ຍົກລະດັບວຽກງານຄຸ້ມຄອງຊັບສິນຂອງລັດ ໃຫ້ແກ່ພະນັກງານຂະແໜງຊັບສິນຂອງລັດທົ່ວປະເທດ - Laoedaily

ຍົກລະດັບວຽກງານຄຸ້ມຄອງຊັບສິນຂອງລັດ ໃຫ້ແກ່ພະນັກງານຂະແໜງຊັບສິນຂອງລັດທົ່ວປະເທດ

ເມື່ອອາທິດຜ່ານມາ ທີ່ສະຖາບັນເສດຖະກິດ – ການເງິນ ນະຄອນຫຼວງວຽງຈັນ ໄດ້ເປີດຊຸດຝຶກອົບຮົມວຽກງານຄຸ້ມຄອງຊັບສິນຂອງລັດ ໃຫ້ພະນັກງານຂະແໜງຄຸ້ມຄອງຊັບສິນຂອງລັດທົ່ວປະເທດ ປະຈຳປີ 2020 ຂຶ້ນໂດຍການເປັນປະທານຂອງ ທ່ານ ພູດົງ ສຸຂະວົງ ຮັກສາການຫົວໜ້າກົມຄຸ້ມຄອງຊັບສິນຂອງລັດ ກະຊວງການເງິນ; ມີ ທ່ານ ອຸໄທ ອິນທິລາດ ຮອງຫົວໜ້າກົມຈັດຕັ້ງ ແລະ ພະນັກງານ, ຄະນະກົມຄຸ້ມຄອງຊັບສິນຂອງລັດ, ພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ.

Image may contain: 2 people, people standing

ໃນການຝຶກອົບຮົມຄັ້ງນີ້ ມີພະນັກງານ – ລັດຖະກອນຂະແໜງຊັບສິນຂອງລັດ, ພະນັກງານຊັບສິນຂັ້ນທ້ອງຖິ່ນທົ່ວປະເທດທີ່ຂຶ້ນກັບກະຊວງການເງິນເຂົ້າຮ່ວມທັງໝົດ 105 ທ່ານ, ບັນດາເນື້ອໃນທີ່ນຳມາຝຶກອົບຮົມຄັ້ງນີ້ ປະກອບມີດັ່ງນີ້: ວຽກງານຈົດທະບຽນເອກະສານ, ແນະນຳປຶ້ມຄູ່ມືວຽກງານກວດກາຊັບສິນຂອງລັດ; ວຽກງານເຊົ່າ – ສໍາປະທານຊັບສິນຂອງລັດ, ວຽກງານຂຶ້ນບັນຊີ, ການປະເມີນຊັບສິນຂອງລັດ ( ປະເພດອະສັງຫາລິມະຊັບ ); ວຽກງານຄຸ້ມຄອງສັງຫາລິມະຊັບການຂຶ້ນບັນຊີ, ການປະເມີນຊັບສິນຂອງລັດປະເພດ ( ສັງຫາລິມະຊັບ ).

Image may contain: one or more people and people standing

ພ້ອມທັງໄດ້ສະເໜີກົດໝາຍ, ຄໍາແນະນໍາວຽກງານຈັດຊື້ – ຈັດຈ້າງດ້ວຍທຶນຂອງລັດ; ສະເໜີແນະນຳການຈັດຕັ້ງປະຕິບັດລັດຖະບັນຍັດຂອງປະທານປະເທດ 001/ປປທ ລົງວັນທີ 15 ທັນວາ 2015 ວ່າດ້ວຍອັດຕາຄ່າຊັບພະຍາກອນ ແລະ ຄໍາແນະນໍາກ່ຽວກັບການຈັດຕັ້ງປະຕິບັດ, ວຽກງານຄຸ້ມຄອງຄ່າພາກຫຼວງ ໂດຍໃຊ້ໄລຍະເວລາຝຶກອົບຮົມທັງໝົດ 5 ວັນລັດຖະການ.

[ ຂ່າວ – ຮູບ: ກະຊວງການເງິນ ]

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ