຊົ່ວໂມງ ອັດຕາເລັ່ງຈາກ 0 – 100 ໃຊ້ເວລາ 5,8 ວິນາທີ.

Image may contain: 1 person, car

12.Kia Carnival ລົດ minivan ສໍາລັບ 11 ທີ່ນັ່ງປະຕູສະໄລ້ພ້ອມໄຟຟ້າສ່ອງສະຫວ່າງທັງສອງດ້ານ, ປະຕູທ້າຍປິດອັດຕະໂນມັດ, ເຄື່ອງຈັກ Smartstream Diesel 2.2 ໃຫ້ກໍາລັງສູງເຖິງ 202 ແຮງມ້າທໍາງານຮວມລະບົບເກຍອັດຕະໂນມັດ 8 ຈັງຫວະ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ